ဂကောံရပ်လွဟ် ၅ ဂကောံ ပံင်ကောံတုဲ ကံက်မံင်စရင်မၞိဟ်လုပ်ကျာ်ပိ ပ္ဍဲကြုင်ထဝ်

 ဂကောံရပ်လွဟ် ၅ ဂကောံ ပံင်ကောံတုဲ ကံက်မံင်စရင်မၞိဟ်လုပ်ကျာ်ပိ ပ္ဍဲကြုင်ထဝ်

ဌာန်ပရိုင်ဗၠးၜးမန်၊ ဖေဖဝ်ဝါရဳ ၁၈၊ ၂၀၂၄။

ပံက်ပ္တိုန်လဝ်ဗီုပြင်သၞေဟ်ကင်စၟဳစၟတ် ပ္ဍဲဒၞါဲကြုင်ထဝ်မွဲတုဲ ဂကောံရပ်လွဟ် ၅ ဂကောံတအ် ပံင်ကောံ ကံက်မံင်စရင်လၟိဟ်မၞိဟ် မလုပ်ဍုင်ကျာ်ပိဂမၠိုင်နွံရောင် ဂွံတီကေတ်ရ။

နူကနေံတေံ (ဖေဖဝ်ဝါရဳ ၁၇၊ ၂၀၂၄) ဂှ် ညးစၞးနူကဵု ဂကောံရပ်လွဟ် ၅ ဂကောံမတွံဂး ဗော်သွးကောန်ဂကူကရေင် KNU၊ ဗော်ဍုင်မန်တၟိ NMSP၊ ဂကောံရပ်လွဟ်ကောန်ဂကူကရေင် DKBA၊ KNU/ KNLA (PC) ကေုာံ ဒပ်မင်ပယျဵု BGF တအ် ပါလုပ် ကၠောန်သ္ပကောံဓရီု ပ္ဍဲလ္တူဍုင်ကျာ်ပိတုဲ ဖျေံလဝ်သ္ဂုတ်သွာတ်ဂှ်ရ။

အတိုင်ညးစုက်လုက်ကဵု ဂကောံရပ်လွဟ်မွဲတၠဟီုလဝ်မ္ဂး “ပြဟ်ဟ်ဏအ်ဂှ်တှ်ေ မၞိဟ်လုပ်ကၠုင်ပါ်ကျာ်ပိဏအ် မွဲမွဲတ္ရဲ မၞိဟ်ကဵုလ္ရီ ဒှ်မံင်၊ ယဝ်အာအတိုင်ဏအ်တှ်ေ ဍုင်ကျာ်ပိဂှ် ဂွံထိင်ဟွံလောဲပုဟ်၊ မၞိဟ်ဂှ်လေဝ် ပြံက်ဂၠိုင်မံင်၊ အေဂှ်ရ အာအလဵုရော၊ မၞိဟ်မုစိကၠုင်ရော၊ အလဵုမံင်ရော အဵု ကေတ်စရင်ဂှ်ရ၊ ဂွံလိက်စၟတ်တဲမွဲမွဲတုဲမှ လုပ်ကျာ်ပိဂွံဂှ် ဟွံသေင်” သာ်ဝွံ လဴထ္ၜးရ။

ပ္ဍဲကဵုကံက်စရင်လၟိဟ်မၞိဟ်ဂှ်ဝွံ ယၟုမၞိဟ်လုပ်စိုပ်ကျာ်ပိတုဲ မံင်တန်တဴအလဵု၊ အာအလဵုဂှ်ကီု၊ ယၟုမၞိဟ် (ပွဲစား) မပၠောပ်နင်တအ်ဂှ်ကီု ဒးကဵုစရင်တုဲ ဟိုတ်နူဒးချူစရင်ယၟုသာ်ဂှ်ရ ကွဳစက်မွဲဖ္ဍိုက်မ္ဂး ဒးကဵုသြန်ၝာတ် (၂၀) ဒ္ကေဝ်နွံရောင် ဂးရ။

ကြဴနူကံင်ဇြဳပၞာန်ဗၟာတအ် လလောင်ပ္တိတ်အမိင် သ္ဒးလုပ်ပၞာန် စနူဂိတုဖေဖဝ်ဝါရဳ စၟတ်တ္ရဲ ၁၀ ဂှ်တုဲ ညးဍုင်ကွာန်ဂမၠိုင် ဂၠောဲလုပ်ကၠုင်ဇရေင်ဒေသပယျဵု သွက်ဂွံကၠတ်လုပ်ဍုင်သေံ လၟိဟ်ဗွဲဂၠိုင်ဂၠင်နွံရ။

“မၞိဟ်စိုပ်ကၠုင်တအ်ဂှ် ပြဟ်ဟ်ဏအ် လုပ်ဍုင်သေံ ဂွံဖ္အိုတ်ဟွံသေင်ပုဟ်၊ မုဟိုတ်တှ်ေ လ္ပာ်သေံတေံလေဝ် ဍေံသၠုင်လဝ် ပရေင်ဂီုကၠီုနွံမံင်၊ အေဂှ်ရ ရဲကၠုင်တအ်ဂှ် ၜက်မံင်လ္တူဍုင်ကျာ်ပိဏအ် နွံဟွံအောန်၊ ဗီုလဵုညးတအ် ဂွံစသုင်မံင်စံင်အာဂှ် ကေတ်ဟွံဒးလေဝ်” သာ်ဝွံ ညးဒေသလ္တူဍုင်ကျာ်ပိမွဲတၠပၠန်ဂှ် ဂးရ။

ဟိုတ်နူဟွံမိက်လုပ်ယိုက်ဂၠေင်ပၞာန် ပ္ဍဲဒပ်ပၞာန်ဗၟာတုဲ သၟတ်နူဒေသဍုင်မန်၊ လ္ဂုင်၊ ဗဂေါ၊ ရခေင်၊ သေံစတမ်တအ်ဂမၠိုင် ပါဲဓလေတ် ကၠတ်လုပ်ဍုင်သေံ ဒးဒုင်ရပ်လေဝ်နွံ၊ ဂွံအဆက်တုဲ လုပ်စိုပ်ဗ္ဒဗ္ဒဲါအာ ဇရေင်ဂကောံရပ်လွဟ် ဒပ်ပၠန်ဂတးတအ်လေဝ်နွံရောင် ဂွံတီကေတ်ရ။

ပရိုင်IMNA

ဂလာန်တၚ်ဂုဏ် ကေုာံ ဂလာန်ကဵုသမ္တီ(ဗွဲခမ္ဍန်)

 

                            သၞာံ ၂၀၂၄၊ ဂိတုဖေဖဝ်ဝါရဳ (၁၇)

၁။  ဗော်ဍုၚ်မန်တၟိ (ဗ္တိုက်သရိုဟ်တၠအဝဵုပၞာန်)ပိုဲ လလောၚ်တြ:ဏာ စပ်ကဵုပရေၚ် သွက်ဂွံလုပ်အာ ပေါဲဗ္တိုက်ကု အလဵုအသဳပၞာန် ပ္ဍဲစၟတ်တ္ၚဲ (၁၄/၂/၂၄)တုဲဗက်ဂှ် ဂကောံမန်ဂမၠိုၚ် မဒစဵုဒစ:လုပ်မံၚ်ပေါဲဗ္တိုက်ကု အလဵုအသဳပၞာန် စပ္တံ ကံၚ်ဇြဳဖေဝ်ဒရေဝ်ဍုၚ်မန် (MSFC)၊ ဒပ်ပၞာန်ဗၠ:ၜ:ဍုၚ်မန် (MLA)၊ ဒပ်စဵုဒၞာဍုၚ်မန် (MSDF) ကေုာံ  သၟတ်ဒစဵုဒ:စ:တၠအဝဵုအိုတ်သီု (MAD)တအ်ကီု၊ အလဵုအသဳ (NUG) ကေုာံ ဂကောံတၞဟ်ဟ် တအ်ကီုဂှ် လ္ၚဵုပံၚ်ကောံအာနဒဒှ်မဟာမိတ်၊ လ္ၚဵုပံၚ်တောဲကၠောန်ၜိုတ်အာ၊ လ္ၚဵုဘိုၚ်ကဵုအာဇြဟတ်ရောၚ် သာ်ဝွံ ဗီုည:ကုည: ပတိတ်ကၠုၚ်လိက်ဒုၚ်တၠုၚ်၊ ကဵုကၠုၚ်ဇြဟတ်ကုပိုဲသာ်ဏအ် ဂွံဆဵုကေတ်ဂှ် နကဵု ဗော်ဍုၚ်မန်တၟိ (ဗ္တိုက်သရိုဟ်တၠအဝဵုပၞာန်)ပိုဲ ဂွံဇြဟတ်စိုတ်ဗွဲမလောန်တုဲ တၚ်ဏာဂုဏ်ဗွဲမဇြိုဟ်နက်ရ။

၂။  ကြဴနူလိက်လလောၚ်တြ:ပိုဲတိတ်တုဲ ည:တာလျိုၚ်/သ္ဂံၚ်ဗော်မဇူလဝ်တြေံတအ်ကီု၊ သီုည:ဆာန်ဂကူ အပ္ဍဲဍုၚ်မ္ၚ:ဍုၚ်ဂမၠိုၚ်တအ် ဂစာန်ဂၠာဲကေတ်ဒၟံၚ်အဆက်ကုပိုဲ နဲည:ကုည:သေဲသေဲနွံဒၟံၚ်ရောၚ် ဂွံတီကေတ် ကီုရ။ အကြာပြဟ်ဟ်ဏအ် နကဵုဗော်ဍုၚ်မန်တၟိ(ဗ္တိုက်သရိုဟ်တၠအဝဵုပၞာန်)ပိုဲ ချူခၞံ သၞောဝ်တ်စဳပၞောန် ဒုၚ်တဲသ္ဂံၚ်တအ်တုဲမ္ဂ: ထပ်လလောၚ်အာပၠန်တုဲ မွဲကရောံဂှ် သီုလလောၚ်တြ:ဏာကဵု ဗီုပြၚ် သ္ဂောံကေတ်အဆက် ကေုာံ သ္ဂောံလုပ်စိုပ်ပ္ဍဲဗော်ပိုဲကီုရောၚ် ကဵုဏာသမ္တီရ။

သွာၚ်လလောၚ်တြ:ပရိုၚ်

ဗော်ဍုၚ်မန်တၟိ (ဗ္တိုက်သရိုဟ်တၠအဝဵုပၞာန်)

NMSP (AD) Info

မွန်ပြည်သူထံသို့ အသိပေးအကြောင်းကြားခြင်း

ဖေဖော်ဝါရီလ ၁၄၊ ၂၀၂၄

၁။ မွန်ပြည်သစ်ပါတီ၊ ကြာအင်းဆိပ်ကြီးမြို့နယ်၊ တောင်ပေါက်နယ်မြေအခြေစိုက် မော်လမြိုင်ခရိုင်သို့ အထွေ ထွေအတွင်းရေးမှူး နိုင်ဇေယျနှင့်အဖွဲ့တို့သည် ပါတီရှင်းလင်းရေးခရီးစဥ် သွားရောက်နေစဥ်အတွင်း မွန် ပြည်သစ်ပါတီ (စစ်အာဏာရှင်တိုက်ဖျက်ရေးအဖွဲ့) ကို ဖွဲ့စည်းကာ ယနေ့ (၁၄၊ ၀၂၊ ၂၀၂၄) တွင် ကြေညာချက်ထုတ်ပြန်၍ ခွဲထွက်သွားခြင်းဖြစ်သည်။

၂။ စစ်ကောင်စီအား တွေ့ဆုံဆွေးနွေးရေးနှင့်ပတ်သက်၍ မွန်ပြည်သစ်ပါတီအတွင်း လက်ခံသူနှင့် လက်မခံ သူ စသည်ဖြင့် သဘောထားကွဲလွဲနေခဲ့ကြသည်မှာ ကြာပြီးဖြစ်ကြောင်း စစ်ကောင်စီနှင့်တွေ့ဆုံဆွေးနွေး ရေးကို လက်ခံထားသူအရေအတွက် များပြားသဖြင့် လက်မခံသူများဘက်မှ အလျှော့ပေးခဲ့ရသည်ကို ကျေနပ်မှုမရှိခဲ့ပါ။

၃။ ပြီးခဲ့သည့် မွန်ပြည်သစ်ပါတီ၏ (၁၁) ကြိမ်မြောက် ပါတီညီလာခံတွင် စစ်ကောင်စီနှင့်ဆက်ဆံရေးကိစ္စတွင် ပါတီဝင်အချင်းချင်း အမြင်သဘောထား ပို၍ပင်ကွဲလွဲသွားခဲ့ရပါသည်။ စစ်ကောင်စီနှင့် နိုင်ငံရေးဆွေးနွေး ခြင်းမပြုရန် သဘောထားခြင်း တိုက်ဆိုင်မှုရှိသော်လည်း စစ်ကောင်စီနှင့်အဆက်သွယ်မဖြတ်ဘဲ ဆက် လက် ဆက်ဆံနေသင့်သည်ဟု ဆိုသည့်ဘက်က အားသာသွားသဖြင့် တစ်ဖက်မှလက်ခံနိုင်ခြင်းမရှိခဲ့ပါ။

၄။ ယခုရက်ပိုင်းအတွင်း ညီလာခံအပြီး ဗဟိုကော်မတီအစည်းအဝေးကျင်းပရန် သက်ဆိုင်ရာဗဟိုကော်မတီ ဝင်များအား ဖိတ်ကြားထားပြီးဖြစ်သော်လည်း အထွေထွေအတွင်းရေးမှူးနှင့်အဖွဲ့တို့သည် ဗဟိုကော်မတီ အစည်းအဝေးသို့ တက်ရောက်လာခြင်း မရှိသည့်အပြင် မော်လမြိုင်ခရိုင်၊ ပါတီရှင်းလင်းရေးခရီးစဥ်ကို အခွင့်ကောင်းယူလျှက် (၁၁) ကြိမ်မြောက် ပါတီညီလာခံရလဒ်အပေါ် ကျေနပ်ခြင်းမရှိသူများကို စည်းရုံးပြီး ဖေဖော်ဝါရီလ (၁၄) ရက်၊ ၂၀၂၄ တွင် မွန်ပြည်သစ်ပါတီမှခွဲထွက်ပြီး မွန်ပြည်သစ်ပါတီ (စစ်အာဏာရှင် တိုက်ဖျက်ရေးအဖွဲ့) အမည်ခံကာ ခွဲထွက်သွားခြင်းဖြစ်ကြောင်း သဘောထားထုတ်ပြန်ကြေညာခဲ့သည်။

၅။ အမျိုးသားလွတ်မြောက်ရေးအတွက် မွန်တစ်မျိုးသားလုံးအနေဖြင့် တစ်သံတည်းထွက်ပေါ်စေရေးနှင့် မွန်ပြည်သစ်ပါတီ၏ ဦးဆောင်မှုအခန်းကဏ္ဍလည်း တစ်စုတစ်စည်းတည်းဖြစ်စေရန် အလွန်အရေးကြီးပါ သည်။ ထို့ကြောင့် မွန်ပြည်သစ်ပါတီအနေဖြင့် သံဃာတော်များ၊ မျိုးချစ်ပုဂ္ဂိုလ်များနှင့် လက်တွဲ၍ ခွဲထွက် သွားသူများအား မိခင်ပါတီထံသို့ ပြန်လာနိုင်ရန် ကြိုးပမ်းဆောင်ရွက်သွားမည်ဖြစ်ကြောင်း အသိပေးအပ်ပါသည်။

ဗဟိုအလုပ်မှုဆောင်ကော်မတီ

မွန်ပြည်သစ်ပါတီ

ဗော်ဍုင်မန်တၟိ ရုဲစှ်သ္ပဒ္တန် ကမ္မတဳဗဟဵုသၠဲ သွာင်တၠကွတ်ကဵု သွာင်သၟတ်

ဗော်ဍုင်မန်တၟိ ရုဲစှ်သ္ပဒ္တန် ကမ္မတဳဗဟဵုသၠဲ သွာင်တၠကွတ်ကဵု သွာင်သၟတ်

ဌာန်ပရိုင်ဗၠးၜးမန်၊ ဖေဖဝ်ဝါရဳ ၁၆၊ ၂၀၂၄။

လဂွံကဵုဂၠံင်စၞောန်သဘင်သဳကၠဳဗော် အလန် (၁၁) ဝါ ဖျေံလဝ်သ္ဂုတ်သွာတ်ဂှ် တ္ရဲဏအ် (ဖေဖဝ်ဝါရဳ ၁၆၊ ၂၀၂၄) နူကဵုကောံဓရီုကမ္မတဳဗော်ဍုင်မန်တၟိ ရုဲစှ်သ္ပဒ္တန်ဏာ ကမ္မတဳဗဟဵုသၠဲ သွာင်တၠကွတ်ကဵု သွာင်သၟတ်ရောင် ဂွံတီကေတ်ရ။

ကမ္မတဳဗဟဵုသၠဲ နူကဵုသွာင်တၠကွတ်ဂှ် ဒံက်တာအံင်ခေတ်၊ ဒံက်တာဗညာသိုက် ကေုာံ နာဲပိုန်ပြဳ (၃) တၠ၊ သွာင်သၟတ်ဂှ် နာဲဟံင်ပြာ်၊ နာဲပါရမဳ (၂) တၠ ပါလုပ်တုဲ တ္ရဲဏအ် အခိင်ဖါနူဂယးဂှ် ယဵုသစ္စာ တုဲဒှ်အာလဝ်ရ။

သၟေဟ် သွာင်ညးဗြဴမွဲတၠကဵု သွာင်ပူဂဵုဆာန်ဂကူမွဲတၠတအ်ဂှ် ဟိုတ်နူဟိုတ်နာနာသာ်တုဲ ရုဲစှ်သ္ပဒ္တန်ဟွံမာန်ဏီ သ္ဂးရ။

ကြဴနူသဘင်သဳကၠဳဗော် အလန် (၁၁) ဝါတုဲဒှ်အာတုဲ အလန်ကိုပ်ကၠာအိုတ် ဗော်ဍုင်မန်တၟိ ကော်ကၠောန်ဒၟံင်ကောံဓရီု ကမ္မတဳဗဟဵု ပ္ဍဲဗ္ဒိုပ်လုပ်ဍုင် စနူဂိတုဖေဖဝ်ဝါရဳ စၟတ်တ္ရဲ (၁၂) တေံရောင် ဂွံတီကေတ်ရ။

နူကဵုသဘင်သဳကၠဳဗော်ဍုင်မန်တၟိ အလန် (၁၁) ဝါတုဲကၠုင်ဏအ်ဂှ် သ္အာင်နူပံက်ကဵုလဝ်အခေါင် ကမ္မတဳဗဟဵုသၠဲ (၇) တၠတုဲ ကမ္မတဳဗဟဵု နူလၟိဟ် (၃၈) တၠဂှ် ဂလိုင်ပ္တိုန် (၄၁) တၠကီု၊ ကေင်ကာဗဟဵုလေဝ် နူလၟိဟ် (၉) တၠဂှ် ထပ်ဂလိုင်ပ္တိုန်လဝ် (၁၁) တၠကီုနွံရ။

ၜိုန်ဂှ်လေဝ် လောန်ကၠုင်ဂိတုဖေဖဝ်ဝါရဳ စၟတ်တ္ရဲ ၁၄ ဂှ် က္ဍိုပ်သ္ကိုပ်နူဗော်ဍုင်မန်တၟိ ညးအုပ်ကာနာနာဗဟဵု နာဲဇဲယ၊ ကေင်ကာဗဟဵု နာဲလျးဂကူ၊ နာဲဗညာလဴ ကေုာံ ဒုသ္ကိုပ်ပၞာန် စၠန်ထဝ် ကဵုကမ္မတဳဗဟဵုလ္ရဵုဂမၠိုင် စ္ဍးပါဲတိတ်နူဌာန်ဂအုပ်ဗဟဵု၊ ဗ္ဒိုပ်လုပ်ဍုင်တုဲ ဒတူလာင်အာ နကဵုယၟုဗော်ဍုင်မန်တၟိ (ဗ္တိုက်သရိုဟ်တၠအဝဵုပၞာန်) ရောင် လလောင်တြးလဝ်နွံရ။ #IMNA

ပ္တိုန်ဂုဏ်စရာဲ ပအပ်တဆိပ်ကြာ ဝဳရဟံသာ ကုဥက္ကဌဇၞော် နာဲဟံသာ တုဲဒှ်

 ပ္တိုန်ဂုဏ်စရာဲ ပအပ်တဆိပ်ကြာ ဝဳရဟံသာ ကုဥက္ကဌဇၞော် နာဲဟံသာ တုဲဒှ်

ပရိုင်ဍုင်မန်တၟိ၊ ဖေဖဝ်ဝါရဳ ၁၅၊ ၂၀၂၄။

အစဳအဇန် သ္ဘင်ပ္တိုန်ဂုဏ်စရာဲ ပအပ်တဆိပ်ကြာ ဝဳရဟံသာ ကုဥက္ကဌဇၞော် ဗော်ဍုင်မန်တၟိ နာဲဟံသာဂှ် တ္ရဲဏအ် ကၠောန်ဗဒှ်ဏာလဝ် ပ္ဍဲဌာန်ဂအုပ်ဗဟဵု၊ ဗ္ဒိုပ်လုပ်ဍုင်တုဲ ခမဳသင်၊ ညးဍုင်ကွာန် ကေုာံ ညးတာလျိုင်၊ သ္ဂံင် နူဗော်ဍုင်မန်တၟိဂမၠိုင် တိုန်စိုပ်အိုတ်ရ။

အစဳအဇန်ဝွံ နူကဵုဂကောံဆက်စၠောံမန် အလုံဂၠးကဝ်တအ် ဆဝ်ဗ္ရုဟ် ပံင်ကောံညးသ္ကအ်တုဲ ကၠောန်ဗဒှ်လဝ်ရ။

ၜိုပ်မၞုံကဵုဇဲလွဳ၊ ၜိုပ်မဂံင်သ္ကာ၊ ၜိုပ်မအဲပရဲ ကော်ဂး တဆိပ်ကြာ ဝဳရဟံသာဝွံ ဥက္ကဌဇၞော် ဂုဏ်တၟေင် နာဲထဝ် မန် (စုတိပြဟ်လလုဲ) ကေင်က္လိဂွံလဝ် အလန်ကိုပ်ကၠာအိုတ်တုဲ တ္ရဲဏအ် ဥက္ကဌဇၞော် နာဲဟံသာ ဒှ်ညးမက္လိဂွံ မရနုက်ကဵု ၜါတၠရောင် ဂွံတီကေတ်ရ။

ကၠောန်ဗဒှ် ပေါဲဝေၚ်ဇြဟတ် ဒုၚ်တၠုၚ်တ္ၚဲကောန်ဂကူမန် ကေုာံ ပ္တိုန်ဂုဏ်စရာဲ ဥက္ကဌဇၞော် ဗော်ဍုၚ်မန်တၟိ နာဲဟံသာ

 ကၠောန်ဗဒှ် ပေါဲဝေၚ်ဇြဟတ် ဒုၚ်တၠုၚ်တ္ၚဲကောန်ဂကူမန် ကေုာံ ပ္တိုန်ဂုဏ်စရာဲ ဥက္ကဌဇၞော် ဗော်ဍုၚ်မန်တၟိ နာဲဟံသာ

ပရိုၚ်ဍုၚ်မန်တၟိ၊ ဂိတုမာ် ၅ မံက်၊ သၞာံ ၁၃၈၅။

ရန်တၟအ်ကဵု သွက်ဂွံဒုၚ်တၠုၚ်တ္ၚဲကောန်ဂကူမန် မရနုက်ကဵု (၇၇) ဝါ ကေုာံ စၟတ်သမ္တီ ပတိုန်ဂုဏ်စရာဲ ဥက္ကဌဗဟဵု ဗော်ဍုၚ်မန်တၟိ နာဲဟံသာ ဂွံဒုၚ်ကေတ် တဆိပ်ကြာ ဝဳရဟံသာတုဲ ကၠောန်သ္ပလဝ် ပေါဲဝေၚ်မခ္ဍံကျာ (Futsal) သၟတ်ဗြဴ ပ္ဍဲ ( ဂိတုမာ်၊ ၂ မံက်၊ တ္ၚဲအဒိုတ်) ဒၞာဲဖဠာတ် (Futsal) အိုဝ်လာမ်ပေတ် လ္တူဍုၚ်မတ်မလီုရ။

ပေါဲဝေၚ်ခ္ဍံကျာဝွံ နူကဵုဂကောံ Woman Sport ပံၚ်တောဲကဵု ဂကောံ M- space တအ်တုဲ က္ဍိုက်ပ် ကၠောန်ဗဒှ်လဝ်တုဲ ညးဗြဴသၟတ် နူကဵုပွိုၚ်ဍုၚ်မုဟ်ဍုၚ်၊ ပွိုၚ်ဍုၚ်ရေဝ် ၊ ပွိုၚ်ဍုၚ်ဇြပ်ဗု၊ ဗော်ဍုင်မန်တၟိ၊ ကွ:ဘာဠာန်လ္ၚတ်ဒးရး ၊ ကွ:ဘာ မုဒိတာ Learning center တအ် ပါလုပ် ချဳဓရာၚ်ပါလုပ်လဝ်ကီုရ။

ပ္ဍဲကဵုစၟတ်သမ္တီပေါဲပြိုင်ဂှ်ဝွံ လၟေၚ်အစဳအဇန်ပါလုပ်မံၚ် ၁၀ တၚ်တုဲ အစဳအဇန် ဝေၚ်မခ္ဍံကျာသၟ:ဟွက အစဳအဇန် သၟာန်၊ သွဟ် နဗီုပြင် (Family Group) ဗဟုသုတ နာနာလေဝ် ပါလုပ်ကီုရ။

အစဳအဇန် သၟာန်သွဟ်ဝွံ တၚ်သၟာန်စပ်ကဵု သက္ကရာဇ်သၞာံ စၟတ်သမ္တီ တ္ၚဲကောန်ဂကူမန်ကီု၊ ဒၞာဲ၊ သၞာံစချပ် ကၠောန်ဗဒှ် တ္ၚဲကောန်ဂကူမန်ကီု၊ ဆဂှ်သၟ:ဟွံက စပ်ကဵုအထ္ထုပ္ပတိ ဥက္ကဌဇၞော်ဗဟဵု ဗော်ဍုၚ်မန်တၟိ နာဲဟံသာ နာနာတအ်လေဝ် ပါလုပ်ရ။

ပ္ဍဲအစဳအဇန် သၟာန်၊ သွဟ်ဂှ် နူကဵုဂကောံသၟတ်ဗြဴ ပွိုၚ်ဍုၚ်မုဟ်ဍုၚ်၊ ပွိုၚ်ဍုၚ်ရေဝ်၊ ပွိုၚ်ဍုၚ်ဇြပ်ဗု ကေုာံ ဗော်ဍုင်မန်တၟိ၊ ကွ:ဘာ ဌာန်လ္ၚတ်ဒးရး ၊ ကွ:ဘာ မုဒိတာ Learning center တအ် ဘိုၚ်ပါလုပ် ကတိုၚ်ၚ်ကၟဟ်ဟ်ဂှ်လေဝ် ဂွံဆဵုကေတ်ရ။

ဥက္ကဌဇၞော်ဗဟဵု ဗော်ဍုၚ်မန်တၟိ နာဲဟံသာဝွံ သွက်ဂွံဒုၚ်ပအပ်တဆိပ်ကြာ ဝဳရဟံသာဂှ် ပ္ဍဲစၟတ်တ္ၚဲ ညးကတဵုဒှ်မၞိဟ် နာဲဟံသာ ဂိတုမာ် ၆ မံက် (တ္ရဲယး) မ္ဂး သွက်ဂွံကၠောန်ဗဒှ်အာ အစဳအဇန် အပ်ပြာပ်တဆိပ်ကြာ ပ္ဍဲဌာန်ဂအုပ်ဗဟဵု ဗ္ဒိုပ်လုပ်ဍုၚ်နွံရ။

တ္ၚဲကောန်ဂကူမန် ဗွိုင်အပ္ဍဲဍုင် ကဆံင်ဗဟဵု မရနုက်ကဵု (၇၇) ဝါ သၞာံဏံဂှ် ကၠောန်ဗဒှ်အာ ဒၞါဲကွာန်ကၟာမဵု ဒေသတကအ်ခၟိုင် တွဵုရးဍုင်မန်ရောင် ဂွံတီကေတ်ရ။

မွန်ပြည်သစ်ပါတီ(စစ်အာဏာရှင်တိုက်ဖျက်ရေး)၏ ထုတ်ပြန်ကြေငြာချက်

 မွန်ပြည်သစ်ပါတီ(စစ်အာဏာရှင်တိုက်ဖျက်ရေး)၏ 

ထုတ်ပြန်ကြေငြာချက်

                                                      ရက်စွဲ ၂၀၂၄ ခု ဖေဖော်ဝါရီလ ၁၄ ရက်

၁။   မွန်ပြည်သစ်ပါတီသည် မြန်မာ့နိုင်ငံရေးပြဿနာကို နိုင်ငံရေးနည်းလမ်းဖြင့် ဖြေရှင်းသည့် ရည်ရွယ်ချက် ဖြင့် ၁၉၉၅ ခုနှစ်မှစ၍ နိုင်ငံတော်ငြိမ်ဝပ်ပိပြားမှုတည်ဆောက်ရေးအဖွဲ့ (နဝတ)၊ နိုင်ငံတော်အေးချမ်း သာယာရေးနှင့် ဖွံ့ဖြိုးရေးကောင်စီ(နအဖ)၊ ဦးသိန်းစိန်အစိုးရ လက်ထက်တွင် အပစ်အခတ်ရပ်စဲရေး သဘောတူညီချက်များ ရယူပြီး NLD အစိုးရလက်ထက်တွင် တစ်နိုင်ငံလုံးပစ်ခတ်တိုက်ခိုက်မှုရပ်စဲရေး သဘောတူညီချက် (NCA) စာချုပ်ကို လက်မှတ်ရေးထိုးခဲ့ပါသည်။ 

၂။   ဤသို့ နှစ်ရှည်ကြာ အပစ်အခတ်ရပ်စဲရေး ပြုလုပ်ထားသော်လည်း နိုင်ငံရေးပြဿနာကို မဖြေရှင်းသည့် အပြင် မိမိတို့တပ်စခန်းများအား သိမ်းပိုက်ခြင်းအပါအဝင် မွန်တော်လှန်ရေးနေ့၊ မွန်အမျိုးသားနေ့ အခမ်းအနား ပြုလုပ်သည်မှအစ စစ်တပ်မှ နည်းမျိုးစုံ ဖိအားပေးခဲ့ပါသည်။

  

၃။   ၂၀၂၁ ခု ဖေဖော်ဝါရီလ (၁) ရက်နေ့ စစ်အာဏာသိမ်းလိုက်ခြင်းသည် နိုင်ငံအတွက်များစွာ ထိခိုက်နစ်နာ စေပြီး နိုင်ငံရေးပြဿနာများကို နိုင်ငံရေးနည်းလမ်းအရဖြေရှင်းသွားရန်နှင့် ပြည်သူများ၏ဆန္ဒသဘော ထားကို အသိအမှတ်ပြုပြီး ငြိမ်းချမ်းစွာအဖြေရှာသွားကြရန်  ၂၀၂၁ ခု ဖေဖော်ဝါရီလ (၁၂) ရက်နေ့တွင် မွန်ပြည်သစ်ပါတီမှ သဘောထား ထုတ်ပြန်ခဲ့ပါသည်။ 

၄။ မွန်ပြည်သစ်ပါတီသည် NCA စာချုပ် သဘောတူညီချက်များအရ နိုင်ငံရေးပြဿနာများကို နိုင်ငံရေးအရ အဖြေရှာရန် နည်းလမ်းပေါင်းစုံဖြင့် တစိုက်မတ်မတ် ကြိုးပမ်းအားထုတ်ခဲ့သည်။ အာဏာသိမ်း စစ်ကောင်စီ နှင့် (၃) ကြိမ်တိုင်တိုင် တွေ့ဆုံဆွေးနွေးခဲ့ပြီး ထိုဆွေးနွေးမှုများတွင် အားလုံးပါဝင်နိုင်သည့် နိုင်ငံရေးဆွေးနွေး ပွဲများကသာ လက်ရှိနိုင်ငံရေးပြဿနာကို ဖြေရှင်းနိုင်မည်ဟူသည့် ရပ်တည်ချက်အပါအဝင် မိမိတို့ပါတီ လိုလားသည့် ဖက်ဒရယ်အခြေခံမူများကို တင်ပြဆွေးနွေးခဲ့သော်လည်း မျှော်မှန်းသည့်ရလဒ်များ လုံးဝ မရရှိခဲ့ပါ။

 

၅။ အာဏာသိမ်းစစ်တပ်သည် လက်နက်အားကိုးပြီး ပြည်သူလူထုအပေါ် လူမဆန်စွာ ဖမ်းဆီးညှင်းဆဲ အကျဉ်းချသတ်ဖြတ်မှုများ နေ့စဥ်ကျူးလွန်နေပြီး မွန်ပြည်နယ်တွင်လည်း အာဏာသိမ်းစစ်တပ်၏ အကြမ်းဖက်မှု မျိုးစုံ ကြုံတွေ့နေရသည်။ အထူးသဖြင့် ကျိုက်ထို၊သထုံ၊ဘီးလင်း၊ကျိုက်မရော၊ သံဖြူဇရပ်နှင့် ရေးမြို့နယ်များတွင် အကြမ်းဖက် ဖမ်းဆီးသတ်ဖြတ်မှုများ၊ လက်နက်ကြီးပစ်ခတ်မှုများ၊ လေကြောင်း တိုက်ခိုက်မှုများ၊ နေအိမ်မီးရှို့မှုများ ပိုမိုပြုလုပ်လာပါသဖြင့် အကြမ်းဖက်နေသည့် စစ်ကောင်စီနှင့် နိုင်ငံရေးအရ ဆက်လက်တွေ့ဆုံဆွေးနွေး အဖြေရှာရန် မဖြစ်နိုင်တော့ပါ။ 

၆။  ပြည်သူများကို အကာအကွယ်ပေးရန်နှင့် မိမိတို့လိုလားသည့် အမျိုးသားတန်းတူရေး၊ ကိုယ်ပိုင်ပြဌာန်း ခွင့် အပြည့်အဝရှိသည့် ဖက်ဒရယ်ပြည်ထောင်စု ပေါ်ထွန်းရန်အတွက် နိုင်ငံ၏အာဏာ အဓမ္မသိမ်းယူထား သည့်စစ်တပ်၊ စစ်အာဏာရှင်စနစ်နှင့် အာဏာရှၚ်စနစ်ဟူသမျှ ချုပ်ငြိမ်းရေးသည်သာ တစ်ခုတည်းသော နည်းလမ်းဟု  ယုံကြည်သည်။ ထိုယုံကြည်ချက်၊ ရပ်တည်ချက်ကို (၁၁) ကြိမ်မြောက် ပါတီညီလာခံ၌ အကျေအလည် ဆွေးနွေးခဲ့သော်လည်း လတ်တလောအခြေအနေတွင် (၂၀၁၂) ခု နှစ်ဖက်သဘောတူ အပစ်ရပ်စာချုပ် Bilateral Ceasefire Agreement အတိုင်း ရပ်တည်သွားပြီ  စစ်ကောင်စီနှင့် ဆက်ဆံ သွားရန်  ဆုံးဖြတ်ခဲ့သည်ကို မိမိတို့ လုံးဝ လက်မခံနိုင်ပါ။ 

၇။  ထို့ကြောင့် မွန်ပြည်သစ်ပါတီ အထွေထွေအတွင်းရေးမှူး နိုၚ်ဇေယျနှင့်  ဒုစစ်ဦးစီးချုပ် ဗိုလ်မှူးချုပ် စလွန်းထော အပါအဝင် ယုံကြည်ချက်၊ ရပ်တည်ချက်တူညီသော ပါတီခေါင်းဆောင်များ၊ ပါတီဝင်များ၊ တပ် ဗိုလ်၊တပ်မှူး၊အကြပ်တပ်သားရဲဘော်များ၊ မျိုးချစ်ပုဂ္ဂိုလ်များတို့သည်  အာဏာသိမ်းစစ်တပ်၏ အကြမ်းဖက် မှုကို ကာကွယ်ရန်၊ တိုင်းရင်းသားလူမျိုးများ  လိုလားတောင့်တသည့် အမျိုးသားတန်းတူရေးနှင့် ကိုယ်ပိုင် ပြဌာန်းပိုင်ခွင့် အပြည့်အဝရှိသော ဖက်ဒရယ်ပြည်ထောင်စု တည်ဆောက်ရန်အတွက် စစ်ကောင်စီအား ဆန့်ကျင်တိုက်ပွဲဝင်နေသော တိုင်းရင်းသားတော်လှန်ရေးအဖွဲ့အစည်းများ၊ နွေဦးတော်လှန်ရေး အင်အားစု များနှင့် ပူးပေါင်းလက်တွဲပြီး အာဏာသိမ်းစစ်တပ်အား တိုက်ခိုက်သွားမည်ဖြစ်ကြောင်း ထုတ်ပြန်ကြေငြာ အပ်ပါသည်။ 

နိုင်ငံရေးစစ်ရေးဦးဆောင်အဖွဲ့                                                                                   မွန်ပြည်သစ်ပါတီ(စစ်အာဏာရှင်တိုက်ဖျက်ရေး)

              

ဆက်သွယ်ရန်

နိုင်ဗညားလယ် (ဒု-အဖွဲ့ခေါင်းဆောင် -၁)

ဖုန်:− ၀၉ ၇၅ ၄၅ ၇၅ ၃၆၈

Telegram channel..

https://t.me/MsjcZgpxh4hhNTk1

ကဝ်လိက်ကောန်ဂကူမန် ထ္ပက် MoU ကု တက္ကသိုလ် Payap သွက်ဂွံပံၚ်တောဲအာ သွာၚ်ပရေၚ်ပညာကဆံၚ်သၠုၚ်

ကဝ်လိက်ကောန်ဂကူမန် ထ္ပက် MoU ကု တက္ကသိုလ် Payap သွက်ဂွံပံၚ်တောဲအာ သွာၚ်ပရေၚ်ပညာကဆံၚ်သၠုၚ်

===================================

ဂိတုပှော် ၊ ၁၄ စွေက် ၊ သၞာံ ၁၃၈၅။ ဂိတုဖေဖဝ်ဝါရီ ၈ ၊ သၞာံ ၂၀၂၄။

သွက်ကွ:ဘာ ကတ်လ္ၚတ်မံၚ် ပ္ဍဲဘာ ကဝ်လိက် ကောန်ဂကူမန် ဂွံက္ဍကၠောံ ဂါံစိုပ်အာ ကဆံၚ်ပညာ ဂၠ:ကဝ်မာန် ရန်တုဲ အပၞောတ်ရုန်ဂစာန်မံၚ် သွက်တက္ကသိုလ် ဍုၚ်သ္အာၚ်ဂမၠိုၚ် ဂွံသ္ပစၟတ်သမ္တီကု ဘာကဝ်လိက် ဂကူမန်မာန်ဂှ် တ္ၚဲဏအ် ဂွံကၠုၚ် ပေါဲအံၚ်ဇၞ: အလန်ကကိုပ်ကၠာအိုတ် ထ္ပက်ကၠုၚ် လိက်ကသုက် တၚ်တုပ်စိုတ် MoU ကု တက္ကသိုလ် Payap ဍုၚ်သေံ မာန်ကၠုၚ် မဒှ်ရ။

အခန်ကၞာ ထ္ပက်လိက်ကသုက် MoU အကြာ ဘာကဝ်ကလိက် ကောန်ဂကူမန် ကေုာံ တက္ကသိုလ် Payap ဂှ် ကၠောန်ဗဒှ်ကၠုၚ် ပ္ဍဲဍုၚ်ဇံၚ်မာဲ ကၟိန်ဍုၚ်သေံ ပ္ဍဲစၟတ်တ္ၚဲဏအ် ဂိတုဖေဖဝ်ဝါရဳ ၈ ၊ ပ္ဍဲတက္ကသိုလ် Payap ဂှ်ရ။

သ္ပစၞ:ကဵု ဌာနပညာဗဟဵု ဗော်ဍုၚ်မန်တၟိတုဲ လျိုၚ်ပညာလေဝ်ဒှ် ကေၚ်ကာဗော်ဍုၚ်မန်တၟိလေဝ်ဒှ် မိသာဍာ က္ဍိုက်ပ်တုဲ ည:စၞ:ဂမၠိုၚ်ပါလုပ် မွဲကရောံကီု၊ သီုဂအုပ်ဘာ ကေုာံ ဒုဂအုပ်ဘာ ကဝ်လိက် ကောန်ဂကူမန် နာဲပညာမန် ကေုာံ မိရတ်ဆာန်တအ် ပါလုပ် တိုန်စိုပ် အခန်ကၞာ ထ္ပက်လိက်ကသုက် MoU ဂှ်ရ။

အပ္ဍဲတၚ်တုပ်စိုတ်လိက်ကသုက် MoU ဂှ် ပါလုပ် တၚ် (၈) တၚ် မဒှ်တုဲ စပ်ကဵု − နတက္ကသိုလ် Payap သွက်ဂွံသ္ပ စၟတ်သမ္တီ စရာဲဍာ်ဒကေဝ် ကွ:ဘာကဝ်လိက် ကောန်ဂကူမန်ဂမၠိုၚ် နကဆံၚ် ည:ကတ်လ္ၚတ် တက္ကသိုလ် ကဆံၚ်သၠုၚ်တုဲ၊ သွက်ဂွံသ္ပစၟတ်သမ္တီ ပရေၚ်သၠောဲပြံၚ် စၟတ်ကွ:ဘာ (Credit Transfer) ၊ သွက်ဂွံဒုၚ်တဲ ကွ:ဘာ ကဝ်လိက်မန် ည:နွံပၟိက် မိက်ဂွံဆက်တိုန် တက္ကသိုလ် Payap တအ်ပါလုပ်ကီုရ။

ဆဂှ်သၟ: ဟွံက အကြာ တက္ကသိုလ် Payap ကု ကဝ်လိက် ကောန်ဂကူမန် သွက်ဂွံ ထမံက်အာ သၞောတ် Dual Degree ကေုာံ Join Degree ၊ အကြာ တက္ကသိုလ် Payap ကု ကဝ်လိက် ကောန်ဂကူမန် သွက်ဂွံသၠုၚ် ပတိုန် ပရေၚ်ပံၚ်တောဲ စပ်ကဵု နဲကဲတန်ဗ္တောန် ကေုာံ ကွတ်အုပ်ဓုပ် ကောပ်ကာဲ တက္ကသိုလ်၊ နတၚ်တုပ်စိုတ် ၜါ်လ္ပာ် သွက်ဂွံ ပံၚ်တောဲ ဓမံက်အာ ရုပ်ရဴ စပ်ကဵု ကမၠောန်ဖောအ်ဗြေဝ် ပညာ တၚ်နၚ် သာ်တအ်လဝ် ပါလုပ်မံၚ်ကီုရ။

ဘာကဝ်လိက် ကောန်ဂကူမန်ဂှ် ဒက်ပ္တန်ကၠုၚ် ပ္ဍဲသၞာံ ၂၀၂၂ ဂှ်တုဲ ပံက်လဝ်ဘာ ဗ္တောန်ကဵုမံၚ် ပ္ဍဲတိဍာ်ဗၠ:ၜ: ဗော်ဍုၚ်မန်တၟိအုပ်ဓုပ် ဗဒိုပ်ညဳသာတုဲ သွက်ဘာသာ (၆) ဘာသာ နကဆံၚ် Associate Degree ဂှ် ဗ္တောန်ကဵုမံၚ် နွံရ။

စပ္တံနူသၞာံ ၂၀၂၄ ဏအ်တုဲ ဘာသာ ဂဥုဲ (သူနာြပုသိပ္ပံ) မွဲဘာသာ ထပ်ဗပဵု လဝ်တုဲ လတူဘာသာဏအ် နကဆံၚ် ဒဳဂရဳ ပေၚ်ၚ် ညံၚ်ဂွံကဵုမာန်ဂှ် ဗ္တောန်ကဵုမံၚ် နွံကီုရ။

အကြာ ဌာနပညာ ကောန်ဂကူမန်၊ ကဝ်လိက် ကောန်ဂကူမန် ကေုာံ တက္ကသဵု ဇံၚ်မာဲ (Chiang Mai) တအ်ဂှ် ၜိုန်ရ ဟွံဂွံ ထ္ပက်လဝ် လိက်ကသုက် တၚ်တုပ်စိုတ် ဏီကီုလေဝ် ပရေၚ်ပံၚ်တောဲ သွာၚ်ပညာဂှ် ပံၚ်တောဲ ကၠောန်ၜိုတ်မံၚ် နွံမံၚ်တုဲ ညံၚ်ဂွံဂွံ တၚ်တုပ်စိုတ် ကဆံၚ် ထ္ပက်လိက်ကသုက် MoU မာန်ဂှ်လေဝ် အဃော ဂိုတ်ဂစာန်မံၚ် မဒှ်ရ။

ဆဂှ်သၟ:ဟွံက ကုတက္ကသဵု Purdue, Fort Wayne မၞုံကၟိန်ဍုၚ် အမေရိကာန်ဂှ် ည:တာလျိုၚ် ဌာနပညာ ကေုာံ ကဝ်လိက်တအ် အာလ္ၚတ်လဝ် ပ္ဍဲအမေရိကာန် ပ္ဍဲဂိတု သေပ်တေန်ဗာ သၞာံ ၂၀၂၃ တေံတုဲ ပ္ဍဲသၞာံ ၂၀၂၄ ဏအ် ညံၚ်ဂွံဂွံ တၚ်တုပ်စိုတ် သွက်ဂွံထ္ပက် လိက်ကသုက် မာန်ဂှ် အဃော ဂိုတ်ဂစာန်မံၚ် မဒှ်ရ။

ပရိုၚ်ဍုၚ်မန်တၟိ

အပ်ပြာပ်တဆိပ်ကြာ ဝဳရဟံသာ ကုဥက္ကဌဇၞော်ဗဟဵု ဗော်ဍုင်မန်တၟိ နာဲဟံသာဏောင်

 

အပ်ပြာပ်တဆိပ်ကြာ ဝဳရဟံသာ ကုဥက္ကဌဇၞော်ဗဟဵု ဗော်ဍုင်မန်တၟိ နာဲဟံသာဏောင်

ပရိုင်ဍုင်မန်တၟိ၊ ဖေဖဝ်ဝါရဳ (၇)၊ ၂၀၂၄။

နူကဵုဂကောံဆက်စၠောံမန်အလုံဂၠးကဝ်တအ် ဆဝ်ဗ္ရုဟ် ပံင်ကောံညးသ္ကအ်တုဲ အပ္ဍဲဂိတုဖေဖဝ်ဝါရဳ၊ သၞာံ ၂၀၂၄ ဏအ်မ္ဂး သွက်ဂွံပ္တိုန်ဂုဏ်စရာဲ အပ်ပြာပ်တဆိပ်ကြာ ဝဳရဟံသာ ကုဥက္ကဌဇၞော် ဗော်ဍုင်မန်တၟိ နာဲဟံသာနွံရ။

အစဳအဇန် ပ္တိုန်ဂုဏ်စရာဲ အပ်ပြာပ်တဆိပ်ကြာဂှ်ဝွံ ပ္ဍဲတ္ရဲဥက္ကဌဇၞော်ဗဟဵု ဗော်ဍုင်မန်တၟိ နာဲဟံသာ က္တဵုဒှ်မၞိဟ် ဂိတုမာ် (၆) မံက်၊ (ဖေဖဝ်ဝါရဳ စၟတ်တ္ရဲ ၁၅) ဏအ်မ္ဂး ကၠောန်ဗဒှ်အာ ပ္ဍဲဌာန်ဂအုပ်ဗဟဵု ဗ္ဒိုပ်လုပ်ဍုင်ရောင်။

ဥက္ကဌဇၞော်ဗော်ဍုၚ်မန်တၟိ နာဲဟံသာဝွံ က္တဵုဒှ်မၞိဟ် ပ္ဍဲသက္ကရာဇ်ဍုင် ၁၃၀၉ သၞာံ၊ ဂိတုမာ် (၆) မံက်၊ တ္ရဲသိုက်၊ (ဂျာန္နဝါရဳ ၁၆၊ ၁၉၄၈) မဒှ်ကောန်သၟာဗ္ရ နာဲဗမ်-မိဇဳ ဇရေင်ကွာန်ကုန်သာယျာ (ဗ္ဒါဲဍုင်ဇိုင်ကျာ်) ပွိုင်ဍုင်ပံင်၊ တွဵုရးဍုင်မန်တုဲ ပၞောဝ်ကောဒေံ (မၞိဟ်တြုံသီုဖ္အိုတ်) တြဴတၠဂှ် ဒှ်ကောန်ဗၠာဲ မရနုက်ကဵုပိရ။

ရန်တၟအ်ကဵု သွက်ဂကူမန် ဂွံဗၠးၜးနူဘဝဍိက်၊ ဂွံက္လေင်ဒက်ပ္တန်ဍုင်မန်တၟိမွဲဝါပၠန်တုဲ ကာလစိုပ်အဝဲ ဂွံအာ ယုက် (၂၀) သၞာံ၊ ပ္ဍဲသက္ကရာဇ် ၁၉၆၈၊ ဂိတုမာတ်ဂှ် ထောံကွာန် လသာကၠေံနူဌာန်ဒေသဇကုတုဲ လုပ်စိုပ် တိဍာ်ပၠန်ဂတး ဇရေင်ဗော်ဍုင်မန်တၟိရ။

ပ္ဍဲဗော်ဍုင်မန်တၟိဂှ် နာဲဟံသာ ယိုက်ဂၠေင်ကၠုင်တာလျိုင်နာနာ သွက်ဗၠးၜးဂကူ မွဲဒမြိပ်တုဲ ကာလစိုပ်သၞာံ ၂၀၁၉ ကၠောန်ဗဒှ်သဘင်သဳကၠဳဗော်အလန်ဒသမဂှ် ဂွံဒုင်ရုဲစှ်ပ္တိုန် နဒဒှ်ဥက္ကဌဇၞော် ဗော်ဍုင်မန်တၟိရ။

ညးဝွံ သွက်ဗၠးၜးဂကူမန်ဂှ် ပါဲနူနဲကဲလွပ်လွဟ်တုဲ နကဵုဂၠံင်တရဴ မဆက်စၠောံမဟာမိတ် ကုကောန်ဍုင်အရင် ဘဝတုပ်ဂမၠိုင်ကီု၊ နကဵုလွဟ်ကၞေဟ် ချူဇန်ကၠုင်ဒွက်၊ ဝတ္ထု၊ လဝေင်ဇာတ်၊ လိက်ပရေင်၊ လိက်ကၞပ် (ဘာသာမန်၊ ဗၟာ) ဂၠိုင်ကဵုလၟိဟ်ကီု တဝ်စၞေဟ်လုပ်ကၠုင်ပေါဲဗ္တိုက်နာနာသာ် စဵုကဵုလၟုဟ်ဏီဖိုဟ်ရ။

ဒှ်သာ်ဂှ်ရ ရံင်ကဵုအသဝ်ဂုဏ်တၟေင် ညးမသၠးကၠုင်လဝ်ဖဵုအတ္တနာနာ၊ မဂံင်သၠာဲလမျီု သွက်ဗၠးၜးဂကူမန်ဂှ်ရ မ္ဒးဇိုန်ပအပ်ကဵု တဆိပ်ကြာ ဝဳရဟံသာရောင် နူကဵုဂကောံဆက်စၠောံဂကူမန် အလုံဂၠးကဝ်တအ် သ္ဂးလဝ်ရ။

ၜိုပ် မၞုံကဵုဇဲလွဳ၊ ၜိုပ် မဂံင်သ္ကာ၊ ၜိုပ် မအဲပရဲ ကော်ဂး တဆိပ်ကြာ ဝဳရဟံသာဝွံ ဥက္ကဌဇၞော်ဂုဏ်တၟေင် နာဲထဝ် မန် (စုတိပြဟ်လလုဲ) ကေင်က္လိဂွံလဝ်အလန်ကိုပ်ကၠာအိုတ်တုဲ အလန်ဏအ် ဥက္ကဌဇၞော် နာဲဟံသာ က္လိဂွံမရနုက်ကဵု ၜါတၠရ။

ဥက္ကဌဇၞော် ဗော်ဍုင်မန်တၟိ နာဲဟံသာဝွံ ဒက်လဝ်ဘဝသ္ရိကၟိန် ကုမိညုင် ဇာတိကွာန်လှာၜိုပ်၊ ပွိုင်ဍုင်လှာ ဒကှ်၊ ခရိုင်မတ်မလီုတုဲ က္လိဂွံလဝ်ကောန်ဇာတ် (၅) တၠ၊ တြုံ (၃) တၠ၊ ကောန်ဗြဴ (၂) တၠရောင် ဂွံတီကေတ်ရ။

ဒုင်ဖျဴ ဂြဇုတ် ဥက္ကဌဇၞော်ဂုဏ်တၟေင် နာဲထဝ်မန် တုဲဒှ်၊ သွက်ဂွံကၠောန်ရုပ်ပတုပ်ဂှ် စဳဇန်ဒၟံင်နွံ

 ဒုင်ဖျဴ ဂြဇုတ် ဥက္ကဌဇၞော်ဂုဏ်တၟေင် နာဲထဝ်မန် တုဲဒှ်၊ သွက်ဂွံကၠောန်ရုပ်ပတုပ်ဂှ် စဳဇန်ဒၟံင်နွံ

ပရိုင်ဍုင်မန်တၟိ၊ ပှော် (၈) စွေက်၊ သက္ကရာဇ်ဍုင် (၁၃၈၅)။

ဂြဇုတ်ဥက္ကဌဇၞော်ဂုဏ်တၟေၚ် နာဲထဝ်မန်ဂှ် လောန်ကၠုင်နူဂိတုဂျာန္နဝါရဳ စၟတ်တ္ရဲ ၂၈ (ဂိတုပှော် ၃ စွေက်) တေံ ဂကောံကောန်ဇာတ်ဂမၠိုင်၊ ခမဳသင်၊ ကောန်ညးဍုင်ကွာန် ကေုာံ ကောန်သ္ဂံင်တအ် ဒုၚ်ဖျဴနၚ်တုဲ ပြဟ်ဟ်ဏံ စွံလဝ်ပ္ဍဲသ္ရိဒၟံင်ကောန်ဇာတ်ညး မၞုံကွာန်ကၟာဝက် ပွိုၚ်ဍုၚ်မုဟ်ဍုၚ်ရောင် ဂွံတီကေတ်ရ။

ပြဟ်ဟ်ဏအ် ရန်တၟအ်ကဵု သွက်ဂွံရှ်ေသှ်ေအာ နဒဒှ်အာဇနဲကီုတုဲ အလဵုရဲကွာန်တအ် စဳဇန်ဒၟံင် သွက်ဂွံကၠောန်သ္ပကုသဵု ကဵုဒါန်စရိုဟ်ဍာ်ကီု သွက်ဂွံဒက်ကၠောန်အာ ဗီုရုပ်ပတုပ်ညး (ဥက္ကဌဇၞော် ဂုဏ်တၟေင်) ကီုနွံရ။

ဂြဇုတ်ဥက္ကဌဇၞော် ဂုဏ်တၟေၚ် နာဲထဝ်မန်ဝွံ ပါ်စွံအာ (၅) ဒၞါဲတုဲ ပ္ဍဲကဵု (၅) ဒၞါဲတအ် ဂှ်  ဒၞါဲဌာန်တိုပ်သုက်ညး (ကွာန်လှာ-ဖါင်ကၠ) ကီု၊ ဒၞါဲဌာန်ညးဇၞော်ဂေါဝ်တိုန် (ကွာန်ကၟာဝက်) ကီု၊ သှ်ေ (၃) ဒၞါဲဂှ် နူကဵုဗော်ဍုၚ်မန်တၟိ ဖျေံအစဳအဇန်တုဲ သွက်ဂွံကၠောန်အာ ဂိုဟ်နွံရ။

ဆဂှ်သၟးဟွံက ဒၞါဲကုန်အာဇနဲ ဗော်ဍုၚ်မန်တၟိ မၞုံဌာန်ဂအုပ်ဗဟဵုဂှ်လေဝ် သွက်ဂွံကၠောန်အာ ဂိုဟ်ဥက္ကဌဇၞော်ဂုဏ်တၟေၚ် နာဲထဝ်မန် နွံဒၟံၚ်ဏောၚ်ဂှ်လေဝ် လဂွံကဵုဂလာန်ညးတာလျိုၚ် ဗော်ဍုၚ်မန်တၟိတအ်ဟီုလဝ်ဂှ် ဂွံတီကေတ်ရ။

ဥက္ကဌဇၞော်ဂုဏ်တၟေင် နာဲထဝ်မန်ဂှ် ပ္ဍဲသက္ကရာဇ်ဍုင် ၁၃၈၅ သၞာံ၊ ဂိတုပှော် (၇) မံက် (၁၇၊ ၀၁၊ ၂၀၂၄) ဂှ် စုတိပြဟ်လလုဲအာ ဘဝပလိုက် နကဵုယဲမၞိဟ်အာယုက်ဇၞော် ပ္ဍဲရုင်ဂဥုဲဝင်က (သင်သေံ) တုဲ အစဳအဇန် ဇျှာပန စံင်ဇွဂြဇုတ်ညးဂှ် ကၠောန်ဗဒှ်ဏာလဝ် ပ္ဍဲဂိတုပှော် (၁၁) မံက် (၂၁၊ ၀၁၊ ၂၀၂၄)၊ ဒၞါဲသုသာန်ကွာန်ပလိုင်ဂျပါန် ဒေသကျာ်ပိ၊ တိဍာ်ဗော်ဍုင်မန်တၟိရ။