ဗီုရုပ် သ္ဂံင် ဗော်ဍုၚ်မန်တၟိ (AD)တအ် စှ်ေကၠုင်နူဘာ ကွတ်ဗ္တောန်ပၞာန် ဒပ်ဗ္တိုက်တၟေင် (နူ SOF)တုဲ ကလေင်စဴစိုပ်ဒၞာဲ

ဗီုရုပ် သ္ဂံင် ဗော်ဍုၚ်မန်တၟိ (AD)တအ် စှ်ေကၠုင်နူဘာ ကွတ်ဗ္တောန်ပၞာန် ဒပ်ဗ္တိုက်တၟေင် (နူ SOF)တုဲ ကလေင်စဴစိုပ်ဒၞာဲ

ကၠောန်ဗဒှ် အသေအဟာန်ဖျေံဘာ‌ ကွတ်ဗ္တောန်ပၞာန်သ္ဇိုင် လၟေင် (၂)

ဗော်ဍုင်မန်တၟိ (ဗ္တိုက်သရိုဟ်တၠအဝဵုပၞာန်) ပံက်လဝ်ဘာ ကွတ်ဗ္တောန်ပၞာန်သ္ဇိုင်လၟေင်(၂)ဂှ် ကွတ်ဗ္တောန်အာစိုပ်ဒတုဲတုဲ နူကဏေံ (၁၅/၆/၂၄)တေံ ကၠောန်ဗဒှ်ဏာအသေအဟာန်ဖျေံဘာ ပ္ဍဲတိဍာ်ဗၠ:ၜ:မွဲဒၞာဲရ။

ပ္ဍဲအသေအဟာန်ဂှ် က္ဍိုပ်သ္ကိုပ်ဂမၠိုင် ပအပ်ပြာပ်လာပ်ကု ကွ:ဘာကေက်သ္ကာဂမၠိုင်တုဲ ဒုည:က္ဍိုပ်(၁) နာဲဗညာလဴ၊ ဒုသ္ကိုပ်ပၞာန်စၠန်ထဝ်တအ် ဟီုဂလာန်ဗ္ကန်ကု ကွ:ဘာစှ်ေဘာတအ်ရ။

ပ္ဍဲအသေအဟာန်ဂှ် ကွ:ဘာစှ်ေဘာတအ် သ္ပစၟတ်သစ္စယဵုဗ္စာတုဲ နူည:တာလျိုင်တအ် ပ္အပ်ဗ္ဂပ်ကဵုလွဟ် ကု ကွ:ဘာတအ်နွံရ။

ဗော်ဍုင်မန်တၟိ (ဗ္တိုက်သရိုဟ်တၠအဝဵုပၞာန်) ကၠောန်သ္ပပေါဲဆဵုဂဗကု ဂကောံနာနာ

ရန်တၟအ်ကဵု သ္ဂောံသောင်ကလး အကာဲအရာပရေင်ဍုင်ကွာန်၊ ပရေင်ပၞာန်ကီု သ္ဂောံကလင်ရမျှာင်၊ ကေတ်ကသပ် နူညးဍုင်ကွာန်တအ်မာန်ကီုရန်တုဲ ပ္ဍဲစၟတ်တ္ၚဲ (၁၉/၀၆/၂၄)ဂှ် နူကဵုညးတာလျိုင် ဂကောံအာက္ဍိုပ်ပရေင်ဍုင်ကွာန်ပရေင်ပၞာန် ဗော်ဍုင်မန်တၟိ(ဗ္တိုက်သရိုဟ်တၠအဝဵုပၞာန်)တအ် ကၠောန်သ္ပဏာ ပေါဲဆဵုဂဗကု ဂကောံနာနာ ပ္ဍဲတိဍာ်ဗၠးၜး မွဲဒၞာဲရ။

ပ္ဍဲပေါဲဆဵုဂဗဂှ် ညးစၞးနူဂကောံနာနာတအ် ဗၞတ် (၁၈၀)တၠပြင်တိုန်စိုပ်တုဲ နူလ္ပါ်ဗော်ဍုင်မန်တၟိ(AD)ဂှ် ဂကောံအာက္ဍိုပ် ပရေင်ဍုင်ကွာန်ပရေင်ပၞာန်ဂမၠိုင် ကေုာံ ညးတာလျိုင်ဒေသဂမၠိုင်တအ် တိုန်စိုပ်အိုတ်ရ။ ပ္ဍဲပေါဲဆဵုဂဗဝွံ ဒုညးက္ဍိုပ် (၁) နာဲဗညာလဴ ဟီုသောင်ကလးဏာ အကာဲအရာပရေင်ဍုင်ကွာန် ကေုာံ အကာဲအရာဗော်ဍုင်မန်တၟိ(AD)တုဲ ဒုသ္ကိုပ်ပၞာန် စၠန်ထဝ်ဂှ် ဟီုသောင်ကလးဏာအကာဲအရာပရေင်ပၞာန်ရ။ မွဲအဆက်ဓဝ် ညးတိုန်စိုပ်ဂမၠိုင်တအ် သၟာန်ကလး သွာင်ကမၠောန်ဗော်နာနာကီု သီုကဵုဏာကသပ်နာနာ ကုဗော်နွံရ။

လူမှုအသင်းအဖွဲ့များနှင့် မွန်ပြည်သစ်ပါတီ(စစ်အာဏာရှင်တိုက်ဖျက်ရေး) တွေ့ဆုံပွဲကျင်းပ

=========================

နိုင်ငံရေး၊ စစ်ရေး အခြေအနေများ ရှင်းလင်းတင်ပြရန်နှင့် ပြည်သူများ၏ အသံနှင့် အကြံပြုချက်များ ရယူနိုင်ရန်ရည်ရွယ်ပြီး မွန်ပြည်သစ်ပါတီ(စစ်အာဏာရှင်တိုက်ဖျက်ရေး)၏ နိုင်ငံရေးစစ်ရေးဦးဆောင်အဖွဲ့မှ လူမှုအသင်းအဖွဲ့များ နှင့် (၁၉/၀၆/၂၄)ရက်‌နေ့တွင် တွေ့ဆုံပွဲတစ်ရပ်ကို လွတ်မြောက်နယ်မြေ တစ်နေရာတွင် ကျင်းပပြုလုပ်ခဲ့သည်။

တွေ့ဆုံပွဲသို့ လူမှုအသင်းအဖွဲ့အသီးသီးမှ ကိုယ်စားလှယ် ၁၈၀ ဦးကျော် တက်ရောက်ခဲ့ပြီး မွန်ပြည်သစ်ပါတီ(စစ်အာဏာရှင်တိုက်ဖျက်ရေး)၏ နိုင်ငံရေးစစ်ရေးဦးဆောင်အဖွဲ့နှင့် ဒေသတာဝန်ခံများ တက်ရောက်ခဲ့ကြသည်။ ဒုခေါင်းဆောင်(၁) နိုင်ဗညားလယ်မှ နိုင်ငံရေး နှင့် မွန်ပြည်သစ်ပါတီ(စစ်အာဏာရှင်တိုက်ဖျက်ရေး)၏ လှုပ်ရှားဆောင်ရွက်မှုများအကြောင်း ရှင်းလင်းတင်ပြခဲ့ပြီး ဒုစစ်ဦးစီးချုပ် စလွန်းထောမှ စစ်ရေးဆိုင်ရာကိစ္စရပ်များအား တင်ပြခဲ့ကြသည်။ ထို့နောက် တက်ရောက်လာသူများမှ မေးခွန်းများမေးမြန်းခြင်းနှင့် အကြံပြုချက်များတင်ပြဆွေးနွေးခဲ့ကြသည်။

" ပိုဲဒးလေဲအာခတှ် နကဵုပေါဲအံၚ်ဇၞးရောင်" ဒုည:က္ဍိုပ်(၁) နာဲဗညာလဴဟီု

 

ပ္ဍဲအသေဟာန်ဖျေံဘာကွတ်ဗ္တောန်ပၞာန်သ္ဇိုင် လၟေင်(၂) အဃော ဒုည:က္ဍိုပ်(၁) ဂကောံအာက္ဍိုပ် ပရေင်ဍုင်ကွာန်ပ‌‌ရေင်ပၞာန် ဗော်ဍုင်မန်တၟိ(AD) နာဲဗညာလဴ ဟီုဂလာန်ဗ္ကန်ကု ကွ:ဘာစှ်ေဘာတအ်ဂှ် ဟီုဂးဏာလဝ်သာ်ဝွံရ။

“ ဗော်ဍုၚ်မန်တၟိ (AD) စလလောင်လုပ်ပေါဲဗ္တိုက်ကုတၠအဝဵုပၞာန်ဂှ် ပေင်ကၠုင် (၄)ဂိတုရ။ ပ္ဍဲပွိုင် (၄)ဂိတုဏအ် လမျီုဆီပလက်သ္ဂံင်တအ် ဒးဒုင်ပူဇဴဏာလေဝ်နွံကၠုင်ကီု၊ သၞတအ်စံင်ပလီုကၠတ်ဂၠံက်တုဲ ပိုန်ဟာန်ဒြပ်ရတ်ညးဍုင်ကွာန်တအ် ဒးဒုင်ဆောံအာဗွဲမဂၠိုင်ကီုတုဲ ပိုဲတအ် ဒှ်အာခတှ်ကုသ္ဂံင် ညးဍုင်ကွာန်ကောန်ဂကူတအ်ယျ။

ခတှ်ဏအ်ဂွံပြေဂှ် ပိုဲဒးလေဲကဵုပေါဲအံင်ဇၞးရောင်။ ပေါဲအံင်ဇၞးပိုဲ အခေါင်အရာဂကူပိုဲ ပိုဲကေတ်ကဵုဟွံမာန်တှ်ေ ဒးဒုင်ချူဝင်ပရေံပရေံ ပ္ဍဲကဵုဝင်ပၠန်ဂတးရောင်။ ညံင်ဂွံဂွံပေါဲအံင်ဇၞးဂှ် ဒးလုပ်ပေါဲဗ္တိုက်ရောင်။”

“ ဇၟောဝ်ဍာ်ပရေင်ဍုင်ကွာန်ဍုင်ပိုဲဏအ် ဟရီုဗွိုင်ပရေင်ဍုင်ကွာန်ဍန်စှ်ေ ဟရီုဗွိုင်ပရေင်ပၞာန်ဇၞော်သၠဲတိုန်မံင်ဒှ်တုဲ ဇြဟတ်ပၞာန် ကု ဇြဟတ်ထံက်ဂလာန်ညးဍုင်ကွာန်ဂှ် ဒှ်အဓိကဏောင်။ ဇြဟတ်ပၞာန်ဇကုဂၠိုင်မှ သၞတအ်ရောံဓညတုဲ မဟာမိတ်ဘဝတုပ်တအ်လေဝ် သ္ပသမ္တီကုပိုဲဏောင်။ ဟိုတ်ဂှ်ရ ဇြဟတ်ပၞာန်ဂှ်ပထမ၊ ဇြဟတ်ပၞာန်ဂှ်ဒုတိယ၊ ဇြဟတ်ပၞာန်ဂှ် တတိယ ပိုဲတအ် ဒးစွံအရီုလွဳၜံင်အာရောင်။”

https://fb.watch/sRmE1w05Ua/

ပရိုင်ပေါဲဗတိုက်

ရဲဒပ် ဗော်ဍုင်မန်တၟိ (ဗ္တိုက်သရိုဟ်တၠအဝဵုပၞာန်) (NMSP-AD)မၞုံဒေသ (၅) ပွိုင်ဍုင်မုဟ်ဍုင်တအ် နူကဏေံ (၉/၆/၂၄) အခိင် သဝ်တ္ၚဲ (၃:၂၀)နာဍဳဂှ် လုပ်ကြတ်ပန် ဒပ်ပၞာန်(စကစ) မဍိုက်ကၠုင်နကဵုကွဳစက်ဟိုင်ဂျေတ် အကြာကွာန်ယင်ဒံင် သၞေဟ်ဗ္ဒဝ် မၞုံပ္ဍဲဂၠံင်ကွဳစက်ဇၞော် မတ်မလီု ဇြပ်ဗုရ။

ပ္ဍဲပေါဲဗ္တိုက်ဂှ် ဒပ်ပၞာန် (စကစ)တအ် ချိုတ်မွဲတၠ၊ လ္တူကွဳစက်ဟိုင်ဂျေတ်ဂှ်လေဝ် ချိုတ် ဒ:ဝပ်နွံတုဲ နကဵုကွဳစက်ဂှ် ဒဳဓရိပ်ဗၠ:တိတ်အာရ။ (ပရေၚ်ချိုတ်ဂျိုင်လ္တူကွဳစက်တအ်ဂှ် အဃောလၟတ်ဒၟံင်ဖိုဟ်) ကြဴနူဂှ် နူကဵုဒပ် (စကစ)တအ် ဟဍိုင်ပန် နကဵုလွဟ်ဇၞော် ပွိုင်ၜိုတ် (၂၀) မိနေတ်ရ။ နူပေါဲဗတိုက်ဏအ် ရဲဒပ်ပိုဲ သီဂွံ လွဟ်သၞ MA1 မွဲဇကိုအ်၊ မကံ ၁၁၅မ ၊ ကါဒ်မကံ ပိမ နွံရ။

တင်သောင်ကလးစပ်ကဵု ဗော်မည်ဒပ်မည် စောဲစပ်လဝ် လ္တူဗော်ဍုင်မန်တၟိ (ဗ္တိုက်သရိုဟ်တၠအဝဵုပၞာန်)

ပ္ဍဲစၟတ်တ္ၚဲ (၁/၆/၂၀၂၄) ဂှ် ဒပ်ဖျေံသ္ဇိုၚ်ဒေသဍာ်ဗု မၞုံယၟု ဗော်မည်ဒပ်မည်တအ် ပတိတ်လိက်လလောၚ်တြးတုဲ စောဲစပ်ဏာလဝ် ဗော်ဍုင်မန်တၟိ ( ဗ္တိုက်သရိုဟ်တၠအဝဵုပၞာန်) က္ဍိုက်ပ် ကေုာံ ဒပ်မဟာမိတ်တအ် လုပ်ဗိုင်ဗ္တိုက်ဒပ်မည် ညးတအ်ရ။ စပ်ကဵုပရေင်ဒဒှ်ဏအ်တုဲ သောင်ကလးဏာအတိုင်ဗွဲသၟဝ်ရ။

(က) စနူဒပ် ဗော်ဍုင်မန်တၟိ (ဗ္တိုက်သရိုဟ်တၠအဝဵုပၞာန်) လုပ်ချဳဒရာၚ်ဒေသဍာ်ဗု (ရးတနင်သဳ)တုဲ မွဲအခိၚ်ဓဝ် ကေတ်အဆက် ကု ဒပ်ပၠန်ဂတးမလုပ်မံင်ပေဲါဗ္တိုက်ကုတၠအဝဵုပၞာန် မၞုံဒေသတအ် ဖန်ဇန်ကၠုင်ပရေၚ်ကမၠောန် သွက်ဂွံ ဆက်စပ်ချဳဒရာင်ပရေင်ပၞာန်တအ်နွံရ။

(ခ) ကု ဒပ်မည် မချဳဒရာင် ဒေသတအ်ဂှ်လေဝ် နကဵုသ္ကိုပ်ဒပ် (NMSP-AD) မၞံုဒေသ ကေုာံ ညးတာလျိုၚ်ဒပ်ပၠန်ဂတး မသ္ပသ္ဇိုင်ဒေသတအ် ပ္ဍဲစၟတ်တ္ၚဲ (၂၆/၅/၂၄)ဂှ် ကေတ်အဆက် သွက်ဂွံဆက်စပ် ချဳဒရာင်ပရေင်ပၞာန်တအ်နွံရ။ ပွမလုပ်ဗိုင်ဗ္တိုက် ဒပ်မည်ဂှ် နူကဵုကဆံင်လ္တူလေဝ် စၞောန်လဝ်ဟွံမွဲတုဲ နတဲပ္ဍဲဒေသတအ်ဂှ်လေဝ် ကၠောန်သ္ပလဝ် ဟွံမွဲရ။

(ဂ) ပ္ဍဲစၟတ်တ္ၚဲ (၂၇/၅/၂၄)ဂှ် ဒပ်ပံင်တောဲ မပါလုပ်သီုရဲဒပ်ပိုဲတအ် ရပ်ကေတ်အရေဝ်ကု ညးက္ဍိုပ်ဒပ်မၚ်ကွာန် နာဲမန်ဆာန် ကဵု နာဲနှေန်တအ်နွံရ။ နာဲမန်ဆာန် ကေုာံ နာဲနှေန် ကောဒေံညးၜါဝွံ ကေင်သ္ပလဝ်ဒမၠဒေသတအ်ဂှ်တုဲ ဗွဲကြဴဖျေံလဝ်လွဟ်ကဵုသၞရ။ ကြဴနူဖျေံလွဟ်တုဲဂှ် ကဵုသ္ပလဝ် ညးက္ဍိုပ်ဒပ်မင်ကွာန် ကဵုလဝ်ယၟု (မွန်ၚြိမ်းချမ်း ရေးအဖွဲ့)ရ။ နဘဝ ညးက္ဍိုပ်ဒပ်မင်ကွာန်ဂှ် နာဲမန်ဆာန်တအ် သ္ပမာန်ဍဵုဍိုက်ကြမ်ကြလ္တူညးဒေသတအ်တုဲ ညးဒေသတအ် ပ္တိုန်ထ္ၜးဒၟံၚ်ပရေၚ်နာဲမန်ဆာန်တအ် အဆက်က်နွံကၠုၚ်ရ။ ဟိုတ်နူ ဍဵုဍိုက်သ္ပမာန်ညးဍုၚ်ကွာန်တအ်ကီု ဟိုတ်နူဒှ်လေံထံက်သၞကီုတုဲ လ္တူနာဲမန်ဆာန်တအ်ဂှ် မ္ဒးကေတ်ဏာအရေဝ်ပိုတ်တ်သ္ကုတ်သ္ကုတ်နွံရ။ ကရောံနာဲမန်ဆာန်တအ်ဂှ် သီဂွံလွဟ်မွဲဇကိုအ် ကေုာံ ကပေါတ်သုင်စောဲပၞာန်တအ်နွံရ။ ပွမကေတ် ဏာအရေဝ်လ္တူနာဲမန်ဆာန် ကေုာံ နာဲနှေန်တအ်ဂှ် ပရေင်ဆက်စပ်ကု ဗော်မည်ကေုာံဒပ်မည်တအ် မုဟွံမွဲရောင်။

(ဃ) ဗော်ပိုဲ ကဵု ဗော်မည်ဒပ်မည်တအ်ဂှ်လေဝ် နညးတာလျိုၚ်ကဆံင်လ္တူတအ် ပ္ဍဲစၟတ်တ္ၚဲ (၂၉/၅/၂၄)ဂှ် ဂွံကၠုင်အဆက် ပညဳတက်ကၠုင်ကျာ စပ်ကဵုပရေၚ်ဆက်စပ်ချဳဒရာင်ပၞာန်တအ် ဗွဲကိုပ်ကၠာနွံကၠုင်ရ။ ပ္ဍဲအရာ ဗ္တိုက်သရိုဟ်သၞ ကေုာံ ကေတ်အခေါင်ဗၠးၜးဂကူပိုဲဂှ် နူလ္ပါ်ဗော်မည်ဒပ်မန်တအ် ပၟိက်ဆန္ဒ မိက်ဂွံပံၚ်ကောံချဳဒရာင် ပရေင်ပၞာန်နွံမ္ဂး နူလ္ပါ်ဗော်ဍုင်မန်တၟိ (ဗ္တိုက်သရိုဟ်တၠအဝဵုပၞာန်) ပိုဲ ပံက်လဝ်တြင်ရောၚ် ကဵုဏာသမ္တီရ။

သွာင်လလောင်ပရိုင်

ဗော်ဍုင်မန်တၟိ (ဗ္တိုက်သရိုဟ်တၠအဝဵုပၞာန်)

(ဗီုရုပ်တအ်ဝွံ ဒှ်ဗီုရုပ် မသီဂွံနင်နူညးက္ဍိုပ်ဒပ်မင်ကွာန် နာဲမန်ဆာန်တအ်ရ)

လၞဳအောန်စိုတ်

နူသက္ကရာဇ်ဍုင်-၁၁၁၉သၞာံမ္ဂး တ္ၚဲဍုင်မန်ဟံသာဝတဳလီု ပေင်ကၠုင်(၂၆၇)သၞာံယျ

သွက်ဂွံက္လေင်ဒက်ပ္တန်ဍုင်မန်ပၠန်ဂ်ှ ဒ်ှတာလျိုင်သၟတ်၊ ညးဍုင်ကွာန်မန် ဇၟာပ်ဂကူမန်ပိုယ် တ္ၚဲဏံရ။ စနူတ္ၚဲဍုင်မန်လီုပေင်- ၂၆၇သၞာံဏံတုဲ ဇၟာပ်ဂကူမန်ပိုယ် လုပ်အာပေါဲဗ္တိုက် လ္တူဂၠံင်တရဴ ပၠန်ဂတး ဒက်ပ္တန်ဍုင်မန် တ္ၚဲဏံစိုအ်ဂ်ှ မ္ဒးဆဝ်မ္ၚုဟ်ကသေအ်ကၟဝ်ဏာရ။

ဗော်ဍုင်မန်တၟိ (ဗ္တိုက်သရိုဟ်တၠအဝဵုပၞာန်) ကၠောန်သ္ပပေါဲဆဵုဂဗကု ဂကောံနာနာ

ပ္ဍဲကဵုအခိၚ်ဗော်ဍုၚ်မန်တၟိ (ဗ္တိုက်သရိုဟ်တၠအဝဵုပၞာန်) ပေၚ် (၃)ဂိတု တုဲဂှ် တ္ၚဲဏအ် ကၠောန်သ္ပဏာအစဳအဇန် ပေါဲဆဵုဂဗကု ဂကောံနာနာဂမၠိုၚ် လ္တူလပှ်ကျာမွဲရ။ ပေါဲဆဵုဂဗဝွံ သ္ဂောံလဴကလး လၟေၚ်ကမၠောန်ဗော်ဍုၚ်မန်တၟိ (AD) ကု ဂကောံနာနာတအ်မာန်ကီု သ္ဂောံကလၚ်ရမျှာၚ် ကေတ်ကသပ်နူဂကောံနာနာတအ်မာန်ရန်တုဲ ကၠောန်ဗဒှ်ဏာလဝ်ရ။

ပ္ဍဲပေါဲဆဵုဂဗဂှ် ညးစၞးတိုန်စိုပ်ဂမၠိုၚ် နူဗွိုၚ်သၚ်၊ နူညးစၞးဂကောံနာနာအပ္ဍဲဍုၚ်မ္ၚးဍုၚ် (၃၀) ဂကောံ ကေုာံ ညးဘိက်ထေက်ဂမၠိုၚ် အပံၚ်သီုဖအိုတ် လၟိဟ် (၆၀)တၠပြၚ်တိုန်စိုပ်လဝ်ရ။ နူလ္ပါ်ဗော်ဍုၚ်မန်တၟိ (AD)ဂှ် ညးက္ဍိုက်ပ်ပရေၚ်ဍုၚ်ကွာန် ပရေၚ်ပၞာန်ဂမၠိုၚ်တအ်တိုန်စိုပ်လဝ်တုဲ ညးက္ဍိုပ်နာဲဇဲယ ဟီုဂလာန်ပံက်ပေါဲဆဵုဂဗ၊ ဒုညးက္ဍိုပ်(၁)နာဲဗညာလဴဂှ် သောၚ်ကလးအကာဲအရာပရေၚ်ချဳဒရာၚ်ပရေၚ်ဍုၚ်ကွာန်ဗော် ကေုာံ ဒုသ္ကိုပ်ပၞာန်စၠန်ထဝ်ဂှ် သောၚ်ကလးဏာ အကာဲအရာသွာၚ်ပၞာန် အပ္ဍဲပွိုၚ်တုဲကၠုၚ်(၃)ဂိတု ဏအ်ရ။ အပ္ဍဲပရေၚ်သောၚ်ကလးတအ်ဂှ် ဗီုပြၚ်တၚ်ဂွံဇြဟတ်တအ် တၚ်ကော်ဆောတအ်ဂှ်လေဝ် ပတိုန်ထ္ၜးဏာလဝ်နွံရ။

ကြဴနူညးတာလျိုၚ်တအ် သောၚ်ကလးပရေၚ်ဗော်ဍုၚ်မန်တၟိ (AD)တုဲ ညးစၞးဂမၠိုၚ်တအ် သၟာန်ကလးအကာဲအရာ ကေုာံ ရန်တၟအ်ကဵုပရေၚ်ဂုဏ်ဖဵုဂကူ၊ ဂုဏ်ဖဵုပၠန်ဂတးတုဲ ကဵုဏာလဝ်ကသပ်ကုဗော်နွံကၠုၚ်ရ။ ပေါဲဆဵုဂဗဝွံ ကၠောန်ဗဒှ်ဏာ ပွိုၚ် (၃)နာဍဳ စနူအခိၚ် နူဂယး (၈:၃၀) ဒဵုစိုပ် (၁၁:၃၀) နာဍဳရ။

ဂလာန်ဒုသ္ကိုပ်ပၞာန်စၠန်ထဝ် ဟီုဗ္ကန်ကု ကွ:ဘာစှ်ေဘာ ပ္ဍဲအသေအဟာန်ဖျေံဘာ ကွတ်ဗ္တောန်ပၞာန်သ္ဇိုၚ်လၟေၚ်(၁)

ဂလာန်ဒုသ္ကိုပ်ပၞာန်စၠန်ထဝ် ဟီုဗ္ကန်ကု ကွ:ဘာစှ်ေဘာ ပ္ဍဲအသေအဟာန်ဖျေံဘာ ကွတ်ဗ္တောန်ပၞာန်သ္ဇိုၚ်လၟေၚ်(၁)

https://fb.watch/rPtGZ7qrKC/

ဗော်ဍုင်မန်တၟိ (ဗ္တိုက်သရိုဟ်တၠအဝဵုပၞာန်) ကၠောန်ဗဒှ်ဏာ အသေအဟာန်ဖျေံဘာကွတ်ဗ္တောန်ပၞာန်သ္ဇိုင် (လၟေင် ၁) တုဲဒှ်အာရ။

အသေအဟာန်ဝွံကၠောန်ဗဒှ်ဏာ ပ္ဍဲစၟတ်တ္ၚဲ (၂၆/၄/၂၄) ပ္ဍဲဒေသဗၠးၜးမွဲဒၞာဲတုဲ ပ္ဍဲအသေဟာန်ဂှ် ညးက္ဍိုက်ပ်ပရေင်ဍုင်ကွာန်ပရေင်ပၞာန် နာဲဇဲယ ကေုာံ ဒုသ္ကိုပ်ပၞာန်စၠန်ထဝ်တအ် ဟီုဂလာန်ဗ္ကန်ကု ကွးဘာစှ်ေဘာတအ်ရ။

ပ္ဍဲအသေအဟာန်ဂှ် ကွးဘာစှ်ေဘာတအ် သ္ပစၟတ်သစ္စယဵုဗ္စာတုဲ နူညးတာလျိုင်တအ် ပ္အပ်ဗ္ဂပ်ကဵုလွဟ် ကု ကွးဘာတအ်နွံရ။