ကၠောန်ဗဒှ် ကောံဓရီုဇၞော်အ္စာဂဥုဲ ဌာနပရေင်ထတ်ယုက်ဗဟဵု
သၞာံ ၂၀၂၂ တုဲဒှ်အာ
ပရိုင်ဍုင်မန်တၟိ
နူကဵုဌာနပရေင်ထတ်ယုက် ဗဟဵု ဗော်ဍုင်မန်တၟိ သ္ပသ္ကိုပ်သ္ကတုဲ ပ္ဍဲဂိတုဒဳဇြေမ်ဗါ စၟတ်တ္ရဲ (၁၂) စဵုစိုပ်စၟတ်တ္ရဲ (၁၄) ဂှ် ကၠောန်ဗဒှ်ဏာ ကောံဓရီုဇၞော်အ္စာဂဥုဲ ဒၞါဲဗ္ဒိုပ်ဝါဇြေန် ခရိုင်ထဝါဲ ပွိုင် (၃) တ္ရဲ တုဲဒှ်အာရောင် ဂွံတီကေတ်ရ။
ပ္ဍဲကောံဓရီုဝွံ ညးတာလျိုင် မဆက်စပ်ကဵု ဌာနထတ်ယုက်ဗဟဵုဂမၠိုင်၊ အ္စာဂဥုဲဂမၠိုင် အပံင်ဖအိုတ် ၁၂၉ တၠ ဂွံတိုန်စိုပ်သဳကၠဳလဝ်နွံရောင် ဂွံတီကေတ်ရ။
ဌာနပရေင်ထတ်ယုက်ဗဟဵု ဗော်ဍုင်မန်တၟိဂှ် စဒက်ပ္တန်လဝ် ပ္ဍဲသၞာံ ၁၉၇၂ တုဲ စဵုစိုပ်သၞာံ ၂၀၂၂ ဏအ်မ္ဂး ပေင်ကၠုင် ၅၀ သၞာံကီုရ။
