ဗော်ဍုၚ်မန်တၟိ ကၠောန်သ္ပ ပေါဲချပ်ဓရီု သဳကၠဳကုသၚ်၊ ဗော်ပရေၚ်ဍုၚ်ကွာန်၊ ဂကောံနာနာတအ်
ဌာန်ပရိုၚ်ဍုၚ်မန်တၟိ၊ ဂျူလာၚ် (၁၀) ၊ ၂၀၂၃။
သွက်ဂွံလဴကလး စပ်ကဵု တရဴဗော်ဍုၚ်မန်တၟိ အာဆဵုဂဗလဝ်ကု ကံၚ်ဇြဳပၞာန် ပ္ဍဲနေပျဳဒဝ်တေံကီု ကေုာံ သွက်ဂွံချပ်ဓရီု လၟေၚ်ကမၠောန်ဂကူမန် အဌာန်ဂတတေံကီု ရန်တၟအ်တုဲ ပ္ဍဲစၟတ်တ္ၚဲ ဂျူလာၚ် (၉) ဂှ် ဗော်ဍုၚ်မန်တၟိ သ္ကိုပ်သ္ကတုဲ သီုဗော်ပရေၚ်ဍုၚ်ကွာန်မန် MUP ၊ ညးစၞးခၟဳသၚ် နူဌာန်ဒေသနာနာ ကေုာံ ညးစၞး နူဂကောံနာနာ၊ ညးဘိက်ထေက်တအ်ဂမၠိုၚ် ပါလုပ်တုဲ ကၠောန်သ္ပလဝ် ပေဲါချပ်ဓရီုသဳကၠဳရ။
ပ္ဍဲစၟတ်တ္ၚဲ ဂိတုဂျူလာၚ် (၅) ကေုာံ (၆) ဂှ် ဒုဥက္ကဋ္ဌ နာဲအံၚ်မေန် က္ဍိုက်ပ် ညးစၞး ဗော်ဍုၚ်မန်တၟိ အာဆဵုဂဗလဝ်ကု ကံၚ်ဇြဳပၞာန် ပ္ဍဲနေပျဳဒဝ် နတၚ်ရန်တၟအ် ဂွံလဴကလး စပ်ကဵုတၚ်ဒတူလိုၚ်ဗော်ဍုၚ်မန်တၟိ အတိုၚ်ကောံဓရီုကမ္မတဳ ဗဟဵုဖျေံလဝ် ပ္ဍဲဂိတု ဧပြဳဂှ်တုဲ ကလေၚ်စဴနူဂှ် အပ္ဍဲပွိုၚ် (၂) တ္ၚဲဟေၚ် သွက်ဂွံ လဴကလးကု ခမဳသၚ်၊ ဗော်ပရေၚ်ဍုၚ်ကွာန်မန် ၊ ဂကောံနာနာတအ်မာန်တုဲ ဗွဲမဂတာပ် အခိၚ် ဗော်ဍုၚ်မန်တၟိ ဖန်ကၠောန်ဗဒှ်ပတိုန် ပေါဲချပ်ဓရီု သဳကၠဳဏအ် မဒှ်ကီုရ။
နူသွာၚ် ဗော်ဍုၚ်မန်တၟိဂှ် တၞဟ်နူ ညးမအာဆဵုဂဗလဝ်ကဵု ကံၚ်ဇြဳပၞာန် ပ္ဍဲနေပျဳဒဝ်တေံတုဲ ၊ ညးတာလျိုၚ် နူခရိုၚ်၊ ဌာနပၞာန် ၊ သ္ကိုပ်တံဒပ်တအ် ဂမၠိုၚ်လေဝ် ပါလုပ် တိုန်စိုပ်လဝ် ပ္ဍဲပေါဲသဳကၠဳဏအ် ကီုရ။
ပ္ဍဲပေါဲချပ်ဓရီု သဳကၠဳဏအ် ဗွဲတၟေၚ် စပ်ကဵု တၚ်ဒတူလိုၚ် ကမ္မတဳဗဟဵု ဗော်ဍုၚ်မန်တၟိ ဖျေံလဝ် “ဒေံါဒေၚ် သဳကၠဳ ပရေၚ်ဍုၚ်ကွာန်ကု ကံၚ်ဇြဳပၞာန်” ရောၚ်ဂှ် ဒု-ဥက္ကဋ္ဌ နာဲအံၚ်မေန် သေၚ်ကလး ကၠးကၠးမးမးကု ညးတိုန်စိုပ် ကၠုၚ်တအ်ရ။
ပ္ဍဲမွဲကရောံဂှ် သီုကဵုအခေါၚ်ကု ညးတိုန်စိုပ်တအ် သၟာန်သွဟ် စပ်ကဵု တၚ်နၚ်မိက်ဂွံတီ အကာဲအရာဗော်၊ ပရေၚ်တၟေၚ်ဆ လတူ ပရေၚ်ဍုၚ်ကွာန် ကၟိန်ဍုၚ် ကေုာံ ပရေၚ်ဍုၚ်ကွာန် ကောန်ဂကူမန် ၊ သီုကဵု ညးတာလျိုၚ် ဗော်ဍုၚ်မန်တၟိတအ် သဳကၠဳ သှ်ကလးဏာ သၟာန်ညးတိုန်စိုပ်ဂမၠိုၚ် စပ်ကဵု အကာဲအရာနာနာ ဗော်ဍုၚ်မန်တၟိ သ္ၚဳဂၠိပ်လဝ် အတိုၚ် ကမ္မတဳဗဟဵု ဖျေံလဝ် တၚ်ဒတူလိုၚ်ဗော်ဝွံကီုရ။
ပေါဲချပ်ဓရီု သဳကၠဳ ကေုာံ သၠာဲဂတး တၚ်နၚ် သာ်ဏအ် မွဲဂိတု မွဲဝါ ညံၚ်ဂွံကၠောန်အာကဵု လၟေၚ်ၚ် ကေုာံ ပရေၚ်ချဳဓရာၚ်ဗော် ညးဍုၚ်ကွာန်တအ် ညံၚ်ဂွံတီမာန် သွက်ဂွံ လဴသောၚ်ကလး ပ္ဍဲဒေသတအ်ကီု ၊ ပ္တိတ်ကဵု လလောၚ်ပရိုၚ်ကီုဂှ် ပ္ဍဲပေါဲချပ်ဓရီုသဳကၠဳဏအ် ညးတိုန်စိုပ်တအ် အာတ်မိက်ကၠုၚ် လတူဗော်ဍုၚ်မန်တၟိရ။
No comments:
Post a Comment