အသေအဟာန် ပ္တိုန်ဂုဏ်စရာဲ ပအပ်ပြာပ်ဇိုန်ဏှၚ် တဆိပ်ကြာ "ဝဳရဟံသာ" ကုဥက္ကဋ္ဌဇၞော်ဂုဏ်တၟေၚ် ဗော်ဍုၚ်မန်တၟိ နာဲထဝ်မန်

အသေအဟာန် ပ္တိုန်ဂုဏ်စရာဲ ပအပ်ပြာပ်ဇိုန်ဏှၚ်

တဆိပ်ကြာ "ဝဳရဟံသာ" ကုဥက္ကဋ္ဌဇၞော်ဂုဏ်တၟေၚ် ဗော်ဍုၚ်မန်တၟိ နာဲထဝ်မန်

၁၃၈၃သၞာံ ဂိတုဝှ်(၅)စွေက် (25-10-2021) ဂှ် ဒှ်တ္ၚဲစၟတ်သမ္တီ မ္ၚဵုက္တဵုဒှ်မၞိဟ် ဥက္ကဋ္ဌဇၞော်ဂုဏ်တၟေၚ် နာဲထဝ်မန် အာယုက်ဂါမ်လုပ်(၇၆)သၞာံရ ပ္ဍဲတ္ၚဲမ္ၚဵုဒှ်မၞိဟ်ညးဝွံ ဂကောံထံက်ပၚ်ဗော်ဍုၚ်မန်တၟိ နူဍုၚ်သ္အာၚ်ဂမၠိုၚ်ကီု သီုကဵုဂကောံမှာဇန်မန်ဂမၠိုၚ် နူဍုၚ်သေံတံ ကသေံကၟဝ်ဆဝ်ဗ္ၚုဟ်တုဲ ကၠောန်ဗဒှ်အစဳဇန် ပတိုန်ဂုဏ်စရာဲ ကုဥက္ကဋ္ဌဇၞော်ဂုဏ်တၟေၚ် နာဲထဝ်မန် နကဵုတဆိပ်ကြာ ဝဳရဟံသာဏံ ပ္ဍဲသ္ၚိညး ကွာန်ဝၚ်္ကရောၚ်

နူဂကောံကၠောန်ဗဒှ်ပတိုန်ဂုဏ်စရာဲတံ အာတ်မိက်နၚ် အရီုအဗၚ်တရဴအအာ သွက်ဂွံအပ်ပြာပ်တဆိပ်ကြာ နွံရ ဟိုတ်ဂှ်ရ နူကပ္ပိယတရဴအအာ နာဲဇြဟတ်မန် နာဲတိုက်ထဝ် မိနန်ထဝ်တံ သ္ပစၞးညးဂမၠိုၚ်တုဲ မ္ဒးအပ်ပြာပ်ကဵု တဆိပ်ကြာဝဳရဟံသာ ကုဥက္ကဋ္ဌဇၞော်ဂုဏ်တၟေၚ် နာဲထဝ်မန်ရ သာဓု မုဒိတာ

ဂကောံကၠောန်ဗဒှ်ပတိုန်ဂုဏ်စရာဲတံကီု ညးတၠဒါန်တံကီု ညးဒၟုၚ်ဒါန်တံကီု သီုကဵုအလုံကောန်ဂကူမန်ပိုဲ ယဲဘဲကဵုလာဲလေၚ် ကဵုဍိုက်ပေၚ်တသိုက်လၟိုန်ကာလအိုတ်ညိအဴ

https://fb.watch/8Siw_tgG6A/