သဘင်သဳကၠဳဗော်ဍုင်မန်တၟိ အလန် (၁၁) ဝါ တ္ရဲဒုတိယ
ပရိုင်ဍုင်မန်တၟိ၊ ဒဳဇြေမ်ဗါ ၂၆၊ ၂၀၂၃။
တ္ရဲဏအ် (ဒဳဇြေမ်ဗါ စၟတ်တ္ရဲ ၂၆) ဂှ် ဆက်ကၠောန်ဗဒှ် သဘင်သဳကၠဳဗော်ဍုင်မန်တၟိ အလန် (၁၁) ဝါ နဒဒှ်တ္ရဲဒုတိယ တုဲဒှ်အာရ။ အပ္ဍဲပွိုင်မွဲတ္ရဲဝွံ ဒုင်သ္ဇိုင်ကဵု လိက်ဒုင်စဳရေင် ကမ္မတဳဗဟဵု မပ္တိုန်ထ္ၜးလဝ် ဆက်စပ်ကဵုအကာဲအရာဂၠးကဝ်၊ အကာဲအရာ ဍုင်ဇိုင်ဝုဟ်ဒိုဟ် ကေုာံ အကာဲအရာအပ္ဍဲဍုင် နူတဏေအ်တေံဂှ်တုဲ ညးစၞး၊ ညးလ္ရတ် မတိုန်စိုပ်သဘင်သဳကၠဳဂမၠိုင် သဳကၠဳနုက်၊ ဗပေင်၊ ထံက်ထ္ၜး၊ ကဵုကသပ် ဗွဲမသၠးပွးရ။
ပ္ဍဲတ္ရဲဒုတိယဝွံ ဥက္ကဌဗဟဵု နာဲဟံသာ၊ ဒုဥက္ကဌ နာဲအံင်မေန် ဆက်ရေင်တၠုင်ဏာ နဒဒှ်ဂကောံသဘာပတိတုဲ ညးစၞးကောန်ဗော် (၁၀၆) တၠ၊ ညးစၞးကောန်ဗော်ဗွိုင်မ္ရး (၁၀) တၠ ကေုာံ ညးကဵုကသပ် (၁) တၠ၊ ညးလ္ရတ် (၃၁) တၠ တိုန်စိုပ်လဝ်ရ။
No comments:
Post a Comment