ဖေဖော်ဝါရီလ ၁၄၊ ၂၀၂၄
၁။ မွန်ပြည်သစ်ပါတီ၊ ကြာအင်းဆိပ်ကြီးမြို့နယ်၊ တောင်ပေါက်နယ်မြေအခြေစိုက် မော်လမြိုင်ခရိုင်သို့ အထွေ ထွေအတွင်းရေးမှူး နိုင်ဇေယျနှင့်အဖွဲ့တို့သည် ပါတီရှင်းလင်းရေးခရီးစဥ် သွားရောက်နေစဥ်အတွင်း မွန် ပြည်သစ်ပါတီ (စစ်အာဏာရှင်တိုက်ဖျက်ရေးအဖွဲ့) ကို ဖွဲ့စည်းကာ ယနေ့ (၁၄၊ ၀၂၊ ၂၀၂၄) တွင် ကြေညာချက်ထုတ်ပြန်၍ ခွဲထွက်သွားခြင်းဖြစ်သည်။
၃။ ပြီးခဲ့သည့် မွန်ပြည်သစ်ပါတီ၏ (၁၁) ကြိမ်မြောက် ပါတီညီလာခံတွင် စစ်ကောင်စီနှင့်ဆက်ဆံရေးကိစ္စတွင် ပါတီဝင်အချင်းချင်း အမြင်သဘောထား ပို၍ပင်ကွဲလွဲသွားခဲ့ရပါသည်။ စစ်ကောင်စီနှင့် နိုင်ငံရေးဆွေးနွေး ခြင်းမပြုရန် သဘောထားခြင်း တိုက်ဆိုင်မှုရှိသော်လည်း စစ်ကောင်စီနှင့်အဆက်သွယ်မဖြတ်ဘဲ ဆက် လက် ဆက်ဆံနေသင့်သည်ဟု ဆိုသည့်ဘက်က အားသာသွားသဖြင့် တစ်ဖက်မှလက်ခံနိုင်ခြင်းမရှိခဲ့ပါ။
၄။ ယခုရက်ပိုင်းအတွင်း ညီလာခံအပြီး ဗဟိုကော်မတီအစည်းအဝေးကျင်းပရန် သက်ဆိုင်ရာဗဟိုကော်မတီ ဝင်များအား ဖိတ်ကြားထားပြီးဖြစ်သော်လည်း အထွေထွေအတွင်းရေးမှူးနှင့်အဖွဲ့တို့သည် ဗဟိုကော်မတီ အစည်းအဝေးသို့ တက်ရောက်လာခြင်း မရှိသည့်အပြင် မော်လမြိုင်ခရိုင်၊ ပါတီရှင်းလင်းရေးခရီးစဥ်ကို အခွင့်ကောင်းယူလျှက် (၁၁) ကြိမ်မြောက် ပါတီညီလာခံရလဒ်အပေါ် ကျေနပ်ခြင်းမရှိသူများကို စည်းရုံးပြီး ဖေဖော်ဝါရီလ (၁၄) ရက်၊ ၂၀၂၄ တွင် မွန်ပြည်သစ်ပါတီမှခွဲထွက်ပြီး မွန်ပြည်သစ်ပါတီ (စစ်အာဏာရှင် တိုက်ဖျက်ရေးအဖွဲ့) အမည်ခံကာ ခွဲထွက်သွားခြင်းဖြစ်ကြောင်း သဘောထားထုတ်ပြန်ကြေညာခဲ့သည်။
၅။ အမျိုးသားလွတ်မြောက်ရေးအတွက် မွန်တစ်မျိုးသားလုံးအနေဖြင့် တစ်သံတည်းထွက်ပေါ်စေရေးနှင့် မွန်ပြည်သစ်ပါတီ၏ ဦးဆောင်မှုအခန်းကဏ္ဍလည်း တစ်စုတစ်စည်းတည်းဖြစ်စေရန် အလွန်အရေးကြီးပါ သည်။ ထို့ကြောင့် မွန်ပြည်သစ်ပါတီအနေဖြင့် သံဃာတော်များ၊ မျိုးချစ်ပုဂ္ဂိုလ်များနှင့် လက်တွဲ၍ ခွဲထွက် သွားသူများအား မိခင်ပါတီထံသို့ ပြန်လာနိုင်ရန် ကြိုးပမ်းဆောင်ရွက်သွားမည်ဖြစ်ကြောင်း အသိပေးအပ်ပါသည်။
ဗဟိုအလုပ်မှုဆောင်ကော်မတီ
မွန်ပြည်သစ်ပါတီ
No comments:
Post a Comment