လလောၚ်တြး_ကော်ဘိက်အ္စာဘာမန်

 #လလောၚ်တြး_ကော်ဘိက်အ္စာဘာမန်၊ (၂၉.၁၂.၂၃)

#ဘာကောန်ဂကူမန်_အဆံၚ်တန်သၠုၚ် နူကဵုအဓိပတိ(မန်)ကမ္ပနီ မဒက်ပတန်လဝ်ဂှ် သ္ပပတံနူကဵု သၞာံဗ္တောန်ပညာ(၂၀၂၄−၂၀၂၅)ဝွံတုဲ စပံက်အာဘာ ဗ္တောန်အာပညာရောၚ်၊ ဘာကောန်ဂကူမန် အဆံၚ်တန်သၠုၚ် မပံက်ဗ္တောန်အာပညာလၟုဟ်ဝွံ ပတဝ်လဝ်ဂၠံၚ်တရဴ ရန်တၟံကဵုပရေၚ်ပညာသ္ဇိုၚ် ကောန်ၚာ်ကွးဘာမန် မၞုံတန်တဴဒၟံၚ်လ္တူဍုၚ်ကီု သီုကဵုနူကွာန်ရးဌာန် ဇမ္ၚောဲဂမၠိုၚ် သ္ဂောံဒှ်သၟတ်မန်အနာဂတ် မစိုန်သကီုတဴကဵုအစောန်စရာဲဍာ်ဒ္ကေဝ်  စွံတၚ်ဗွဲမဇြိုဟ် နက်တုဲ ဒက်ပတန်ဖန်ဇန်လဝ်မဒှ်ရ။ 

အ္စာဘာသွက်သ္ဂောံဗ္တောန်အာပညာ ပ္ဍဲဘာကောန်ဂကူမန်အဆံၚ်တန်သၠုၚ်ဂှ် နွံပၟိက်ဒၟံၚ် ကဵု အ္စာဘာမဍိုက်ပေၚ်တဴကဵုဍာ်ဒ္ကေဝ် အ္စာဘာခိုဟ်ဟ်တံဂှ် သွက်သ္ဂောံခါန်ကၞက် အပ်ပြာပ်အာ တာလျိုၚ်ရောၚ်၊ ဟိုတ်ဂှ်ရ ညးစိုတ်လုပ်စကဵု ကမၠောန်အ္စာဘာဂမၠိုၚ် အတိုၚ်ဗၞတ်ဗ္ၜတ်စရာဲ ဍာ်ဒ္ကေဝ်မကိတ်ညဳကဵု တၚ်နၚ်ဗွဲသၟဝ်ဝွံ ဆက်စၠောံအာတ်မိက် ပတိုန်ထ္ၜးနၚ်မာန်ရ။ ကုညး မအာတ်မိက် ပတိုန်ထ္ၜးနၚ်လဝ်တံဂှ် ဆဵုဂဗသၟာန်သွဟ်အာတုဲ ဗီုဂပ်ဝ်ဒးရးဂှ် ရေၚ်တၠုၚ်အာ ကဵုရောၚ်ဂှ် ဗွဲရှေ်သှေ်ရဴဂဴ လလောၚ်တြးကဵုဏာသမ္တီရ။ 

တၚ်နၚ်ဗၞတ်ဗ္ၜတ်စရာဲဍာ်ဒ္ကေဝ် − 

အ္စာဘာ ညးစိုတ်မလုပ်စ သွက်ဂွံဗ္တောန်လိက် ပ္ဍဲဘာတန်သၠုၚ် အဓိပတိ(မန်)တံဝွံ −

(၁) ညးစိုတ်မလုပ်စ ပ္ဍဲအရာဗ္တောန်လိက် ကေုာံ အုပ်ဓုပ်ကောပ်ကာဲ ကွးဘာတအ် ဒးဒှ်ရောၚ်၊

(၂) ညးမကလိဂွံလဝ် တဆိပ်ကြာဒဳဂရဳ နူဘာကောန်ဂကူမန်/ ဘာအလဵုအသဳ/ ဂကောံပရေင်ပညာ အောန်အိုတ် ဒးနွံမွဲမွဲရောၚ်၊

(၃) ညးမကေင်ယိုက်ဂေၠၚ်လဝ်တာလျိုၚ် ပ္ဍဲဘာကောန်ဂကူမန်/ ပ္ဍဲဘာတန်အလဵု အသဳ/ ပ္ဍဲဌာနပရေၚ်ပညာကောန်ဂကူမန် အောန်အိုတ်(၃)သၞာံ ဒးနွံရောၚ်၊

(၄) ယဝ်ဒှ်အ္စာဘာမန်မ္ဂး ဒးဒှ်ညးမဒေါံဇူလဝ်ဗ္တောန်လိက် နူဘာကောန်ဂကူမန် အောန်အိုတ် ပွိုၚ်(၆)ဂိတု ဒးဒှ်ရောၚ်၊

(၅) ညးမဗပေင် Form တအ်ဝွံ လိက်ထံက်ဂလာန် (နူဂကောံမွဲမွဲ) မ္ဒးတောဲပ္တိုန် နၚ်ရောၚ်။

(၆) ရံင်အာကုဵ ဍာ်ဒ္ကေဝ်ပညာ ကေုာံ ပရေၚ်ဆဵုဂဗကမၠောန်တုဲ ချပ်ဇန်သဳကၠဳအာ တာလျိုၚ်/စရိတ်သြန်ဂိတုတံဒှ်ရောၚ်။ 

တ္ၚဲကၟာတ် Form  ကော်အ္စာဘာ −

စၟတ်တ္ၚဲ − ၂၀၊ ၁၊ ၂၀၂၄၊ 

အခိင် - ၅.၀၀ နာဍီ သဝ်တ္ၚဲ လက္တရဴအိုတ် မ္ဒးပလံၚ်ဗစိုပ်နၚ်ရောၚ်၊ 

ကေတ်အဆက် −  Dr. အံၚ်နာၚ်ဥူ  (၀၉ ၆၅၀၉၀၉၀၀၀)

− မိနန်ဒရု  (၀၉ ၄၀၁၅၆၃၄၆၅)

အဓိပတိ(မန်) Com. Ltd.

ဂၞန်သ္ၚိ(၅၀၁)၊ ဂၠံၚ်ဇေၞာ်သၟဝ်၊ အရာပ်ပါန်ဗေဝ်တာန်(ပန်းဘဲတန်း)၊ ဍုၚ်မတ်မလီု

https://www.facebook.com/permalink.php?story_fbid=122100455816166406&id=61554992190437

Mon forge their own path in Myanmar's civil war

 https://asia.nikkei.com/Life-Arts/Life/Mon-forge-their-own-path-in-Myanmar-s-civil-war?fbclid=IwAR1dqiC-0AYruL3ge2RFAbskepnQMhl3BUx594x_LtYvANeibSUcgFac3_k_aem_AfVKW0tz8VY0W8yvG3jKjOzpG-8Siv0EZctmCaU8KV2LvGEMKD0sVzoHP8pMU-MAt4w

လိက်သဝဏ် ဗော်ဍုင်မန်တၟိ ပလံင်ဗစိုပ် သွက်တ္ရဲသၟတ်မန် အလန် (၁၂) ဝါ

 

သဘင်သဳကၠဳဗော်ဍုင်မန်တၟိ အလန် (၁၁) ဝါ တ္ရဲဒုတိယ

 သဘင်သဳကၠဳဗော်ဍုင်မန်တၟိ အလန် (၁၁) ဝါ တ္ရဲဒုတိယ

ပရိုင်ဍုင်မန်တၟိ၊ ဒဳဇြေမ်ဗါ ၂၆၊ ၂၀၂၃။

တ္ရဲဏအ် (ဒဳဇြေမ်ဗါ စၟတ်တ္ရဲ ၂၆) ဂှ် ဆက်ကၠောန်ဗဒှ် သဘင်သဳကၠဳဗော်ဍုင်မန်တၟိ အလန် (၁၁) ဝါ နဒဒှ်တ္ရဲဒုတိယ တုဲဒှ်အာရ။ အပ္ဍဲပွိုင်မွဲတ္ရဲဝွံ ဒုင်သ္ဇိုင်ကဵု လိက်ဒုင်စဳရေင် ကမ္မတဳဗဟဵု မပ္တိုန်ထ္ၜးလဝ် ဆက်စပ်ကဵုအကာဲအရာဂၠးကဝ်၊ အကာဲအရာ ဍုင်ဇိုင်ဝုဟ်ဒိုဟ် ကေုာံ အကာဲအရာအပ္ဍဲဍုင် နူတဏေအ်တေံဂှ်တုဲ ညးစၞး၊ ညးလ္ရတ် မတိုန်စိုပ်သဘင်သဳကၠဳဂမၠိုင် သဳကၠဳနုက်၊ ဗပေင်၊ ထံက်ထ္ၜး၊ ကဵုကသပ် ဗွဲမသၠးပွးရ။

ပ္ဍဲတ္ရဲဒုတိယဝွံ ဥက္ကဌဗဟဵု နာဲဟံသာ၊ ဒုဥက္ကဌ နာဲအံင်မေန် ဆက်ရေင်တၠုင်ဏာ နဒဒှ်ဂကောံသဘာပတိတုဲ ညးစၞးကောန်ဗော် (၁၀၆) တၠ၊ ညးစၞးကောန်ဗော်ဗွိုင်မ္ရး (၁၀) တၠ ကေုာံ ညးကဵုကသပ် (၁) တၠ၊ ညးလ္ရတ် (၃၁) တၠ တိုန်စိုပ်လဝ်ရ။

စကၠောန်ဗဒှ် သဘင်သဳကၠဳဗော်ဍုင်မန်တၟိ အလန် (၁၁) ဝါ ပ္ဍဲဗ္ဒိုပ်လုပ်ဍုင်

 

ဌာန်ပရိုင်ဍုင်မန်တၟိ၊ ဒဳဇြေမ်ဗါ ၂၅၊ ၂၀၂၃။

သဘင်သဳကၠဳဗော်ဍုင်မန်တၟိ အလန် (၁၁) ဝါဂှ် တ္ရဲဏအ် (ဒဳဇြေမ်ဗါ စၟတ်တ္ရဲ ၂၅) စကၠောန်ဗဒှ်ဏာ ပ္ဍဲဌာန်ဂအုပ်ဗဟဵု၊ ဗ္ဒိုပ်လုပ်ဍုင်ရ။

ပ္ဍဲတ္ရဲပံက်အသေအဟာန် စကၠောန်ဗဒှ်သဘင်သဳကၠဳ ဗော်ဍုင်မန်တၟိ အလန် (၁၁) ဝါဝွံ ဥက္ကဌဗဟဵု နာဲဟံသာ၊ ဒုဥက္ကဌ နာဲအံင်မေန် ကေုာံ ကျာ်ဇၞော်အ္စာ ပုပ္ဖရမ္မ (ထပိုယ်ဍောတ်)၊ ကျာ်ဇၞော်အ္စာ ပညိန္ဒ (ဘာဓါတုမာလာ၊ ဍုင်မတ်မလီု)၊ ကျာ်ဇၞော်သူရဳယျ (သုဘာန်)၊ ကျာ်ဇၞော်အ္စာ သဳဟ (တၠဂုဏ်ချေတ်)၊ တၠဂုဏ်အ္စာအဇ္ဇ၊ ကျာ်ဇၞော် မေဓိယ (စၞးသင်သၟတ်)၊ တၠဂုဏ်သုဇန (စၞးသၟတ်) တအ် ရေင်တၠုင်ဏာ နဒဒှ်ဂကောံသဘာပတိတုဲ ညးအုပ်ကာနာနာ ဗဟဵု နာဲဇဲယ ကေုာံ ဖက်ဆောညးအုပ်ကာ နာဲဝေန်လှတအ် ကေတ်တာလျိုင် နဒဒှ် လျိုင်အသေအဟာန်ရ။

ပ္ဍဲကဵုအစဳဇန် အခိင်ဖါနူဂယးဂှ် နူကဵုဂကောံသဘာပတိ ဥက္ကဌဗဟဵု နာဲဟံသာ၊ ကျာ်ဇၞော်အ္စာပုပ္ဖရမ္မ (ထပိုယ်ဍောတ်)၊ ကျာ်ဇၞော်အ္စာ သူရဳယျ (သုဘာန်) ကေုာံ ကျာ်ဇၞော်အ္စာပညိန္ဒ (ဘာဓာတုမာလာ၊ ဍုင်မတ်မလီု) တအ် ဟီုဂလာန်တုဲ အစဳဇန် ပယျာံသဝ်တ္ရဲဂှ် ညးစၞးတိုန်စိုပ်ဂမၠိုင် ဗှ်ဏာလိက်စၟတ်သမ္တီ သဘင်သဳကၠဳဗော်တုဲကၠုင်တေံကီု၊ ပ္တိုန်ထ္ၜးလိက်ဒုင်စဳရေင် ကမ္မတဳဗဟဵုကီု သီုဖ္အိုတ် ကၠောန်သ္ပဏာ အစဳဇန် (၉) တင်ရ။

သဘင်သဳကၠဳဗော်ဍုင်မန်တၟိ အလန် (၁၁) ဝါဝွံ ညးစၞးကောန်ဗော် (၁၀၅) တၠ၊ ညးစၞးကောန်ဗော်ဗွိုင်မ္ရး (၉) တၠ၊ ညးကဵုကသပ် (၁၀) တၠ ကေုာံ ညးလ္ရတ် (၂၈) တၠ အပံင်ဖ္အိုတ် (၁၅၂) တၠ တိုန်စိုပ်လဝ်ရ။

#ပေဲါပၞာန်ရုယှာကဵုယူခရိန်ဂှ်​ ဍေံဆက်စပ်ကဵုအနာဂတ်ဍုၚ်ဗၟာသာ်လဵုရော

#ပေဲါပၞာန်ရုယှာကဵုယူခရိန်ဂှ်​ ဍေံဆက်စပ်ကဵုအနာဂတ်ဍုၚ်ဗၟာသာ်လဵုရော

ပေဲါပၞာန်ရုယှာကဵုယူခရိန်ဂှ် နူကဵုတံဝါဒိတေံ ဒှ်ပေဲါပၞာန် ပၠံၚ်တိဍာ်ရောၚ် ဗွဲယေဘုယျ ဟီုဂွံရ၊ ဆဂး လက်ကရဴဏံ ဟိုတ်နူပရေၚ်ရီုဗၚ်ထံက်ပၚ်နကဵုလွဟ်လက်နက်ဂတာပ်ခေတ်၊ကွတ်ပညာပၞာန် နူကဵုဂကောံနာတဝ်ကီု သီုကဵုဂကောံဍုၚ်ယူရောပ်ကေုာံ မဟာမိတ်ယူခရိန်တံကီုတုဲ ဍေံပြံၚ်လှာဲ ဒှ်အာပေဲါပၞာန် ပြိုၚ်ပ္ကာန်ဝါဒကွေတ်ဒဳမဝ်ကရေဇြဳကဵု ကွေတ်ကောန်မျူနေတ်၊သဵုရှေဝ်လေတ်၊တၠအဝဵုတံရ၊ ဟီုမွဲနဲပၠန်ဂှ် ဒှ်အာပေဲါပၞာန်ပြိုၚ်ပ္ကာန်ဇြဟတ် အကြာဍုၚ်မဟာအဝဵုဂၠးကဝ်တံရ၊

အခိၚ်လၟုဟ်မ္ဂး ရုပ်ရဴဍေံ သာတုဲ မံက်တိတ်ကၠုၚ် ဗွဲမကၠးဖ္ဍးရ၊ ရုယှာ၊ကြုက်၊ကဝ်ရဳယျာသၟဝ်ကျာ၊အဳရာန်ကေုာံဍုၚ်ကောန်မျူနေတ်လ္ၚဵုကေုာံဍုၚ်ဆက်ဆောံမံၚ်ကဵုရုယှာနကဵုပရေၚ်ပၞာန်၊ ပိုန်ဂြပ် ညံၚ်ရဴ ဗေလ်လာရု၊ ဍုၚ်ဗၟာ၊ သဳရဳယျာ၊ မာလဳ တံဂှ် ဒှ်ဍုၚ်ထံက်ဂလာန်၊ ဒှ်ဍုၚ်စဵုဒၞာမံၚ်ပြဝရုယှာတံရ၊

မုဟိုတ်ရော ဟီုမဂး အခိၚ်စုတ်မာဲ ပ္ဍဲကုလသမဂ္ဂ ဒိတ္ထဳ ( ဖေဖဝ်ဝါရဳ ၂၃၊၂၀၂၃ ) ဖ္တိုက်ဖအောဝ် ရုယှာ ညံၚ်ဂွံရုပ်ပၞာန် တိတ်နူဍုၚ်ယူခရိန်ဂှ် ဍုၚ်ထံက်ဂလာန် (၁၄၁)ဍုၚ်၊ ဍုၚ်ဒစဵုဒစး (၇) ဍုၚ်၊ ဍုၚ်ဟွံစုတ်မာဲ (၃၂) ဍုၚ် နွံကၠုၚ်ရ၊ ပ္ဍဲဂှ် နကဵုဍုၚ်ဗၟာဂှ် စုတ်မာဲ ထံက်ဂလာန်ဂးကီုလေဝ် မၞိဟ်စၞးနူအလဵုအသဳပၞာန်ဟွံသေၚ်တုဲ နူကဵုအလဵုအသဳပၞာန်ဗၟာတံဂှ် ညးတံဟီုလဝ်မ္ဂး ရုယှာတံ စဵုဒၞာမံၚ်စၟိန်ပြမာန်ဍုၚ်ညးတံရောၚ် ဂးလဝ်တုဲ အလဵုအသဳဗၟာ ဂွံလဝ်အဝဵုလၟုဟ်ဏံဂှ် ဒှ်ဍုၚ်ထံက်ဂလာန်ကဵုရုယှာရောၚ်ဂှ် ညးတံပၠောပ်လဝ်စရၚ်ရ၊ ညးတံ ချူစၟတ်သမ္တီလဝ် ပ္ဍဲလိက်ပရိုၚ် Kyiv Post အတိုၚ်သၟဝ်ဝွံရ ( https://www.kyivpost.com/post/13208

( Myanmar

Elsewhere in the world, Myanmar’s military junta, which overthrew a democratically elected government two years ago, supports Russia, which it has said was “acting to protect its sovereignty,” and praised Russia’s role in “balancing global power.” )

အကြာဂှ် ဍုၚ်မဒုၚ်ယၟု မံၚ်လဒေါဝ်တုဲ ပ္တိတ်မံၚ်ပရဲ စပ်ကဵုပရေၚ်ပိုန်ဂြပ်ဂှ် ဒှ်ဍုၚ်ဂလာအိန္ဒိယျ၊ ဍုၚ်ကြုက်တံရ၊ ဍုၚ်ဂလာအိန္ဒိယျဂှ် ဒှ်ဍုၚ်ရာန်မံၚ်လွဟ်လက်နက်နူရုယှာ အခိၚ်ကၠာပေဲါပၞာန်ယူခရိန်ရ၊ အခိၚ်ပေဲါပၞာန်ဒှ်မံၚ်ဏံဂှ် ဍုၚ်ပလိုတ်ကဵုအမေရိကာန်တံ ကၟာတ်လဒဵုကၠေၚ်ရုယှာတုဲ ဂလာန်အိန္ဒိယျတံ ရာန်ကၠေၚ်နူရုယှာဂၠိုၚ်အိုတ်မွဲရ၊ ဍုၚ်ကြုက်လေဝ် ရာန်ဂလိုၚ်ပ္တိုန်ကၠေၚ်ရုယှာကီုရ၊ ဣဏံဂှ် ဒှ်ကဵုဇြဟတ်ကုရုယှာမွဲနဲမွဲဗီုကီုရ၊ လက်ကရဴဏံပၠန် ကပေါတ်လွဟ်စကာဍာန်အကာသ နူရုယှာ သွံကဵုလဝ်အိန္ဒိယျကီု၊ ဍုၚ်ဗၟာတံကီုဂှ် ရုယှာတံ ကလေၚ်အာတ်မိက်ကေတ်တုဲ ဒးကလေၚ်ကဵုဏာရောၚ် ပရိုၚ်လ္ၚဵုတံ ချူလဝ်နွံရ၊

ပေဲါပၞာန်ရုယှာကဵုယူခရိန်ဂှ် လၟုဟ်မ္ဂး ဍေံဂံါလုပ် ( ၁၉ ) ဂိတုရ၊ ရုယှာကီု ယူခရိန်ကီု သီုၜါလ္ပာ် ကြပ်အိုတ်ဍာ်ကွေံကွေံရ၊ နကဵုရုယှာဂှ် အဓိက ဒးကေတ်မံၚ်အရီုအဗၚ်လွဟ်လက်နက်နူဍုၚ်ကဝ်ရဳယျာသၟဝ်ကျာကဵုအဳရာန်တံ နွံမံၚ်ရောၚ် ဂှ် အမေရိကာန် ဟီုဂးလဝ်ရ၊ နူကဵုဂိတု ဂျူလာၚ်ဂှ် ဝန်စဵုဒၞာ ရုယှာ ယှိုဲဂူ အာစိုပ်လဝ် ဍုၚ်ကဝ်ရဳယျာသၟဝ်ကျာတုဲ တက်ကျာသဳကၠဳလဝ် ပရေၚ်သွံရာန်လွဟ်ကဵုရုယှာနွံရောၚ်ဂးရ၊ ယဝ်ခါရ ကဝ်ရဳယျာသၟဝ်ကျာ သွံလွဟ်ကဵုရုယှာမ္ဂး ဍုၚ်ကဝ်ရဳယျာသၟဝ်ကျာ ဒးဒုၚ်စသိုၚ်ဖဵုအဆက်ဍေံဏောၚ်ဂှ် နူကဵုညးကဵုကသပ်ဂီုကၠီုကောန်ဂကူ သ္ၚိသမ္မတ Jake Sullivan ဟီုလဝ်နူကနေံတေံရ၊ အကြာဏံ ပ္ဍဲဂိတုဏံလေဝ် ဍိုပ်သ္ကိုပ် ကဝ်ရဳယျာသၟဝ်ကျာ ကေမ်ကျုၚ် အာန် သွက်ဂွံအာရုယှာနွံမံၚ်ရောၚ်ဂှ် ပရိုၚ်တိတ်မံၚ်ရ၊ ညးဒှ်အာမ္ဂး သွက်ဂွံတက်ကျာ ပရေၚ်သွံရာန်လွဟ် ဒှ်မာန်ရောၚ်ဂးလဝ်ရ၊

ပေဲါပၞာန်ရုယှာကဵုယူခရိန်ဏံဂှ် ယဝ်ခါရ ရုယှာကျမ္ဂး ဍုၚ်ရုယှာမွဲဓဝ် ကျဟွံသေၚ်၊ ဗွဲတၟေၚ် ဍုၚ်မဟာမိတ်ရုယှာတံကီု၊ ဍုၚ်ရပ်လဝ်ကွေတ်ဝါဒကောန်မျူနေတ်တံကီု၊ ဍုၚ်မဆက်ဆောံမံၚ်ကဵုရုယှာနကဵုပရေၚ်ပၞာန် မပ္တံရာန်လွဟ်လက်နက်ကီု၊ နဲကဲပညာစပ်ကဵုကၠောန်ပ္တိတ်ကပေါတ်ပၞာန်ကီု တံဂှ်လေဝ် ဒးကျအာဖအိုတ်ရ၊ ပ္ဍဲဂှ်မ္ဂး ဍုၚ်ဗၟာလေဝ် ပါမွဲဍုၚ်ကီုရ၊

ယဝ်ခါရ ယူခရိန်ကျမ္ဂး ဍုၚ်ရပ်လဝ်ကွေတ်ဝါဒဒဳမဝ်ကရေဇြဳတံကီု၊ ဍုၚ်မဟာမိတ်ဂကောံဍုၚ်ယူရောပ်ကေုာံအမေရိကာန်ကီု၊ ဍုၚ်မပဓာန်စမံၚ် အမေရိကာန်ကဵုနာတဝ်တံကီု အသိၚ်ဍိုန်လျစှ်ေမာန်တုဲ ကြုက်၊ ရုယှာ ကေုာံ ကောန်ရဲတဝ်သွာညးတံ ကေတ်အာဒၞာဲ ပရေၚ်ပိုန်ဂြပ်၊ ပရေၚ်ကွတ်ပညာ၊ ပရေၚ်ပၞာန် လ္တူဂၠးကဝ်ဏံမာန်ရ၊ အလဵုအသဳပၞာန်ဗၟာတံလေဝ် ဒှ်ကၠုၚ်ဇြဟတ်စိုတ် (မာနပၞာန်တဴတိုန် ညံၚ်ရဴဇၞောဝ်အလာံ) တုဲ သၠိုၚ်ပ္တိုန်အသိၚ်ပေဲါဗ္တိုက် ဂြးရဲဂကောံပၠန်ဂတးတံ ဒှ်မာန်ရ၊

ယဝ်ခါရ ရုယှာကျမ္ဂး သွက်ဍုၚ်မန်ဗၟာပိုဲဂှ် နကဵုအလဵုအသဳပၞာန် မအလ ဍေံတံ ပဓာန်မံၚ်ကဵုရုယှာ နကဵုက္ၜၚ်ကျာပၞာန်၊လွဟ်လက်နက်ကီု၊ ပညာစပ်ကဵုကၠောန်ပ္တိတ်ကပေါတ်လွဟ်လက်နက်ကီု နွံမံၚ်ၜိုတ်ထေက်ကြိုက်တုဲ ဇြဟတ်ဍိုန်လျစှ်ေမာန်ရ၊ မွဲသာ်ပၠန်ဂှ် ရုယှာစှ်ေမ္ဂး သွက်ဂွံကဵုစဵုဒၞာ အလဵုအသဳပၞာန်ဗၟာ ပ္ဍဲမုက်ပၞာန်ကလုတ်တမာန်ဂှ်လေဝ် ဍေံယအ်စှ်ေအာမာန်ရ၊ မွဲလ္ပာ်ပၠန်ဂှ် ပရေၚ်ကၟာတ်လဒဵုပိုန်ဂြပ်၊ လှာဲဂတးဩန်ဒဝ်ဠာ၊ သွံရာန်လွဟ်လက်နက်၊ ပလံၚ်ကၠေၚ်က္ၜၚ်ကျာကဵု အလဵုအသဳပၞာန်မအလတံဂှ်လေဝ် နူကဵုဂကောံဍုၚ်ပလိုတ်၊ အမေရိကာန်တံ အာဍိုပ်တုဲ ကၠောန်သ္ပမံၚ်ဂှ် အသိၚ်ဍေံခိုဟ်ကၠုၚ်၊ လမျီုဍေံလုပ်ကၠုၚ်ဒှ်မာန်ရ၊ အဓိကဇၞော်အိုတ်ဂှ် အလဵုအသဳပၞာန်မအလတံ စိုတ်ဓါတ်စှ်ေ ညံၚ်ရဴတိုၚ်ပၞာၚ်ဒးလျးပၟတ် ဍေံပွံက်စှ်ေအောန်ကဵုဂၠိုၚ် ဒှ်ကၠုၚ်မာန်တုဲ အခိၚ်ဂှ်မ္ဂး လ္ပာ်ရဲပၠန်ဂတးတံ စိုတ်ဓါတ်ဗ္တိုက်ပၞာန်လှုၚ်တိုန်ကၠုၚ်မာန်ရ၊ ပၞာန်ဟီုဂှ် စိုတ်ဓါတ်စှ်ေအာဗက်ဏံဂှ် ကျလဝ်တုဲတုဲမံၚ်ရ၊ သွက်ဂွံဒးပသတိမွဲသာ်ဂှ် အခိၚ်ရုယှာကျဂှ် ယဝ်ရ ဂလာအိန္ဒိယျကဵုကြုက်တံ လုပ်ထံက်ပ္တိုန်ပၠန်မ္ဂး အလဵုအသဳမအလတံ အယုက်ဂၠိၚ် သၞိၚ်သ္ၚောဲတုဲ ပေဲါအံၚ်ဇၞးရဲပၠန်ဂတးတံဂှ် ဒှ်အခက်အခုဲ စဵုကဵုစိုပ်အာက္ဆံၚ်ဂြုဲဂြးစှ်ေလေဝ် ဒှ်မာန်ရောၚ်၊

ပေဲါပၞာန်ဟီုဂှ် အခိၚ်လဵုစဗ္တိုက်၊ အခိၚ်လဵုစဗဒှ် ညးမဗ္တိုက်တံ တီကေတ်မာန်ကီုလေဝ် အခိၚ်လဵုဒေံါ၊ အခိၚ်လဵုတုဲဂှ် ဟီုဗွဲချိုတ်ပၠိုတ်ဟွံဒးရ၊ ပေဲါပၞာန်ရုယှာကဵုယူခရိန်ဏံဂှ် ညးဂှ် ဇၞး၊ ညးဂှ်ကျ၊ မွဲဟွံကျ မွဲဟွံဇၞး တုပ်သရေဟာဂှ်လေဝ် ကုတ်ယတိတုဲ ဟီုလဴဟွံဒးဏီရ၊ အနာဂတ်ဂှ် ပဲါနူကျာ်အရှန်တံတုဲ ပိုဲပုထုဇန်ဓမ္မတာတံ ဂြၚ်တီကေတ်ဟွံမာန်ရ၊ သွက်ပိုဲဂွံတီဂှ် အခိၚ်မွဲဟေၚ် ဟီုလဴကဵုမာန်ရ၊ ဆက်တုဲ မၚ်ဗဵုအာပၠန်ရောၚ်။

ဗညာထဝ်ဝၚ် ချူပ္တိန်ထ္ၜးလဝ်ရောၚ်

ဘာပ္ကတ်ပ္ကေၚ်မောံမာန် တံဒပ်လၟိဟ် (၁) ခရိုၚ်မတ်မလီု အာစိုပ်ဒတုဲ

ဘာပ္ကတ်ပ္ကေၚ်မောံမာန် တံဒပ်လၟိဟ် (၁) ခရိုၚ်မတ်မလီု အာစိုပ်ဒတုဲ

------------------------------------------------------

ပရိုၚ်ဍုၚ်မန်တၟိ ၊ ၈ သေပ်တေန်ဗာ ၊ ၂၀၂၃။

ဘာပ္ကတ်ပ္ကေၚ်မောံမာန် တံဒပ် လၟိဟ် (၁) ခရိုၚ်မတ်မလီု အလန်ကၠာအိုတ် သွက်သၞာံ ၂၀၂၃ ဂှ် ပ္ဍဲတ္ၚဲဏအ် ဂိတုသပ်တေန်ဗာ (၈) ဂှ် အာစိုပ်ဒတုဲတုဲကၠောန်သ္ပကၠုၚ် အခန်ကၞာဖျေံဘာရ။

"အဓိက ဒုၚ်သ္ဇိုၚ်ကု လိက်ကၞပ် ဒပ်ပကတ်ပကေၚ် ပတိတ်လဝ်ဂှ်တုဲဂှ်ရ ဗ္တောန်ကၠုၚ်ဘာ မောံမာန်ကု ကောန်ပၞာန်တအ် ပွိၚ် (၁၄) တ္ၚဲ မဒှ်ရ" သာ်ဝွံ ဒုသ္ကိုပ်တံဒပ် လၟိုဟ် (၁) ခရိုၚ်မတ်မလီု ဟီုလဴကု ဌာန်ပရိုၚ် ဍုၚ်မန်တၟိရ။

ပ္ဍဲဘာပ္ကတ်ပ္ကေၚ်မောံမာန်ဏအ်ဂှ် နူကဆံၚ်သဂံၚ် ဒဵုစိုပ် အကြာပ်ဇၞော် အပံၚ် ကောန်တန်ဗ္တောန် (၆၈) တၠ ဒးတိုန်စိုပ် ကတ်လ္ၚတ်ကၠုၚ်ကီုရ။

ဘာပ္ကတ်ပ္ကေၚ်မောံမာန်ဏအ် စပတမ်နူ စၟတ်တ္ၚဲ (၂၈) ဂိတု အဝ်ဂေတ်ဂှ် စပံက်ဗ္တောန်ကၠုၚ်တုဲ ဒဵုစိုပ် ဂိတု သေပ်တေန်ဗာ (၈) ဂှ် တန်ဗ္တောန် အာစိုပ် ဒတုဲ ကၠောန်သ္ပကၠုၚ် အခန်ကၞာစှ်ေဘာ ပ္ဍဲဌာန်ဂအုပ် ခရိုၚ်မတ်မလီု မဒှ်ရ။