ပြန်ကြားရေးဌာန (M.L.A ဗဟိုရုံးချုပ်)

လိက်လောင်တြး တ္ၚဲကောန်ဂကူမန် မရနုက်ကဵု (၇၇)ဝါ၊ ဗော်ဍုင်မန်တၟိ (ဗ္တိုက်သရိုဟ်တၠအဝဵုပၞာန်)

အလာံဂကူမန် ဂှ် ဣလဵုရော

 အလာံဂကူမန် ဂှ် ဣလဵုရော

ဝဏ္ဏမာန် ၊ မာ် ၁၄ မံက်၊ ဖေဖဝ်ဝါရဳ ၂၃၊ ၂၀၂၄

ဇၟာပ်စိုပ်တ္ၚဲကောန်ဂကူမန် (မာ်မွဲစွေက်)မ္ဂး ဒေသညးကဵုညးဂှ် ဗီုညးခံၚ် ပစူသုၚ်စောဲတဴ အလာံကောန်ဂကူမန် အိုတ်ရ။ ပ္ဍဲကဵု ပစူသုၚ်စောဲအလာံဂှ် ဒေသလ္ၚဵု ပစူသုၚ်စောဲအလာံၜိုပ်ပဝ် ကဵု သၞံၚ်ဍီု နွံ၊ ဒေသလ္ၚဵု ပစူသုၚ်စောဲ အလာံယာဇိုၚ် နွံရ။

အလာံဂကူမန်ဂှ် အလုံကောန်ဂကူမန် ဖျေံသ္ပလဝ်ဒတန်ဟွံမွဲဏီတုဲ ကိစ္စအလာံဝွံ ဇၟာပ်ကၠောန်ကေၚ်ကာ ပရေၚ်ဂကူမွဲမွဲ ဒှ်ကၠုၚ်ပရေၚ်ကယျာန်ဓဝါတ် လၟေၚ်လၟေၚ်နွံကၠုၚ်ရ။

ပရေၚ်ကယျာန်ဓဝါတ် ကိစ္စအလာံ ၂၀၁၃

ရန်တၟံကဵု သွက်ဂွံဒက်ပ္တန်ဓဝ်ညဳသာ အကြာဗော်ပရေၚ်ဍုၚ်ကွာန်မန်ဂမၠိုၚ်တုဲ သၞာံ ၂၀၁၃ ဂိတုအဝ်ဂေတ် ဂှ် ဗော်ဍုၚ်မန်တၟိ၊ ဗော်ကောန်ဂကူမန်၊ ဗော်ဒဳမဵုကရေဇြဳအလုံရးမန် ပိဗော်ပံၚ်ကောံတုဲ ဒက်ပ္တန်ကၠုၚ် ကမ္မတဳကၠောန် ဗဒှ်ကောံဓရီုဇၞော် မွဲဂကောံရ။ ပ္ဍဲကမ္မတဳကၠောန်ဗဒှ်ဝွံ ညးချူလိက်ဏံ ကေတ်လဝ်တာလျိုၚ် ဖက်ဆောညးအုပ်ကာ မွဲတၠ ကီုရ။

သ္ပစၞးဂကူမန်တုဲ အလာံလဵု ဂွံသုၚ်စောဲပစူအာ ပ္ဍဲအသေအဟာန် ကောံဓရီုဇၞော်ဂှ်ရော ညးတာလျိုၚ်သွာၚ်ဗော်တံ ပ္တိုန်ထ္ၜးဒးသဳကၠဳကၠုၚ်ရ။ 

အခိၚ်ဝွံ နာဲတၠညး ဒးလဝ်တာလျိုၚ်ဗွိုၚ်ပ္ဍဲဍုၚ် (ကေၚ်ကာဗဟဵု ဗော်ဍုၚ်မန်တၟိ) ကေတ်လဝ်တာလျိုၚ် ဒုဥက္ကဌ ကမ္မတဳကၠောန်ဗဒှ် ကောံဓရီုဇၞော်။ နာဲတၠညး သဳကၠဳပ္တိုန်ထ္ၜးဂှ် ဒးသုၚ် စောဲအာ အလာံ ၜိုပ်ပဝ် ကဵု သၞံၚ်ဍီု ရောၚ်။ မုဟိုတ်ရောဟီုမ္ဂး အလာံၜိုပ်ပဝ် သၞံၚ်ဍီုဏံဂှ် ပ္ဍဲကောံဓရီု အလန်စတုတ္ထ တုဲကၠုၚ်တေံ သ္ပလဝ်ဒတန် ပ္ဍဲကောံဓရီုဇၞော်(အလန်စတုတ္ထ)တေံတုဲရ။ ဟိုတ်ဂှ်ရတှ်ေ ဒးပစူသုၚ်စောဲအာ အလာံၜိုပ်ပဝ် ထေက်ကြိုက်ရောၚ်။ 

နာဲတၠညး သဳကၠဳပ္တိုန်ထ္ၜးဂှ် အ္စာသဝ် နာဲဟံၚ်ဍုၚ် (ဥက္ကဌကမ္မတဳကၠောန်ဗဒှ်) စၞးဗော်ကောန်ဂကူမန် ဒစဵုဒစး။ အလာံၜိုပ်ပဝ် သၞံၚ်ဍီုဂှ် ဒှ်အလာံ ဗော်ဍုၚ်မန်တၟိ ရောၚ်။ သ္ပလဝ်ဒတန် ကောံဓရီုဇၞော်အလန်စတုတ္ထ တေံ ဟီုဂှ် သ္ပလဝ် ဒတန် ပ္ဍဲသဘၚ်သဳကၠဳကောန်ဂကူမန် ဟွံသေၚ်။ ဒှ်ဒတန်ရ ဟီုဟွံဂွံ အလာံကောန်ဂကူမန်ဂှ် အလာံပိုဲသုၚ် စောဲမံၚ် ပ္ဍဲတ္ၚဲကောန်ဂကူမန် ၜိုပ်ယာဇိုၚ် ဂှ်ရ။ ဟိုတ်ဂှ်ရ ပ္ဍဲကောံဓရီုဇၞော်ဏံ ကၠောန်ဗဒှ် ဗွိုၚ်ပ္ဍဲဍုၚ် လ္တူဍုၚ်မတ်မလီု ရောၚ် ဒးသုၚ်စောဲ အလာံၜိုပ်ယာဇိုၚ်ရောၚ်။ သာ်ဝွံ ဒှ်ပရေၚ်ကယျာန်ဓဝါတ်ညးသ္ကံ ဗၞတ်ထေက်ကြိုက်ရ။ 

ပရေၚ်ကယျာန်ဓဝါတ်ကိစ္စအလာံဂှ် မွဲမွဲလ္ပာ် ဒးဗက်ကဵုမှလေဝ် ဂွံတုဲဒှ်အာရောၚ် ဂးတုဲ ကၞောတ်တဲ ညးစၞးဗော်ဍုၚ်မန်တၟိ နာဲတၠညး ဒုၚ်ဗက်ကဵု သုၚ်စောဲအလာံ ၜိုပ်တ္ၚဲကောန်ဂကူ ၜိုပ်ယာဇိုၚ်ဂှ်ရ။ 

အလာံၜိုပ်ပဝ် ကဵု သၞံၚ်ဍီု အလာံဗော်ဍုၚ်မန်တၟိ သုၚ်စောဲမံၚ်ဂှ် သဳကၠဳသ္ပလဝ်ဒတန် ပ္ဍဲကောဓရီုဇၞော် အလန်စတုတ္ထ (ဗွဲယာယဳ) ရ။ တၚ်သမ္တီမွဲတၚ်ဂှ် ဗွိုၚ်ညးကဵုညးဂှ် ဗီုညးခံၚ် ရပ်စပ်သုၚ်စောဲအာကၠာ ဖျေံလဝ်နွံရ။ 

အလာံဂကူမန် ဂှ် သ္ပလဝ်ဒတန် အလုံဂကူမန် ဟွံမွဲဏီဂှ်တုဲ လၟုဟ် ပ္ဍဲကဵု ချူဓဇက်ဒၟံၚ်သ္ဇိုၚ်သၞောဝ်ဥပဒေဒက်ပ္တန် ဍုၚ်မန်(တွဵုရးဍုၚ်မန်) ရာမည ဗွိုၚ်ဇဳချူဓဇက်ဒၟံၚ်ဂှ် စပ်ကဵု အခန် အလာံမန် ဂှ် ချူဓဇက်ဒၟံၚ်နွံကီုရ။ 

အလာံကောန်ဂကူမန် အလုံဂကူမန် ဂွံသ္ပဒတန်၊ ဂွံဒှ်ဒတန် ဟီုဂှ် ဒးသဳကၠဳအာ ပ္ဍဲသဘၚ်သဳကၠဳကောန်ဂကူမန် တုဲ ဒးသ္ဂုတ်သွာတ် သ္ဒးသ္ပဒတန် ပ္ဍဲသဘၚ်သဳကၠဳကောန်ဂကူမန် မွဲမွဲရောၚ်။ 

ပိုဲကၠောန်ရေၚ်တၠုၚ် ကေၚ်ကာဂကူမွဲမွဲမ္ဂး ကမၠောန်ရောၚ် ဒှ်အဓိက။ စပ်ကဵုအလာံဂကူမန်တုဲ ဒေသဗွိုၚ်ညးကဵုညး ဗီုညးခံၚ်ဂှ် ရပ်စပ် သုၚ်စောဲအာကၠာ ဗ္တိုက်ဖ္အောဝ်ဏာရ။

တလမူ (ဝဏ္ဏမာန်)

"ဒုင်တၠုင်တ္ၚဲကောန်ဂကူမန် မရနုက်ကဵု (၇၇) ဝါ "

 "ဒုင်တၠုင်တ္ၚဲကောန်ဂကူမန် မရနုက်ကဵု (၇၇) ဝါ "

အခန်ကၞာတ္ၚဲကောန်ဂကူမန်ပိုဲ ဗီုသ္ဒးကၠောန်ဒၟံင် သၟဝ်တဲတၠအဝဵုတံ ဂှ် ညံင်သ္ဂောံဒေါံကၠေံမာန်၊ ညံင်သ္ဂောံဆက်ကၠောန်ဗဒှ်အာ တ္ၚဲကောန်ဂကူမန် ဗၠးၜးဇေတ်တ် မၞုံကဵုဂုဏ်သိက္ခာပေင်င်မာန် ဂှ် ရန်တၟံတုဲ ပိုဲမန် ကောန်ဍုင်ဟံသာတံ ကောံကလောံမွဲစွံ တဝ်စၞေဟ်အာ တၠအဝဵုတံအိုတ်စိုအ်။

စနူ ဖေဖဝ်ဝါရဳ ၁၉ စဵုစိုပ် ဖေဖဝ်ဝါရဳ ၂၆ ကၠောန်ဗဒှ်အာ Campaign မွဲ ရောင်။ ဘိုင်ပါလုပ်ကဵုညိ အာတ်မိက်ဖတိုက်ဖအောဝ်ရ။ 

အစဳအဇန် Campaign ဝွံ 

- ချူလိက်တၞး "ဂံင်ပၠန်ဂတးမှ ဂွံဗၠးၜး" တုဲ တက်နင်ကဵုဗီု ကဵုဒှ်၊

- ဗဗာန်လဝ်လိက်တၞး လတူဂၠိုက်မန်ဂၞိန်မန်တုဲ တက်နင်ကဵုဗီု ကဵုဒှ်၊

- ယဝ်ဂၞိန်မန်ဂၠိက်မန်ဟၟဲမ္ဂး ဂၠိုက်ယာတ်တၞဟ်သအာင်လေဝ် သုင်စောဲမာန်

ယဝ်တက်ဗီုတုဲမ္ဂး ပလံင်ဗစိုပ်နင်ကုပိုဲညိ။ အလေဝ်ဇကုဇကုလေဝ် ပတိုန်လတူလပှ်ကျာ တြးပတိုန်ဗီုတုဲ ချဳဒရာင်အာ Campaign ညိ။ 

"ဂံင်ပၠန်ဂတးမှ ဂွံဗၠးၜး"  မာန်ရောင်။

#NRFF

#monnationalday_campaign

#ဂံင်ပၠန်ဂတးမှဂွံဗၠးၜး

#တော်လှန်ရဲမှလွတ်လပ်မည်

#MSRF

ည:က္ဍိုပ်ဂကောံအာက္ဍိုပ်ပရေၚ်ဍုၚ်ကွာန်ပရေၚ်ပၞာန် ဗော်ဍုၚ်မန်တၟိ(ဗ္တိုက်သရိုဟ်တၠအဝဵုပၞာန်) နာဲဇဲယ ကေုာံ ဝန်ဇၞော်ဍုၚ်သ္အာၚ် အလဵုအသဳ NUG ဒဝ်ဇြေန်မာအံၚ်တအ် ဆဵုဂဗသဳကၠဳကၠာတဲ

သၞာံ ၂၀၂၄၊ ဂိတု ဖေဖဝ်ဝါရဳ (၂၂)

ည:မဒှ်ည:က္ဍိုပ်ကမ္မတဳဆက်ဆောံမဟာမိတ်၊ ဝန်ဇၞော်ဍုၚ်သ္အာၚ် ဒဝ်ဇြေန်မာအံၚ် နူအလဵုအသဳ NUG ကု ဂကောံ တအ်ဝွံ သွက်ဂွံဆက်ရေၚ်တၠုၚ်ပံၚ်တောဲကၠောန်ၜိုတ်အာ ပရေၚ်ကမၠောန်ပၠန်ဂတ:တအ်မာန်တုဲ တ္ၚဲဏအ် ဆဵုဂဗ လဝ်ကု ည:က္ဍိုပ်ဂကောံအာက္ဍိုပ်ပရေၚ်ဍုၚ်ကွာန်ပရေၚ်ပၞာန် ဗော်ဍုၚ်မန်တၟိ(ဗ္တိုက်သရိုဟ်တၠအဝဵုပၞာန်) နာဲဇဲယ ကေုာံ ဂကောံတအ် နကဵုအောန်လာၚ် ကိုပ်ကၠာတဲနွံရ။

ပ္ဍဲပေါဲဆဵုဂဗသဳကၠဳဂှ်ဝွံ လ္ပါ်ဗော်ဍုၚ်မန်တၟိ (ဗ္တိုက်သရိုဟ်တၠအဝဵုပၞာန်)ဂှ် ည:က္ဍိုပ်နာဲဇဲယ၊ ဒုည:က္ဍိုပ် (၁) နာဲဗညာလဴ၊ ဒုည:က္ဍိုပ် (၂) နာဲလျ:ဂကူ ကေုာံ ည:လျိုၚ်ဆက်ဆောံမဟာမိတ် နာဲဗညာမန်တအ် တိုန်စိုပ်တုဲ လ္ပါ်အလဵုအသဳ NUG ဂှ် ည:က္ဍိုပ်ကမ္မတဳဆက်ဆောံမဟာမိတ်၊ ဝန်ဇၞော်ဍုၚ်သ္အာၚ် ဒဝ်ဇြေန်မာအံၚ် ကေုာံ ဂကောံတအ်ကီု၊ နာဲနိုၚ်ထူအံၚ် ည:ကေၚ်ကာအပ္ဍဲ နူဌာနဝန်ဇၞော်ပရေၚ်စဵုဒၞာ ကေုာံ ည:မနွံတာလျိုၚ်တအ် တိုန်စိုပ်အိုတ်ရ။

က္ဍိုပ်သ္ကိုပ်ၜါလ္ပါ်တအ်ဝွံ သွက်ပရေၚ်သ္ဂောံဗ္တိုက်သရိုဟ်တၠအဝဵုပၞာန်ကဵု တၠအဝဵုအိုတ်သီုတအ်ကီု၊ ပရေၚ်သ္ဂောံဒက်ပ္တန် ကၟိန်ဍုၚ်ပံၚ်ကောံဖေတ်ဒရယ်ဒဳမိုကရေဇြဳတအ်မာန် နဒဒှ်မဟာမိတ်ဂှ် စပ္တံအပ္ဍဲအရာပရေၚ်ဍုၚ်ကွာန်၊ ပရေၚ်ပၞာန်၊ ပရေၚ်ကလုတ်တမာန်၊ ပရေၚ်ဘဏ္ဌာတအ် ညံၚ်ဂွံပံၚ်တောဲကၠောန်အာကမၠောန်မာန် ဂွံတၚ်တုပ်စိုတ်ည:သ္ကအ်တုဲ ပရေၚ်ပံၚ်တောဲကမၠောန်မဟာမိတ်တအ်ဂှ်လေဝ် ညံၚ်ဂွံဆက်သဳကၠဳအာည:သ္ကအ်လၟိုန်မာန် တုပ်စိုတ်ည:သ္အအ်အိုတ်ရောၚ် ဂွံတီကေတ်ရ။

လိက်ကသေအ်ပၟဝ် ဆဝ်ဗ္ၚုဟ် ကုည:ဍုၚ်ကွာန်၊ ည:ဆာန်ဂကူဂမၠိုၚ်

သၞာံ ၂၀၂၄၊ ဂိတုဖေဖဝ်ဝါရဳ၊ (၂၀) 

၁။  ဗော်ဍုၚ်မန်တၟိ(ဗ္တိုက်သရိုဟ်တၠအဝဵုပၞာန်)ပိုဲ ဟိုတ်ဖဵုသွက်ဂွံလုပ်ပေါဲဗ္တိုက်ကုသၞဂှ် နကဵုလိက် လလောၚ်တြ:ကီု နကဵုည:တာလျိုၚ်မဆေၚ်စပ်ကီုဂှ် ဟီုဂ:သောၚ်ကလ:လဝ်ဗွဲတြ:တုဲရ။ ပ္ဍဲကာလတ္ၚဲဏအ် အခေါၚ်မန် ညံၚ်မန်သ္ဂောံကလေၚ်ဖန်ဖက်ကေတ်မာန်ဟီုဂှ် ပိုဲတအ်မ္ဒ:လုပ်အာပေါဲဗ္တိုက်ကုသၞ နနဲပၠန်ဂတ: ရပ်လွဟ်ဗွဲမပိုတ်သ္ကုတ်ဂှ်ဟေၚ် ကလိဂွံပေါဲအံၚ်ဇၞ:မာန်ရောၚ် ပိုဲပတှ်ေစှ်ေစိုတ်ရ။

၂။  ပ္ဍဲဂၠံၚ်တရဴပိုဲမရုန်ဂစာန်အာ ပၠန်ဂတ:ဗၠ:ၜ:ဂကူမန်ပိုဲတ္ၚဲဏအ်ဝွံ ဇြဟတ်ထံက်ဂလာန် ကေုာံ ဇြဟတ် ပူဗိုၚ်ပါလုပ် နူမိမည:ဍုၚ်ကွာန်ပိုဲ အပ္ဍဲဍုၚ်မ္ၚ:ဍုၚ်တအ်ဂှ်ဟေၚ် ဒှ်ဇုတ်ဓရံၚ်ပိုဲ ဒှ်ဇြဟတ်အဓိကပိုဲရောၚ် ပိုဲစၟဳညာတ် ဒုၚ်ဂိုၚ်ကေတ်လဝ်ရ။

  

၃။  လ္တူည:ဍုၚ်ကွာန် ကေုာံ ကောန်ဂကူကောန်ဍုၚ်အရၚ်ဂမၠိုၚ်တအ်ဂှ် ပၞာန်သီအဝဵုတအ် ဍဵုဍိုက်သ္ပမာန် ဖန်ဇန်မံၚ်ကမၠောန်   ဗွဲမကြာန်ဓဇန်ရောၚ်ဒှ်တုဲ ည:ဍုၚ်ကွာန်ကောန်ဂကူမန်ပိုဲလေဝ် ထေက်ကဵုဒ:စွံလဝ် သတိဇၞော်ဇၞော်ရောၚ်။ ပ္ဍဲကာလပၟိက်ဇၞော်ဏအ် အလုံည:ဍုၚ်ကွာန်မန်တအ် စိုတ်ဖေက်ဂှ်ဝေၚ်ပါဲ လံၚ်ဆာဲစုတ်စိုတ်နာဲတုဲ ဘိုၚ်ကၟောန်ပခိုၚ်၊ ပလေဝ်ပလေတ် သၠုၚ်ပတိုန်စိုတ်ဓါတ်၊ သၠုၚ်ပတိုန် အသိၚ်မၠောန် သွက်ကလေၚ်ဒက်ပ္တန် ဍုၚ်မိတိမပိုဲ အတိုၚ်ပိုဲမရန်လဝ်ဂှ်အိုတ်ညိ အာတ်မိက်ဏာရ။ 

၄။  ခမဳသၚ်၊ တၠပညာ ည:ဍုၚ်ကွာန်ဆာန်ဂကူတအ်ကီု၊ တၠဓန၊ တၠကမၠောန်မၞုံစိုတ်ဓါတ်ဆာန်ဂကူ တဴတက်တအ်ကီု ကေုာံ ဂကောံမဟာဇန်နာနာ မၞုံအပ္ဍဲဍုၚ်မ္ၚ:ဍုၚ်တအ်သီုဖအိုတ်  နဲည:ကုည: ဗီုည:ကုည: ဘိုၚ်ကဵုအာဇြဟတ် ဘိုၚ်ပါလုပ်ထံက်ပၚ်ရီုဗၚ်အာပိုဲအိုတ်ညိ။ သၟတ်မန် အဝဲကာယထတ်စောန်မြက်စာ မၞုံအပ္ဍဲဍုၚ်မ္ၚ:ဍုၚ်တအ်၊ သ္ဂံၚ်မတိုန်လဝ်ဘာပၞာန်တုဲ ဇူဒၟံၚ်တအ်  ဘိုၚ်ပံၚ်တောဲ လုပ်ယိုက်ဂၠေၚ် ဒလေၚ်ဂကူ ကရောံဗော်ဍုၚ်မန်တၟိ (ဗ္တိုက်သရိုဟ်တၠအဝဵုပၞာန်) ပိုဲအိုတ်စိုအ် ကသေံပၟဝ်၊ ဆဝ်ဗ္ၚုဟ်ဏာရ။ နကဵု ဗော်ဍုၚ်မန်တၟိ (ဗ္တိုက်သရိုဟ်တၠအဝဵုပၞာန်) ပိုဲလေဝ် မွဲကရောံကုည:ဆာန်ဂကူတအ် သီုပံၚ်ကောံကဵု ဇြဟတ် ပၠန်ဂတ:ဂမၠိုၚ်တအ်တုဲ ညံၚ်သ္ဂောံကလိဂွံပေါဲအံၚ်ဇၞ:ဗွဲမပြဟ်မာန်ဂှ် ၜိုတ်အစောံဇြဟတ်နွံ သီုစိုတ်သီုစရိုတ် လုပ်အာပေါဲဗ္တိုက်ရောၚ် ကဵုဏာကတိပါၚ် ဗွဲမဇြိုဟ်နက်ရ။

၅။    သွက်ဂွံယိုက်ဂၠေၚ်တာလျိုၚ်ပရေၚ်ပၞာန်ဂှ် သၟတ်ည:ဆာန်ဂကူတအ် ဒုၚ်ဂိုၚ်ကေတ် သၞောဝ်ဒုၚ်တဲ သ္ဂံၚ်တၟိပိုဲတအ်တုဲမ္ဂ: ကုည:တာလျိုၚ်ဗော်/ဒပ်ပိုဲကဆံၚ်ၚ် မတီညာတ်၊ မကြပ်အိုတ်တအ်ဂှ် ကေတ်အဆက် တုဲ ကဵုသမ္တီ၊ ကဵုစရၚ်မာန်ရ။ ည:အဆက်ဟွံမွဲကုရဲပိုဲတအ်မ္ဂ: အတိုၚ်လၟေၚ်ကမၠောန် သွာၚ်ဒုၚ်တဲသ္ဂံၚ်တအ်ဂှ် ကေတ်ဆက်စၠောံ၊ ဒုၚ်သၟာန်သၟုက်တုဲ လုပ်စိုပ်ကၠုၚ်ပ္ဍဲပိုဲအိုတ်ညိဂှ် ကဵုသမ္တီ ဖ္တိုက်ဖ္အောဝ် ဆဝ်ဗ္ၚုဟ်ဏာရ။

            

သွာၚ်ကမၠောန်စန္ဒက်/လလောၚ်တြ:ပရိုၚ်

ဗော်ဍုၚ်မန်တၟိ (ဗ္တိုက်သရိုဟ်တၠအဝဵုပၞာန်)

သၞောဝ် ဒုၚ်တဲသ္ဂံၚ်တၟိ ” ဗော်ဍုၚ်မန်တၟိ (ဗ္တိုက်သရိုဟ်တၠအဝဵုပၞာန်)

၁။ ဂကူဘာသာဟွံရုဲ ယြဴၚ်ည:မွဲပေၚ်အာယုက် (၁၈)သၞာံ ကဵု သၟဝ် (၄၅)သၞာံမ္ဂ: တြုံ/ဗြဴဟွံရုဲ ဟၟဲကဵုပွမကြအ် ယှောတ်တုဲ နွံပၟိက်ကဵုဒတုဲဖဵုဂကူမန်ဍာံ ဒ:ဒှ်ရောၚ်။  (တၠကွတ်တအ်မ္ဂ: ဟွံတၟော်အာယုက်ရ။)

၂။ အဝဲခန္ဓကာယ မ္ဒ:ဍိုက်ပေၚ်တုဲ မ္ဒ:ထတ်စောန်မြက်စာရောၚ်။

၃။ ဒ:ဒှ် ည:ဟၟဲကဵုယဲကၠောံခၞာန်၊ ယဲဇၞော်ဂမၠိုၚ်၊ ကေုာံ ယဲဍာ်ဇမၠိၚ်ဂမၠိုၚ်ရောၚ်။ (ပရေၚ်ထတ်ယုက် ဒ:ခိုဟ်ရောၚ်။)

၄။ ဒ:ဒှ်ည:မၞုံကဵု စိုတ်ဓါတ်ဆာန်ဂကူက္တိုၚ်ၚ်ကၟိုဟ်ဟ်တုဲ ပရေၚ်ဒုၚ်ကေတ်ဘဝသၟာပၠန်ဂတ:မွဲ ဒ:နွံရောၚ်။

၅။ ဒ:ဒှ်ည:ဟၟဲကဵု အမှုအရာ ဒုဟ်ဒဏ်ဂမၠိုၚ်ရောၚ်။

ဗော်ဍုၚ်မန်တၟိ (ဗ္တိုက်သရိုဟ်တၠအဝဵုပၞာန်)

မွန်ပြည်ဖက်ဒရယ်ကောင်စီ (MSFC) ၊ ကာကွယ်ရေးဌာန (Department of Defense) ဌာနမှူး နိုင်ဒင်းပလဟံသာမှ မွန်ပြည်တော်လှန်ရေးတပ် (MSRF) ရဲဘော်များနှင့် ရှေ့တန်းတနေရာတွင် တွေ့ဆုံ

၁၉.၂.၂၀၂၄ 

မွန်ပြည်ဖက်ဒရယ်ကောင်စီ​ (MSFC) ကာကွယ်ရေးဌာန ဌာနမှူး နိုင်ဒင်းပလဟံသာမှ ရှေ့တန်းရောက်နေသည့် မွန်ပြည်တော်လှန်ရေးတပ် (MSRF) မှ ရဲဘော်များ၊  MSRF ​၏ မဟာမိတ် ပူးပေါင်းတပ်ဖွဲ့မှ ရဲဘော်များနှင့် ဖေဖော်ဝါရီလ ၁၈ ရက်နေ့၌ တွေ့ဆုံခဲ့သည်။

နိုင်ဒင်းပလဟံသာမှ တော်လှန်ရေးတပ်ဖွဲ့ခေါင်းဆောင်များ၊ ရှေ့တန်းရောက်ရဲဘော်များနှင့်တွေ့ဆုံကာ စစ်ဆင်ရေးဆိုင်ရာ လိုအပ်ချက်များ၊ အားပေးစကားများနှင့် အကြံပြုချက်များ အပြန်အလှန် ဆွေးနွေးခဲ့သည်။ 

မွန်ပြည်တော်လှန်ရေးတပ် (MSRF) သည် မွန်ပြည်ဖက်ဒရယ်ကောင်စီ​ (MSFC) ​၏ နိုင်ငံရေးဦးဆောင်မှုအား ခံယူထားသည့် မွန်လက်နက်ကိုင် တော်လှန်ရေးတပ်ဖွဲ့ တစ်ခုဖြစ်သည်။

မွန်ပြည်တော်လှန်ရေးတပ် (MSRF) သည် အကြမ်းဖက်စစ်တပ်မှ အာဏာသိမ်းပြီးနောက် နွေဦးတော်လှန်ရေးတွင် ပေါ်ပေါက်လာသည့် လက်နက်ကိုင် မွန်တော်လှန်ရေးတပ်ဖွဲ့ တစ်ခုဖြစ်သည်။ 

မွန်ပြည်တော်လှန်ရေးတပ် (MSRF)

#ဒပ်ပၠန်ဂတးဍုင်မန်

#mon_state_revolutionary

#mon_revolution

#welcomefrommsrf

#mon_state_revolutionary

ဂကောံရပ်လွဟ် ၅ ဂကောံ ပံင်ကောံတုဲ ကံက်မံင်စရင်မၞိဟ်လုပ်ကျာ်ပိ ပ္ဍဲကြုင်ထဝ်

 ဂကောံရပ်လွဟ် ၅ ဂကောံ ပံင်ကောံတုဲ ကံက်မံင်စရင်မၞိဟ်လုပ်ကျာ်ပိ ပ္ဍဲကြုင်ထဝ်

ဌာန်ပရိုင်ဗၠးၜးမန်၊ ဖေဖဝ်ဝါရဳ ၁၈၊ ၂၀၂၄။

ပံက်ပ္တိုန်လဝ်ဗီုပြင်သၞေဟ်ကင်စၟဳစၟတ် ပ္ဍဲဒၞါဲကြုင်ထဝ်မွဲတုဲ ဂကောံရပ်လွဟ် ၅ ဂကောံတအ် ပံင်ကောံ ကံက်မံင်စရင်လၟိဟ်မၞိဟ် မလုပ်ဍုင်ကျာ်ပိဂမၠိုင်နွံရောင် ဂွံတီကေတ်ရ။

နူကနေံတေံ (ဖေဖဝ်ဝါရဳ ၁၇၊ ၂၀၂၄) ဂှ် ညးစၞးနူကဵု ဂကောံရပ်လွဟ် ၅ ဂကောံမတွံဂး ဗော်သွးကောန်ဂကူကရေင် KNU၊ ဗော်ဍုင်မန်တၟိ NMSP၊ ဂကောံရပ်လွဟ်ကောန်ဂကူကရေင် DKBA၊ KNU/ KNLA (PC) ကေုာံ ဒပ်မင်ပယျဵု BGF တအ် ပါလုပ် ကၠောန်သ္ပကောံဓရီု ပ္ဍဲလ္တူဍုင်ကျာ်ပိတုဲ ဖျေံလဝ်သ္ဂုတ်သွာတ်ဂှ်ရ။

အတိုင်ညးစုက်လုက်ကဵု ဂကောံရပ်လွဟ်မွဲတၠဟီုလဝ်မ္ဂး “ပြဟ်ဟ်ဏအ်ဂှ်တှ်ေ မၞိဟ်လုပ်ကၠုင်ပါ်ကျာ်ပိဏအ် မွဲမွဲတ္ရဲ မၞိဟ်ကဵုလ္ရီ ဒှ်မံင်၊ ယဝ်အာအတိုင်ဏအ်တှ်ေ ဍုင်ကျာ်ပိဂှ် ဂွံထိင်ဟွံလောဲပုဟ်၊ မၞိဟ်ဂှ်လေဝ် ပြံက်ဂၠိုင်မံင်၊ အေဂှ်ရ အာအလဵုရော၊ မၞိဟ်မုစိကၠုင်ရော၊ အလဵုမံင်ရော အဵု ကေတ်စရင်ဂှ်ရ၊ ဂွံလိက်စၟတ်တဲမွဲမွဲတုဲမှ လုပ်ကျာ်ပိဂွံဂှ် ဟွံသေင်” သာ်ဝွံ လဴထ္ၜးရ။

ပ္ဍဲကဵုကံက်စရင်လၟိဟ်မၞိဟ်ဂှ်ဝွံ ယၟုမၞိဟ်လုပ်စိုပ်ကျာ်ပိတုဲ မံင်တန်တဴအလဵု၊ အာအလဵုဂှ်ကီု၊ ယၟုမၞိဟ် (ပွဲစား) မပၠောပ်နင်တအ်ဂှ်ကီု ဒးကဵုစရင်တုဲ ဟိုတ်နူဒးချူစရင်ယၟုသာ်ဂှ်ရ ကွဳစက်မွဲဖ္ဍိုက်မ္ဂး ဒးကဵုသြန်ၝာတ် (၂၀) ဒ္ကေဝ်နွံရောင် ဂးရ။

ကြဴနူကံင်ဇြဳပၞာန်ဗၟာတအ် လလောင်ပ္တိတ်အမိင် သ္ဒးလုပ်ပၞာန် စနူဂိတုဖေဖဝ်ဝါရဳ စၟတ်တ္ရဲ ၁၀ ဂှ်တုဲ ညးဍုင်ကွာန်ဂမၠိုင် ဂၠောဲလုပ်ကၠုင်ဇရေင်ဒေသပယျဵု သွက်ဂွံကၠတ်လုပ်ဍုင်သေံ လၟိဟ်ဗွဲဂၠိုင်ဂၠင်နွံရ။

“မၞိဟ်စိုပ်ကၠုင်တအ်ဂှ် ပြဟ်ဟ်ဏအ် လုပ်ဍုင်သေံ ဂွံဖ္အိုတ်ဟွံသေင်ပုဟ်၊ မုဟိုတ်တှ်ေ လ္ပာ်သေံတေံလေဝ် ဍေံသၠုင်လဝ် ပရေင်ဂီုကၠီုနွံမံင်၊ အေဂှ်ရ ရဲကၠုင်တအ်ဂှ် ၜက်မံင်လ္တူဍုင်ကျာ်ပိဏအ် နွံဟွံအောန်၊ ဗီုလဵုညးတအ် ဂွံစသုင်မံင်စံင်အာဂှ် ကေတ်ဟွံဒးလေဝ်” သာ်ဝွံ ညးဒေသလ္တူဍုင်ကျာ်ပိမွဲတၠပၠန်ဂှ် ဂးရ။

ဟိုတ်နူဟွံမိက်လုပ်ယိုက်ဂၠေင်ပၞာန် ပ္ဍဲဒပ်ပၞာန်ဗၟာတုဲ သၟတ်နူဒေသဍုင်မန်၊ လ္ဂုင်၊ ဗဂေါ၊ ရခေင်၊ သေံစတမ်တအ်ဂမၠိုင် ပါဲဓလေတ် ကၠတ်လုပ်ဍုင်သေံ ဒးဒုင်ရပ်လေဝ်နွံ၊ ဂွံအဆက်တုဲ လုပ်စိုပ်ဗ္ဒဗ္ဒဲါအာ ဇရေင်ဂကောံရပ်လွဟ် ဒပ်ပၠန်ဂတးတအ်လေဝ်နွံရောင် ဂွံတီကေတ်ရ။

ပရိုင်IMNA

ဂလာန်တၚ်ဂုဏ် ကေုာံ ဂလာန်ကဵုသမ္တီ(ဗွဲခမ္ဍန်)

 

                            သၞာံ ၂၀၂၄၊ ဂိတုဖေဖဝ်ဝါရဳ (၁၇)

၁။  ဗော်ဍုၚ်မန်တၟိ (ဗ္တိုက်သရိုဟ်တၠအဝဵုပၞာန်)ပိုဲ လလောၚ်တြ:ဏာ စပ်ကဵုပရေၚ် သွက်ဂွံလုပ်အာ ပေါဲဗ္တိုက်ကု အလဵုအသဳပၞာန် ပ္ဍဲစၟတ်တ္ၚဲ (၁၄/၂/၂၄)တုဲဗက်ဂှ် ဂကောံမန်ဂမၠိုၚ် မဒစဵုဒစ:လုပ်မံၚ်ပေါဲဗ္တိုက်ကု အလဵုအသဳပၞာန် စပ္တံ ကံၚ်ဇြဳဖေဝ်ဒရေဝ်ဍုၚ်မန် (MSFC)၊ ဒပ်ပၞာန်ဗၠ:ၜ:ဍုၚ်မန် (MLA)၊ ဒပ်စဵုဒၞာဍုၚ်မန် (MSDF) ကေုာံ  သၟတ်ဒစဵုဒ:စ:တၠအဝဵုအိုတ်သီု (MAD)တအ်ကီု၊ အလဵုအသဳ (NUG) ကေုာံ ဂကောံတၞဟ်ဟ် တအ်ကီုဂှ် လ္ၚဵုပံၚ်ကောံအာနဒဒှ်မဟာမိတ်၊ လ္ၚဵုပံၚ်တောဲကၠောန်ၜိုတ်အာ၊ လ္ၚဵုဘိုၚ်ကဵုအာဇြဟတ်ရောၚ် သာ်ဝွံ ဗီုည:ကုည: ပတိတ်ကၠုၚ်လိက်ဒုၚ်တၠုၚ်၊ ကဵုကၠုၚ်ဇြဟတ်ကုပိုဲသာ်ဏအ် ဂွံဆဵုကေတ်ဂှ် နကဵု ဗော်ဍုၚ်မန်တၟိ (ဗ္တိုက်သရိုဟ်တၠအဝဵုပၞာန်)ပိုဲ ဂွံဇြဟတ်စိုတ်ဗွဲမလောန်တုဲ တၚ်ဏာဂုဏ်ဗွဲမဇြိုဟ်နက်ရ။

၂။  ကြဴနူလိက်လလောၚ်တြ:ပိုဲတိတ်တုဲ ည:တာလျိုၚ်/သ္ဂံၚ်ဗော်မဇူလဝ်တြေံတအ်ကီု၊ သီုည:ဆာန်ဂကူ အပ္ဍဲဍုၚ်မ္ၚ:ဍုၚ်ဂမၠိုၚ်တအ် ဂစာန်ဂၠာဲကေတ်ဒၟံၚ်အဆက်ကုပိုဲ နဲည:ကုည:သေဲသေဲနွံဒၟံၚ်ရောၚ် ဂွံတီကေတ် ကီုရ။ အကြာပြဟ်ဟ်ဏအ် နကဵုဗော်ဍုၚ်မန်တၟိ(ဗ္တိုက်သရိုဟ်တၠအဝဵုပၞာန်)ပိုဲ ချူခၞံ သၞောဝ်တ်စဳပၞောန် ဒုၚ်တဲသ္ဂံၚ်တအ်တုဲမ္ဂ: ထပ်လလောၚ်အာပၠန်တုဲ မွဲကရောံဂှ် သီုလလောၚ်တြ:ဏာကဵု ဗီုပြၚ် သ္ဂောံကေတ်အဆက် ကေုာံ သ္ဂောံလုပ်စိုပ်ပ္ဍဲဗော်ပိုဲကီုရောၚ် ကဵုဏာသမ္တီရ။

သွာၚ်လလောၚ်တြ:ပရိုၚ်

ဗော်ဍုၚ်မန်တၟိ (ဗ္တိုက်သရိုဟ်တၠအဝဵုပၞာန်)

NMSP (AD) Info