လလောၚ်ပရိုၚ် စပ်ကဵု ဥက္ကဋ္ဌဇၞော်ဂုဏ်တၟေၚ် နာဲထဝ်မန်စုတိ ကေုာံ ကဵုသမ္တီ စပ်ကဵု အစဳအဇန်စျာပန (ဘာသာမန်)

 လလောၚ်ပရိုၚ် စပ်ကဵု ဥက္ကဋ္ဌဇၞော်ဂုဏ်တၟေၚ် နာဲထဝ်မန်စုတိ ကေုာံ ကဵုသမ္တီ စပ်ကဵု အစဳအဇန်စျာပန (ဘာသာမန်)

========================================

ဥက္ကဋ္ဌဇၞော်ဂုဏ်တၟေၚ် နာဲထဝ်မန်ဝွံ ပ္ဍဲစၟတ်တ္ၚဲ သက္ကရာဇ်ဍုၚ် ၁၃၈၅၊ ဂိတုပုဟ် (၇) မံက်၊ သၞာံခရေတ် ၂၀၂၃ ဂိတု ဂျာန်နဝါရီ (၁၇) ကာလမကလိဂွံအာယုက် (၇၈) သၞာံဂှ် စုတိ ကလိလောန်အာ ဘဝပလိုက် နယဲ မၞိဟ်အာယုက်ဇၞော် ပ္ဍဲရုၚ်ဂဥုဲဇၞော် ဝၚ်က၊ ဍုၚ်သေံရ။ ရုပ်ကလာပ် ဥက္ကဋ္ဌဇၞော်ဂုဏ်တၟေၚ် မသှ်ေသၟေဟ်မံၚ်ဂှ် နူဇရေၚ်ရုၚ်ဂဥုဲဝၚ်က ကေတ်ဖျဴနၚ်တုဲ စွံပ္တန်လဝ် ပ္ဍဲကွာန်ပလိုၚ်ဂျပါန်ရ။

ဥက္ကဋ္ဌဇၞော်ဂုဏ်တၟေၚ် နာဲထဝ်မန်ဝွံ ကြဴနူ ဥက္ကဋ္ဌနာဲထေန် စုတိကလိလောန်အာ ပ္ဍဲသၞာံ ၂၀၀၅ တုဲ၊ စပ္တံနူ သၞာံ ၂၀၀၆ ဂှ် ကေတ်ကၠုၚ်တာလျိုၚ် နဒဒှ် ဥက္ကဋ္ဌ ဗော်ဍုၚ်မန်တၟိ စဵုစိုပ် သၞာံ ၂၀၁၉ ရ။ ပ္ဍဲကဵုသၞာံ ၂၀၂၀ ဂှ် ဟိုတ်နူ အာယုက်ဇရာ၊ ပရၚ်ထတ်ယုက် ဆုတ်ယောၚ်ကၠုၚ်တုဲ နဒဒှ် ဥက္ကဋ္ဌဇၞော် ဂုဏ်တၟေၚ် ဆက်ကေတ်ကၠုၚ် တာလျိုၚ်ဒဵုစိုပ် အခိၚ်မစုတိ အာဏအ်ရ။

ညးဝွံ စပ္တံနူသၞာံ ခရေတ် ၁၉၆၅ ဂှ် စလုပ်ယိုက်ဂၠေၚ် တာလျိုၚ် ပ္ဍဲဗော်ဍုၚ်မန်တၟိ စပ္တံနူ ကောန်သ္ဂံၚ် နူသွာၚ်ဒပ် ဆက်ပရိုၚ်တုဲ ကၠာဟွံဂွံ ယိုက်ဂၠေၚ် နဒဒှ် ဥက္ကဋ္ဌဗော်ဍုၚ်မန်တၟိဂှ် ပ္ဍဲသွာၚ်ဒပ် နဒဒှ် သ္ကိုပ်ပၞာန် ၊ ညးအုပ်ကာ ကမ္မတဳပၞာန် (ညးဂအုပ် က္ဍိုက်ပ်ပၞာန်) ကေတ်ကၠုၚ်တာလျိုၚ် နွံရ။

နာဲထဝ်မန်ဝွံ မဒှ်ကောန် ဒုတိယ နူမအံက် နာဲတံၚ်သိၚ်၊ မိၚိုဲကျဳတုဲ ကတဵုဒှ်မၞိဟ် ဇာတိကွာန် ကၟာဝက် ပ္ဍဲသက္ကရာဇ် ၁၃၀၈ ဂှ်ရ။ နယၟုကွာန် မေန်ယှိုဲထာ ပြာကတ် မၞိဟ်တီညာတ်ကီုရ။ နူတန်မူလ စဵုစိုပ် တန်သၠုၚ်ဂှ် ကတ်ကၠုၚ်ပညာ ပ္ဍဲကွာန်ကၟာဝက်ရ။ အခိၚ် ဥက္ကဋ္ဌဇၞော်ဂုဏ်တၟေၚ် နာဲထဝ်မန် စုတိအာဂှ် သမ္ဘာ မိဝုတ် ကေုာံ ကောန်ဇာတ်ဂမၠိုၚ် မိစမ္ပာထဝ်၊ နာဲအလာံ၊ နာဲအံၚ်ဍုၚ်တအ် သှ်ေသၟေဟ်တဴရ။

ပရေၚ်စုတိ ဥက္ကဋ္ဌဇၞော်ဂုဏ်တၟေၚ်ဝွံ ဒှ်အရာ ပရေၚ်ဂိုဟ်ကဟောံ သွက်ကောန်ဗော်ရဲဗော်၊ ဗော်ဍုၚ်မန်တၟိ ပိုဲတအ်သၟး ဟွံက ဒှ်အရာဂိုဟ်ကဟောံ သွက်အလုံ ဂကူမန် ပိုဲတအ်ကီုရ။

သွက်ဂွံ စံၚ်ဇွဂြဇုတ် နအစဳအဇန် စျာပန သွက်ဥက္ကဋ္ဌဇၞော် ဂုဏ်တၟေၚ် နာဲထဝ်မန်ဂှ် ပ္ဍဲစၟတ်တ္ၚဲ ဂိတု ဂျာန်နဝါရဳ (၂၁) သၞာံ ၂၀၂၄ သွက်ဂွံ ကၠောန်ၜိုတ်အာ ပ္ဍဲကွာန်ပလိုၚ်ဂျပါန်ရ။ နဒဒှ် ပရေၚ်သ္ပဂါရဝ အဲပရဲကီု၊ သီုကဵု ဓမံက်ထ္ၜး လၞီအောန်စိုတ် လတူပရေၚ် စုတိ ဥက္ကဋ္ဌဇၞော် ဂုဏ်တၟေၚ် နာဲထဝ်မန်တုဲ စပ္တံနူ တ္ၚဲဏအ် ဒဵုစိုပ် အခန်ကၞာ စျာပန တုဲဒှ်ဂှ် ပ္ဍဲဇၟာပ် ရုၚ်ဋ္ဌာန်ဂအုပ်၊ ရုၚ်ဋ္ဌာနနာနာ ဗော်ဍုၚ်မန်တၟိတအ်ဂှ် သွက်ဂွံ ဖျေံအလာံ ကဝက်တိုၚ်တုဲ ညံၚ်သ္ဂောံသ္ပ ရှ်ေသှ်ေအဲပရဲကု ဥက္ကဇၞော် ဂုဏ်တၟေၚ်ဂှ် ဗဟဵုကဵုလဝ် စၞောန်ကီုရ။

ပ္ဍဲတရဴကၞောတ်တဲ ဥက္ကဋ္ဌဇၞော် ဂုဏ်တၟေၚ် နာဲထဝ်မန်ဂှ် သွက်ကောန်ဂကူပိုဲ ဂွံသ္ပဂါဝရ အဲပရဲ ပ္ဍဲစျာပန မာန်ရန်တုဲ မွဲကရောံ ပရိုၚ်ဏအ် ဒးလလောၚ်တြး ကဵုဏာသမ္တီကု ကောန်ဂကူမန် ပိုဲတအ်ရ။

ပရိုၚ်ဍုၚ်မန်တၟိ

၇၈) သၞာံဝွံ တ္ရဲဏံ ၁၇-၁-၂၀၂၄ အခိင်နူဂယး (၇) နာဍဳဂှ် နကဵုယဲညးဇၞော် စုတိကလိလောန်အာ ပ္ဍဲရုင်ဂဥုဲဇၞော် သင်ခလပူရဳ (ဍုင်ဝင်က) ရ။

 ဥက္ကဌဂုဏ်တၟေင် ဗော်ဍုင်မန်တၟိ နာဲထဝ်မန် အာယုက် (၇၈) သၞာံဝွံ တ္ရဲဏံ ၁၇-၁-၂၀၂၄ အခိင်နူဂယး (၇) နာဍဳဂှ် နကဵုယဲညးဇၞော် စုတိကလိလောန်အာ ပ္ဍဲရုင်ဂဥုဲဇၞော် သင်ခလပူရဳ (ဍုင်ဝင်က) ရ။

ဇွရုပ်ကလာဒ်ညး မသှ်ေၜက်မံင်ဂှ် ပြံင်ဗစိုပ်ဏာ ဒၞာဲဗဒိုပ်ပလိုင်ဂျပါန် တိဍာ်ဗော်ဍုင်မန်တၟိတုဲ တ္ရဲအဒိုတ် ၂၁-၁-၂၀၂၄ ဏံမ္ဂး ကၠောန်အာဇျှာပနစံင်ဇွဂြးဇုတ်ရောင် ဂွံလဝ်ပရိုင်ကိုပ်ကၠာရ။

လိက်လလောၚ်တြ:သ္ဘၚ်သဳကၠဳဗော်ဍုၚ်မန်တၟိ အလန် (၁၁) ဝါ

 

၁၊၊ သ္ဘၚ်သဳကၠဳဗော်ဍုၚ်မန်တၟိ အလန် (၁၁) ဝါဝွံ စပ္တံနူသၞာံ − ၂၀၂၃ ဂိတုဒဳဇြေန်ဗါ (၂၅) စဵုကဵု သၞာံ − ၂၀၂၄ ဂိတု ဂျာန်နဝါရဳ (၁၄) ကၠောန်ကၠုၚ်အပ္ဍဲဌာန်ဂအုပ်ဗဟဵု ဗော်ဍုၚ်မန်တၟိ ဗွဲမအံၚ်ဇၞ: အာစိုပ်ဒတုဲရ၊၊ အပ္ဍဲသ္ဘၚ်သဳကၠဳဗော်ဝွံ ည:စၞ: (၁၁၂) တၠ၊ ည:လ္ၚတ် (၃၂) တၠ၊ ကောန်ဗော်ဗွိုၚ်မ္ၚ: (၁၀) တၠ၊ ဂကောံကဵုကသပ်ကုဗော် (၅) တၠ၊ ည:ဘိက်ထေက် (၆) တၠ (ကျာ်ဇၞော်အ္စာ၊ ခမဳသၚ်၊ သၚ်သၟတ် တအ် တိုန်စိုပ်ကဵုကသပ်တ္ၚဲပံက်သ္ဘၚ်သဳကၠဳ) တိုန်စိုပ်တုဲ သဳကၠဳသ္ၚဳဂၠိပ်ချပ်ဗ္စာ၊ အကာဲအရာဂၠ:ကဝ်၊ ပရေၚ်ဍုၚ်ပိုဲ၊ ပရေၚ်ဂကူပိုဲ ကေုာံ ပရေၚ်ဗော်ပိုဲ၊ ဒပ်ပိုဲ၊ သၠဲသၠဲလ:လ: ဗၠ:ဗၠ:ၜ:ၜ:ရ၊၊

၂၊၊ ဒုၚ်သ္ဇိုၚ်ကဵုလ္တူအကာဲအရာ မပြံၚ်လှာဲက္တဵုဒှ်ဒၟံၚ်ဂှ် ချပ်ဗ္စာသဳကၠဳည:သ္ကအ်တုဲ သွက်ဂုဏ်ဖဵုဂကူပိုဲ၊ ဗော်ပိုဲ၊ ဒပ်ပိုဲ၊ သ္ဇိုၚ်ဒေသတိဍာ်ပိုဲ ဖျေံကၠုၚ်ပရေၚ်ကမၠောန်ဂတတအ်ရ၊၊ သွက်ဂွံပၠတရဴ ပရေၚ်ကမၠောန်ဗော်မာန် ရုဲစှ်ပ္တိုန် ကမ္မတဳဗဟဵု (၃၅) တၠ၊ အရန် (၆) တၠရ၊၊ အပ္ဍဲဂှ် ရုဲစှ်ပ္တိုန်ကမ္မတဳရေၚ်တၠုၚ်ကေၚ်ကာဗဟဵု (၁၁) တၠတုဲ ထပ်ရုဲစှ်ပ္တိုန် နဒဒှ်ဥက္ကဌဗဟဵု နာဲဟံသာ၊ ဒု−ဥက္ကဌဗဟဵု နာဲအံၚ်မေန်၊ ည:အုပ်ကာနာနာဗဟဵု နာဲဇဲယ၊ ဖက်ဆောည:အုပ်ကာနာနာဗဟဵု နာဲဝေန်လှတအ်ရ၊၊

၃၊၊ သၟတ်၊ ည:ဗြဴ၊ တၠကွတ်၊ ပူဂဵုဆာန်ဂကူ၊ ဂကောံမဟာဇန် မ္ၚ:ဗွိုၚ်ဗော်တအ် ဂွံပါလုပ်အပ္ဍဲဗွိုၚ်ဗော်ဂၠိုၚ်ၚ် ရန်တၟံတုဲ အပ္ဍဲပရေၚ် အာက္ဍိုပ်အဆံၚ်ဆံၚ်လေဝ် ဂွံပါလုပ်ယိုက်ဂၠေၚ်ပရေၚ်ကောန်ဂကူ၊ ပရေၚ်ဗော်မာန်၊ နကဵုသၞောတ်ကမ္မတဳသၠဲ (လၟိဟ် ၇ တၠ) ပံက်လဝ်အခေါၚ်နွံရ၊၊ ဟိုတ်ဂှ်ရ သၟတ်၊ ည:ဗြဴ၊ တၠကွတ်၊ ပူဂဵုဆာန်ဂကူ၊ ဂကောံမဟာဇန်တအ် ညံၚ်ဂွံဘိုၚ်ဖ္ဍိုက်ဗပေၚ် အခန်အာ က္ဍိုပ်ပ္ဍဲဗော်မာန် ဆဝ်မ္ၚုဟ်ဏာရ၊၊ အပ္ဍဲသ္ဘၚ်သဳကၠဳဏံ ဖျေံစွံလညာတ်သွက်ဂွံဓမံက်အာ သၞောတ်ကမ္မတဳဗဟဵုလၟိုန်နွံရ၊၊

၄၊၊ ပ္ဍဲကာလဏံ ပေါဲဗ္တိုက်အကြာကံၚ်ဇြဳပၞာန် ကေုာံ ရဲဒစဵုဒစ:ကဵု ကံၚ်ဇြဳပၞာန်တအ် အသိၚ်သၠုၚ်တိုန်မံၚ်ရိုဟ်ဟ်တ္ၚဲရ၊၊ ည:ဝေၚ်ပၞာန် ၜါလ္ပါ် ဂွံတက်ကျာသဳကၠဳဂၠာဲသွဟ်ဂှ်လေဝ် ဟွံညာတ်အယောၚ်အလာဏီ၊၊ ဂွံဒေါံပန်ပှော်အလုံဍုၚ်မာန်လေဝ် ဒှ်ဟွံမာန်ဏီ၊ ဂွံသှ် ကလ:ပြသၞာဍုၚ်ပိုဲမာန်၊ ဍုၚ်ဂၠ:ကဝ်ဂမၠိုၚ် သ္ပတိုၚ်ကဵု တၚ်တုပ်စိုတ်အာသဳယာန် (၅) တၚ် ည:မဆေၚ်စပ်တအ်ဖအိုတ် ညံၚ်ဂွံပါ လုပ် နနဲဆဵုဂဗတက်ကျာ ဂွံသောၚ်ကလ:ဂှ် ဒှ်ဟွံလောဲဏီရ၊၊ ပ္ဍဲပြဟ်ဟ်ဏံ ဂွံသောၚ်ကလ:ပြသၞာဍုၚ်ပိုဲမာန်ကီု၊ ဂွံဒက်ပ္တန် ပရေၚ်ၜိုဟ်လလမ်ဍုၚ်ကီု ကၟိန်ဍုၚ်ပံၚ်ကောံဖေတ်ဒရေဝ်ဍာံဇေတ် ဂွံမံက်ဒှ်ကၠုၚ်ကီုဂှ် အယောၚ်လာဟွံညာတ်ဏီရ၊၊

၅၊၊ ဟိုတ်ဒၟါနူပၞာန်သီအဝဵုကီု ဒ:ဒုၚ်ကၟာတ်ဆိုအ် ပရေၚ်ပိုန်ဒြပ်၊ ပရေၚ်ဍုၚ်ကူသာန်သွံသာန်ကု ဍုၚ်ဂၠ:ကဝ်ဗွဲလ္ၚဵုတံတုဲ ပရေၚ်ပိုန်ဒြပ် ဍုၚ်ပိုဲလီုလာ်ကၠုၚ်မံၚ်ရ၊၊ ပရေၚ်ဆက်ဆောံကလုတ်တမာန်၊ ပရေၚ်သ္ပသမ္တီဍုၚ်ဂၠ:ကဝ်ဗွဲလ္ၚဵု ယအ်စှ်ေကၠုၚ်လေဝ်နွံရ၊၊ ဟိုတ်နူပေါဲ ဗ္တိုက် ကေုာံ ပရေၚ်ပကီုပရာပ်တုဲ ည:ဍုၚ်ကွာန်တအ် ဒ:ဒုၚ်ဒဒိုက်ဘဲပၞာန် ဇၞော်ကဵုဇြဟတ်နွံရ၊၊

၆၊၊ အပ္ဍဲဒေသမန် ဒၞါဲလ္ၚဵုပၟတ်ပၞာန်ကၠောံကၞာန်လုပ်မံၚ်ဒှ်တုဲ ည:ဍုၚ်ကွာန်ဗွဲလ္ၚဵုတအ် ဒ:ဒုၚ်ဘဲပၞာန်နွံမံၚ်ဂှ် နကဵုဗော်ပိုဲ ဘိုၚ်တာဒၞာ ဟွံမာန်တုဲ ခမဳသၚ်၊ ည:ဍုၚ်ကွာန်တအ် ဟွံပေၚ်စိုတ်လ္တူဗော်နွံရ၊၊ ဗော်ဍုၚ်မန်တၟိဝွံ ဒှ်ဗော်ကောန်ဂကူတောတက် ဒှ်ဗော်စဵုဒၞါ မၚ်မွဲဂကူတုဲ ပ္ဍဲကာလဏံ အပ္ဍဲဒေသမန် ပရေၚ်အုပ်လဒံသၞောဝ်၊ ပရေၚ်ဂီုကၠီု ဂွံခိုဟ်တိုန်ဂှ် ဂၠာဲနဲကဲနာနာသာ် စွံဇြိုဟ်နက်သ္ပလွဳ ကၠောန်ၜိုတ်ရေၚ်တၠုၚ်အာရောၚ်၊၊

၇၊၊ ဗော်ဍုၚ်မန်တၟိဝွံ ကၟောန်ပခိုၚ်ဏာဓဝ်ညဳသာဂကူ ဆက်ဂ္စာန်လွဳပရာကၠောန်ၜိုတ်အာ ပရေၚ်ဒက်ပ္တန်ဗော်၊ ဒပ်၊ သ္ဇိုၚ်ဒေသ ညံၚ်ဂွံ ခိုဟ်အာရောၚ်၊၊ မွဲအခိၚ်ဓဝ် ကုကောန်ဂကူရပ်လွဟ် ဘဝတုပ်တအ်ကီု ဂကောံရပ်လွဟ် ရန်တၟံတုပ်တအ်ကီု၊ ပရေၚ်ညဳသၟဟ်ဂွံနွံ ဆက်ဂစာန်အာတုဲ အခေါၚ်ကံကုသဵုဂကူပိုဲ၊ ပိုဲညံၚ်ဂွံဖန်ဖက်ကေတ်မာန်၊ ကၟိန်ဍုၚ်ပံၚ်ကောံ ဖေတ်ဒရေဝ်ဍာံဇေတ် ဂွံမံက်ကၠုၚ် မာန် ဂိုတ်ဂ္စာန်ကၠောန်ၜိုတ်အာရောၚ် လလောၚ်တြ:ဏာရ၊၊

ရုဲစှ်သ္ပဒ္တန် ဥက္ကဌ၊ ညးအုပ်ကာခရိုင် ကေုာံ ဥက္ကဌက္ဍိုက်ပ်ဒေသဂမၠိုင် တုဲဒှ်အာ

 ရုဲစှ်သ္ပဒ္တန် ဥက္ကဌ၊ ညးအုပ်ကာခရိုင် ကေုာံ ဥက္ကဌက္ဍိုက်ပ်ဒေသဂမၠိုင် တုဲဒှ်အာ

ပရိုင်ဍုင်မန်တၟိ၊ ဂျာန္နဝါရဳ ၁၃၊ ၂၀၂၄။

သွက်ဂွံပၠတရဴ ဓမံက်ရုပ်ရဴလၟေင်ကမၠောန်ဗော်ကဆံင်ခရိုင် ကေုာံ ဒေသမာန်တုဲ ရုဲစှ်သ္ပဏာဒ္တန် ဥက္ကဌ၊ ညးအုပ်ကာခရိုင် ကေုာံ ဥက္ကဌက္ဍိုက်ပ်ဒေသဂမၠိုင် တုဲဒှ်အာရ။

ပ္ဍဲကဵုဂှ်ဝွံ သွက်ခရိုင်မတ်မလီုဂှ် ရုဲစှ်ခါန်ကၞက်ဏာ ကမ္မတဳဗဟဵု နာဲကျဳဇြာန် (ဥက္ကဌ)၊ ကမ္မတဳဗဟဵု နာဲဗညာမသာန် (ညးအုပ်ကာ)၊ သွက်ခရိုင်သဓီုဂှ် ရုဲစှ်ခါန်ကၞက်ဏာ ကမ္မတဳဗဟဵု နာဲသိုက်ဆာန်ထဝ် (ဥက္ကဌ)၊ ကမ္မတဳဗဟဵု နာဲကောန်သိုက် (ညးအုပ်ကာ)၊ သွက်ခရိုင်ထဝါဲဂှ် ရုဲစှ်ခါန်ကၞက်ဏာ ကမ္မတဳဗဟဵု နာဲခေန်အေ (ဥက္ကဌ)၊ ကမ္မတဳဗဟဵု နာဲအာကာမန် (ညးအုပ်ကာ) တအ်ရ။

သွက်ဒေသကၞောတ်ၜဳရေဝ်ဂှ် ရုဲစှ်ခါန်ကၞက်ဏာ ကမ္မတဳဗဟဵုအရန် နာဲရာဇာ (ဥက္ကဌ)၊ သွက်ဒေသကျာ်ပိဂှ် ရုဲစှ်ခါန်ကၞက်ဏာ ကမ္မတဳဗဟဵု နာဲကျဝ်မဵု (ဥက္ကဌ) တအ်တုဲ ဒၞါဲညးအုပ်ကာ သွက်ၜါဒေသဝွံ ခါန်ကၞက်ဏာလဝ်ကဆံင် ကမ္မတဳခရိုင် နာဲတာ (ညးအုပ်ကာဒေသကၞောတ်ၜဳရေဝ်) ကေုာံ ကမ္မတဳခရိုင် နာဲကောန်ဆာန်မန် (ညးအုပ်ကာဒေသကျာ်ပိ) တအ်ရ။

ရုဲစှ်သ္ပဒ္တန် ကမ္မတဳဗဟဵု၊ ကမ္မတဳရေင်တၠုင်ကေင်ကာဗဟဵု၊ ကမ္မတဳပၞာန်တုဲဒှ်အာ

 ရုဲစှ်သ္ပဒ္တန် ကမ္မတဳဗဟဵု၊ ကမ္မတဳရေင်တၠုင်ကေင်ကာဗဟဵု၊ ကမ္မတဳပၞာန်တုဲဒှ်အာ

ပရိုင်ဍုင်မန်တၟိ၊ ဂျာန္နဝါရဳ ၁၂၊ ၂၀၂၄။

သွက်ဂွံပၠတရဴ ဓမံက်ရုပ်ရဴ ပရေင်ကမၠောန်ဗော်အဆံင်င်မာန်တုဲ နူကဵုသဘင်သဳကၠဳဗော်ဍုင်မန်တၟိ အလန် (၁၁) ဝါ ရုဲစှ်သ္ပဏာဒ္တန် ကမ္မတဳဗဟဵု၊ ကမ္မတဳရေင်တၠုင်ကေင်ကာဗဟဵု၊ ကမ္မတဳပၞာန် ကေုာံ ဥက္ကဌ၊ ညးအုပ်ကာတအ် တုဲဒှ်အာရ။

ပ္ဍဲကဵုသဘင်သဳကၠဳဗော် အလန် (၁၁) ဝါဝွံ ရုဲစှ်သ္ပဒ္တန် ဂကောံကမ္မတဳဗဟဵုပေင်င် (၃၅) တၠကဵု ကမ္မတဳဗဟဵုအရန် (၆) တၠ အပံင်ဖ္အိုတ်တ်လၟိဟ် (၄၁) တၠ နကဵုမာဲပၞုက်တုဲ နူဂှ်မွဲကဆံင် ကမ္မတဳဗဟဵုတအ် ထပ်ရုဲစှ်သ္ပဒ္တန် ကမ္မတဳရေင်တၠုင်ကေင်ကာဗဟဵု (၁၁) တၠကဵု ကမ္မတဳပၞာန် (၇) တၠရ။

ဗွဲတၟေင် ပ္ဍဲကဵုကမ္မတဳရေင်တၠုင်ကေင်ကာဗဟဵု မဂလိုင်ပ္တိုန်လဝ်လၟိဟ် (၁၁) တၠဂှ်မ္ဂး ရုဲစှ်ပ္တိုန်ဏာမၞိဟ်တၟိ ဒုသ္ကိုပ်ပၞာန် ဗညာဆာန်နန်ကဵု မိသာဍာတအ် ညးၜါတၠတုဲ ပ္ဍဲကဵုကမ္မတဳဗဟဵု မဂလိုင်ပ္တိုန်လဝ်လၟိဟ် (၄၁) တၠဂှ်လေဝ် မၞိဟ်တၟိ (၁၁) တၠ ပါလုပ်ရ။

တုဲပၠန် နဒဒှ်ဥက္ကဌဗဟဵု၊ ဒုဥက္ကဌဗဟဵု၊ ညးအုပ်ကာနာနာဗဟဵု ကေုာံ ဖက်ဆောညးအုပ်ကာ နာနာဗဟဵုဂှ် ကမ္မတဳဗဟဵုတအ် ရုဲစှ်ဏာ နာဲဟံသာ၊ နာဲအံင်မေန်၊ နာဲဇဲယ၊ နာဲဝေန်လှ အတိုင်လၟေင်င်တုဲ နဒဒှ်ညးအုပ်ကာ၊ ဖက်ဆောညးအုပ်ကာ ပ္ဍဲကမ္မတဳပၞာန်ဂှ် ရုဲစှ်ဏာ ဒုသ္ကိုပ်ပၞာန် ဗညာဆာန်နန် ကေုာံ သ္ကိုပ်ဗိုလ်ဇၞော်ဟံသာ (ခ္ဍအ်) တအ်ရ။

သီုကမ္မတဳရေင်တၠုင် ကေင်ကာဗဟဵုတအ်ပါလုပ်တုဲ ဂကောံကမ္မတဳဗဟဵုပေင်င် (၃၅) တၠ၊ အရန် (၆) တၠ၊ အပံင် (၄၁) တၠ မရုဲစှ်လဝ် နူသဘင်သဳကၠဳဗော်တအ်ဝွံ ဒှ်ဂကောံဒုင်လျိုင် ပ္ဍဲအရာဓမံက်ရုပ်ရဴ အစဳအဇန် ပရေင်ကမၠောန်နာနာ ကေုာံ ဇၟာပ်ပရေင်ကမၠောန်ပၠန်ဂတး မဖျေံလဝ်နူသဘင်သဳကၠဳဗော်ဂမၠိုင်ရောင် ချူဓမံက်လဝ် ပ္ဍဲသၞောဝ်ဥပဒေသ္ဇိုင်ဒက်ပ္တန်ဗော်နွံရ။

ပံက်ကဵုအခေါင် ကမ္မတဳဗဟဵုသၠဲရောင် ဖျေံလဝ်သ္ဂုတ်သွာတ် ပ္ဍဲသဘင်သဳကၠဳဗော်ဍုင်မန်တၟိ

 ပံက်ကဵုအခေါင် ကမ္မတဳဗဟဵုသၠဲရောင် ဖျေံလဝ်သ္ဂုတ်သွာတ် ပ္ဍဲသဘင်သဳကၠဳဗော်ဍုင်မန်တၟိ

ပရိုင်အခေတ်မန် ၊ မြေက္ကသဵု (၁၃) စွေက်

ရန်ကဵုသၟတ် ၊ တၠကွတ်၊ ညးဗြဴ၊ ပူဂဵုဆာန်ဂကူတအ် သ္ဂောံပါလုပ်ကၠုင် အပ္ဍဲလၟေင်ကမၠောန်ဗော် ဗွဲမစိုပ်တရဴမာန်တုဲ နူကဵုသဘင်သဳကၠဳဗော်ဍုင်မန်တၟိ အလန် (၁၁) ဝါ ပံက်ကဵုအခေါင် ကမ္မတဳဗဟဵုသၠဲရောင် ဖျေံလဝ်သ္ဂုတ်သွာတ်ရောင် ထမံက်လဝ် ပ္ဍဲပရိုင်ဍုင်မန်တၟိရ။

ပ္ဍဲကဵုကမ္မတဳဗဟဵုသၠဲတၟိလၟုဟ်ဝွံ သွာင်သၟတ်၊ သွာင်ညးဗြဴ၊ သွာင်ပူဂဵုဆာန်ဂကူ၊ သွာင်တၠကွတ်တအ် ပါလုပ်တုဲ အပံင်ဖ္အိုတ် နကဵုလၟိဟ်မၞိဟ် (၇) တၠ ပံက်ကဵုအခေါင် စွံပ္တန်အာရောင် ပ္ဍဲဂၠံင်စၞောန် သဘင်သဳကၠဳဗော် အလန် (၁၁) ဝါ ဒုင်တဲသ္ပလဝ်ဒ္တန်လဝ်ရောင် ဟီုရ။

တင်နင်စပ်ကဵုအလံင်ကမ္မတဳဗဟဵုသၠဲတအ်ဂှ်ဝွံ သၟတ်မ္ဂး သ္ဒးဒှ်အာယုက်အကြာ (၂၅-၃၅) တုဲ ညးဗြဴ ၊ တၠကွတ် ၊ ပူဂဵုဆာန်ဂကူတအ်မ္ဂး ဟွံတၟော်လဝ်အာယုက်ကီု ၊ မ္ဒးစှ်ေစိုတ်ကဵုဂၠံင်တရဴဗော် ၊ မ္ဒးဒုင်ဂိုင်ကေတ်စေဝ်ပၞောန် သၞောတ်ဝ်ဗော် မဖျေံလဝ်တအ်ဂှ်တုဲ ဒၞါဲဗော်ကဵုတာလျိုင်ဂှ် မ္ဒးယိုက်ဂၠေင်ဍိုက်က်ပေင်င်ရောင် ဓမံက်ထ္ၜးလဝ် ပ္ဍဲဂၠံင်စၞောန်သဘင်သဳကၠဳဗော်နွံရ။

တုဲပၠန် အလံင်ကမ္မတဳဗဟဵုတအ်ဂှ်ဝွံ သ္ဒးဂွံလဝ်တဆိပ်ကြာမွဲမွဲကီု ၊ ဒးဒှ်ပူဂဵု မကေင်ယိုက်ဂၠေင်လဝ် ပ္ဍဲဂကောံမှာဇန်မွဲမွဲတုဲ အောန်အိုတ် မ္ဒးကေတ်တာလျိုင်အခိင်ပေင်င် ပွိုင်မွဲသဘင်သဳကၠဳဗော် ကီုရောင် ဟီုရ။

ပူဂဵုမဍိုက်ပေင်ကု လက်သန်ဗွဲလ္တူတေံဂှ် ဗွိုင်ညးကုညး မ္ဒးရုဲစှ်ကဵုကၠာတုဲ အတိုင်မက္လိဂွံနင် လၟိဟ်ကမ္မတဳဗဟဵုသၠဲတအ်ဂှ် သ္ပဒ္တန်အာ ပ္ဍဲကမ္မတဳဗဟဵုရောင် သာ်ဏအ် ပါလုပ်ရ။

သဘင်သဳကၠဳဗော်ဍုင်မန်တၟိ အလန် (၁၁) ဝါဂှ် ကၠောန်ဗဒှ်လဝ် နူဂိတုဒဳဇြေမ်ဗါ စၟတ်တ္ရဲ (၂၅) တုဲ ပပ္တံနူတ္ၚဲယးမ္ဂး ရုဲစှ်အာ ညးတာလျိုင် ကမ္မတဳဗဟဵု၊ ကမ္မတဳခရိုင်၊ ကမ္မတဳပွိုင်ဍုင်အဆံင်င်တအ်ရောင် ထမံက်လဝ် ပ္ဍဲပရိုင်ဍုင်မန်တၟိရ။

နိဿဲ - ပရိုင်ဍုင်မန်တၟိ

သ္ပဒ္တန် လိက်ဒုင်စဳရေင်ကမ္မတဳဗဟဵု ကေုာံ တင်စၞောန်ပရေင်ကမၠောန်ဂတ တုဲဒှ်အာ

သ္ပဒ္တန် လိက်ဒုင်စဳရေင်ကမ္မတဳဗဟဵု ကေုာံ တင်စၞောန်ပရေင်ကမၠောန်ဂတ တုဲဒှ်အာ

ဌာန်ပရိုင်ဍုင်မန်တၟိ၊ မြေက္ကသဵု (၅) စွေက်။

သဘင်သဳကၠဳဗော်ဍုင်မန်တၟိ အလန် (၁၁) ဝါဂှ် ဆက်ကၠောန်ဗဒှ်ဒၟံင် ပ္ဍဲဗ္ဒိုပ်လုပ်ဍုင်ဖိုဟ်တုဲ တ္ရဲဏအ်ဝွံ သ္ပဏာဒ္တန် လိက်ဒုင်စဳရေင်ကမ္မတဳဗဟဵု ကေုာံ တင်စၞောန်ပရေင်ကမၠောန်ဂတဂမၠိုင် တုဲဒှ်အာရ။

နူကဵုကမ္မတဳဗဟဵုတအ် သ္ရဳဂၠိပ်ပ္တိုန်ထ္ၜးလဝ် စပ်ကဵုအကာဲအရာပရေင်ဍုင်ကွာန်၊ ပရေင်ဂကူ၊ ပရေင်ဗော် မက္တဵုဒှ်ကၠုင် ပ္ဍဲသၞာံ ၂၀၂၀-၂၀၂၃ ပွိုင်ပန်သၞာံဂမၠိုင်ကီု၊ ဒုင်သ္ဇိုင်ကဵု လိက်ဒုင်စဳရေင်ကမ္မတဳဗဟဵု မလးဖျေံ ဏာလဝ် တင်စၞောန်ကမၠောန်ဂတကီုတအ်ဂှ် ညးစၞးသဘင်သဳကၠဳဂမၠိုင် ဘိုင်သ္ရဳဂၠိပ်၊ နုက်၊ ဗပေင်၊ ပလေဝ် ပလေတ် ဗွဲမသၠးပွးအိုတ်တုဲ ပ္ဍဲကဵုတ္ရဲမရနုက်ကဵုသတ္တမ ကၠောန်ဗဒှ်တ္ရဲဏအ်ဂှ် သ္ပဒ္တန်မာန်အာရ။

ပ္ဍဲကဵုလိက်ဒုင်စဳရေင်ကမ္မတဳဗဟဵုဂှ်ဝွံ သ္ရဳဂၠိပ်ပ္တိုန်ထ္ၜးလဝ် အကာဲအရာဂၠးကဝ်၊ အကာဲအရာအပ္ဍဲဍုင်၊ အကာဲအရာဂကောံဇြဟတ်ဂမၠိုင်၊ အကာဲအရာပ္ဍဲဗော်၊ အကာဲအရာညးဍုင်ကွာန်၊ အကာဲအရာသၟတ်ဂမၠိုင် စတမ်တအ် ပါလုပ်တုဲ ပ္ဍဲကဵုတင်စၞောန်ပရေင်ကမၠောန်ဂတဂှ် လးဖျေံဏာလဝ် (၁၃) တင်နွံရ။

စပ္တံနူတ္ရဲယးမ္ဂး အစဳဇန် သွက်ဂွံဆက်သ္ရဳဂၠိပ်အာ သ္ဇိုင်ဂၠံင်တရဴပရေင်ဍုင်ကွာန်၊ သၞောဝ်ဥပဒေသ္ဇိုင် ဒက်ပ္တန်ဗော်ဍုင်မန်တၟိ ကေုာံ သွက်ဂွံသ္ပဒ္တန် ဂၠံင်စၞောန်သဘင်သဳကၠဳဗော် အလန် (၁၁) ဝါ စတမ်တအ်တအ်နွံရ။

သဘင်သဳကၠဳဗော်ဍုင်မန်တၟိ အလန် (၁၁) ဝါဂှ် စကၠောန်ဗဒှ်လဝ် နူဂိတုဒဳဇြေမ်ဗါ စၟတ်တ္ရဲ (၂၅)၊ သၞာံ ၂၀၂၃ တေံတုဲ ညးစၞးကောန်ဗော်၊ ကောန်ဗော်ဗွိုင်မ္ရး ကေုာံ ညးလ္ရတ်တအ်သီုဖ္အိုတ် ဗၞတ် ၁၄၀ တၠပြင် တိုန်စိုပ် သဳကၠဳဒၟံင်ရ။

လလောၚ်တြး_ကော်ဘိက်အ္စာဘာမန်

 #လလောၚ်တြး_ကော်ဘိက်အ္စာဘာမန်၊ (၂၉.၁၂.၂၃)

#ဘာကောန်ဂကူမန်_အဆံၚ်တန်သၠုၚ် နူကဵုအဓိပတိ(မန်)ကမ္ပနီ မဒက်ပတန်လဝ်ဂှ် သ္ပပတံနူကဵု သၞာံဗ္တောန်ပညာ(၂၀၂၄−၂၀၂၅)ဝွံတုဲ စပံက်အာဘာ ဗ္တောန်အာပညာရောၚ်၊ ဘာကောန်ဂကူမန် အဆံၚ်တန်သၠုၚ် မပံက်ဗ္တောန်အာပညာလၟုဟ်ဝွံ ပတဝ်လဝ်ဂၠံၚ်တရဴ ရန်တၟံကဵုပရေၚ်ပညာသ္ဇိုၚ် ကောန်ၚာ်ကွးဘာမန် မၞုံတန်တဴဒၟံၚ်လ္တူဍုၚ်ကီု သီုကဵုနူကွာန်ရးဌာန် ဇမ္ၚောဲဂမၠိုၚ် သ္ဂောံဒှ်သၟတ်မန်အနာဂတ် မစိုန်သကီုတဴကဵုအစောန်စရာဲဍာ်ဒ္ကေဝ်  စွံတၚ်ဗွဲမဇြိုဟ် နက်တုဲ ဒက်ပတန်ဖန်ဇန်လဝ်မဒှ်ရ။ 

အ္စာဘာသွက်သ္ဂောံဗ္တောန်အာပညာ ပ္ဍဲဘာကောန်ဂကူမန်အဆံၚ်တန်သၠုၚ်ဂှ် နွံပၟိက်ဒၟံၚ် ကဵု အ္စာဘာမဍိုက်ပေၚ်တဴကဵုဍာ်ဒ္ကေဝ် အ္စာဘာခိုဟ်ဟ်တံဂှ် သွက်သ္ဂောံခါန်ကၞက် အပ်ပြာပ်အာ တာလျိုၚ်ရောၚ်၊ ဟိုတ်ဂှ်ရ ညးစိုတ်လုပ်စကဵု ကမၠောန်အ္စာဘာဂမၠိုၚ် အတိုၚ်ဗၞတ်ဗ္ၜတ်စရာဲ ဍာ်ဒ္ကေဝ်မကိတ်ညဳကဵု တၚ်နၚ်ဗွဲသၟဝ်ဝွံ ဆက်စၠောံအာတ်မိက် ပတိုန်ထ္ၜးနၚ်မာန်ရ။ ကုညး မအာတ်မိက် ပတိုန်ထ္ၜးနၚ်လဝ်တံဂှ် ဆဵုဂဗသၟာန်သွဟ်အာတုဲ ဗီုဂပ်ဝ်ဒးရးဂှ် ရေၚ်တၠုၚ်အာ ကဵုရောၚ်ဂှ် ဗွဲရှေ်သှေ်ရဴဂဴ လလောၚ်တြးကဵုဏာသမ္တီရ။ 

တၚ်နၚ်ဗၞတ်ဗ္ၜတ်စရာဲဍာ်ဒ္ကေဝ် − 

အ္စာဘာ ညးစိုတ်မလုပ်စ သွက်ဂွံဗ္တောန်လိက် ပ္ဍဲဘာတန်သၠုၚ် အဓိပတိ(မန်)တံဝွံ −

(၁) ညးစိုတ်မလုပ်စ ပ္ဍဲအရာဗ္တောန်လိက် ကေုာံ အုပ်ဓုပ်ကောပ်ကာဲ ကွးဘာတအ် ဒးဒှ်ရောၚ်၊

(၂) ညးမကလိဂွံလဝ် တဆိပ်ကြာဒဳဂရဳ နူဘာကောန်ဂကူမန်/ ဘာအလဵုအသဳ/ ဂကောံပရေင်ပညာ အောန်အိုတ် ဒးနွံမွဲမွဲရောၚ်၊

(၃) ညးမကေင်ယိုက်ဂေၠၚ်လဝ်တာလျိုၚ် ပ္ဍဲဘာကောန်ဂကူမန်/ ပ္ဍဲဘာတန်အလဵု အသဳ/ ပ္ဍဲဌာနပရေၚ်ပညာကောန်ဂကူမန် အောန်အိုတ်(၃)သၞာံ ဒးနွံရောၚ်၊

(၄) ယဝ်ဒှ်အ္စာဘာမန်မ္ဂး ဒးဒှ်ညးမဒေါံဇူလဝ်ဗ္တောန်လိက် နူဘာကောန်ဂကူမန် အောန်အိုတ် ပွိုၚ်(၆)ဂိတု ဒးဒှ်ရောၚ်၊

(၅) ညးမဗပေင် Form တအ်ဝွံ လိက်ထံက်ဂလာန် (နူဂကောံမွဲမွဲ) မ္ဒးတောဲပ္တိုန် နၚ်ရောၚ်။

(၆) ရံင်အာကုဵ ဍာ်ဒ္ကေဝ်ပညာ ကေုာံ ပရေၚ်ဆဵုဂဗကမၠောန်တုဲ ချပ်ဇန်သဳကၠဳအာ တာလျိုၚ်/စရိတ်သြန်ဂိတုတံဒှ်ရောၚ်။ 

တ္ၚဲကၟာတ် Form  ကော်အ္စာဘာ −

စၟတ်တ္ၚဲ − ၂၀၊ ၁၊ ၂၀၂၄၊ 

အခိင် - ၅.၀၀ နာဍီ သဝ်တ္ၚဲ လက္တရဴအိုတ် မ္ဒးပလံၚ်ဗစိုပ်နၚ်ရောၚ်၊ 

ကေတ်အဆက် −  Dr. အံၚ်နာၚ်ဥူ  (၀၉ ၆၅၀၉၀၉၀၀၀)

− မိနန်ဒရု  (၀၉ ၄၀၁၅၆၃၄၆၅)

အဓိပတိ(မန်) Com. Ltd.

ဂၞန်သ္ၚိ(၅၀၁)၊ ဂၠံၚ်ဇေၞာ်သၟဝ်၊ အရာပ်ပါန်ဗေဝ်တာန်(ပန်းဘဲတန်း)၊ ဍုၚ်မတ်မလီု

https://www.facebook.com/permalink.php?story_fbid=122100455816166406&id=61554992190437

Mon forge their own path in Myanmar's civil war

 https://asia.nikkei.com/Life-Arts/Life/Mon-forge-their-own-path-in-Myanmar-s-civil-war?fbclid=IwAR1dqiC-0AYruL3ge2RFAbskepnQMhl3BUx594x_LtYvANeibSUcgFac3_k_aem_AfVKW0tz8VY0W8yvG3jKjOzpG-8Siv0EZctmCaU8KV2LvGEMKD0sVzoHP8pMU-MAt4w

လိက်သဝဏ် ဗော်ဍုင်မန်တၟိ ပလံင်ဗစိုပ် သွက်တ္ရဲသၟတ်မန် အလန် (၁၂) ဝါ