ကၠောန်သ္ပအသေအဟာန် စၟတ်သမ္တီဗၟံက်ရုပ်ရဴကမၠောန်ဖောအ်ဗြေဝ်ဒေသအာစိုပ်ဒတုဲ ပ္ဍဲခရိုၚ်သဓီု

ကၠောန်သ္ပအသေအဟာန် စၟတ်သမ္တီဗၟံက်ရုပ်ရဴကမၠောန်ဖောအ်ဗြေဝ်ဒေသအာစိုပ်ဒတုဲ ပ္ဍဲခရိုၚ်သဓီု
=====================================
Feb 10,2022၊ ပရိုင်ဍုင်မန်တၟိ

နကဵုဗော်ဍုၚ်မန်တၟိ စဳဇန်ဗၟံက်လဝ်ရုပ်ရဴကမၠောန်ဖောအ်ဗြေဝ်ဒေသ ပ္ဍဲပွိုၚ်ဍုၚ်ကအ်ကြိက်၊ ခရိုၚ်သဓီု အာစိုပ်ဒတုဲတုဲ တ္ၚဲဏအ် (၁၀/၂/၂၀၂၂) ကၠောန်သ္ပဏာအသေအဟာန် စၟတ်သမ္တီမွဲ ပ္ဍဲဌာန်ဂအုပ်ခရိုၚ်၊ ခရိုၚ်သဓီု ဗော်ဍုၚ်မန်တၟိရ။
နူကဵုအစဳအဇန်ဗော်ဍုၚ်မန်တၟိ ဂွံဗၟံက်လဝ်ရုပ်ရဴဖောအ်ဗြေဝ်ဒေသ ပ္ဍဲပွိုၚ်ဍုၚ်ကအ်ကြိက် ကွာန်ကျာ်ကဗၚ်ဂှ်သိုၚ်ဘာကောန်ဂကူတၟိ မွဲဘာ၊ ကွာန်ကအ်တာဂှ်သိုၚ်ဗ္ဒမ်ဂဉုဲတၟိမွဲမ၊ ပ္ဍဲကွာန်ကရေပ်ဂှ် ပလေဝ်ကၟာဍာ်တအ်နွံကၠုၚ်ဂှ် ကမၠောန်အာစိုပ်ဒတုဲတုဲ ကၠောန်သ္ပအသေအဟာန်စၟတ်သမ္တီသာ်ဝွံရ။ ပရေၚ်ကမၠောန်ဖောအ်ဗြေဝ်ဏအ်ဝွံ နွံၚုဟ်မး ကိုတ်ထပှ်ကၠံဒကေဝ်ပြၚ်ရောၚ် ဂွံတီကေတ်ရ။
ပ္ဍဲအသေအဟာန်ဝွံ လျိုၚ်ဗွိုၚ်အပ္ဍဲဍုၚ်ဗော်ဍုၚ်မန်တၟိ ကမ္မတဳရေၚ်တၠုၚ်ကေၚ်ကာဗဟဵု နာဲဗညာလဴ တိုန်စိုပ်ဟီုဂလာန်တုဲ ညးတာလျိုၚ်ခရိုၚ်၊ ညးစၞးဂကောံဗၟံက်ရုပ်ရဴကမၠောန်ဖောအ်ဗြေဝ်ဒေသ၊ ဂကောံအုပ်ဓုပ် ကွာန်မဆက်စပ်ဂမၠိုၚ် ကေုာံ ခၟဳသၚ် ညးဍုၚ်ကွာန်ဒေသဂမၠိုၚ် တိုန်စိုပ်လဝ်ရောၚ် ဂွံတီကေတ်ရ။