#ဗော်ဍုၚ်မန်တၟိကဵုဂကူမန် သ္ကုတ်(၁)
✍️ဝိဉာဏ်ၜိုပ်
◼️ဗွဲကိုပ်ကၠာ ဆက်ဏာမိတ် မုဟိုတ်ဂွံဒှ်ချူလိက်ပရေၚ်ဝွံရော? အခိၚ်ခေတ်ကာလလၟုဟ်ဏံ ဒှ်မံၚ်ခေတ်လပှ်ကျာတုဲ မုအရာလဵုမွဲဟွံဟီု သၟိက်မိက်ဂွံကဵုညးဂမၠိုၚ်တီမ္ဂး သုၚ်စောဲလပှ်ကျာတုဲ ညးဂမၠိုၚ်တီကေတ်မာန်ရ၊ မၞိဟ်ဂမၠိုၚ်တံဂှ်လေဝ် ကေတ်အခေါၚ်ခိုဟ် လ္တူခေတ်လပှ်ကျာတုဲ ညးလ္ၚဵုသွံ/ရာန်ဖျာ ညးလ္ၚဵုလလောၚ်တြးပရေၚ်ဒတုဲဖဵုဇကု ဂကောံဇကု ညးလ္ၚဵုလက်ပလံၚ်ဏာ ညးလ္ၚဵုဒုၚ်ထ္ၜးရုပ် ညးလ္ၚဵုဟွံထ္ၜးရုပ် ညးလ္ၚဵုလီဠာန် နကဵုနဲကဲနာနာသာ် သုၚ်စောဲလပှ်ကျာအိုတ်ရ။
🔸ပ္ဍဲကဵုလိက်ပရေၚ်ဏံ မိက်ဂွံချူဏာ ပရေၚ်မန်ပိုဲတံ ဟီုဂး ပါ်ပါဲချူဆာဲမံၚ် ပရေၚ်ပရော စပ်ကဵုဗော်ဍုၚ်မန်တၟိဂွံဆဵုကေတ်ရ၊ ပ္ဍဲအရာဟီုဂး ပါ်ပါဲချူဆာဲမံၚ်နာနာသာ်တံဂှ် ညးလ္ၚဵုထံက်ထ္ၜးနကဵုစေတနာလ္ပာ်ခိုဟ်လေဝ်နွံ ညးလ္ၚဵုဟီုဂးပျုတ်ဗ္ဒေက် နကဵုစေတနာယုတ်တ်လေဝ် နွံတဴဒၟံၚ် ဂွံဆဵုကေတ်တုဲ လ္တူညးမဟီုဂးပါ်ပါဲမံၚ်တံဂှ် နကဵုလညာတ်အဲ ၜိုတ်တီ ၜိုတ်ကၠိုဟ် (အဲတီအိုတ်ကၠိုဟ်အိုတ်သွံသေၚ်) သၟိက်ဂွံက္လေၚ်ပါ်ပါဲတုဲ ဒှ်ချူလိက်ပရေၚ်ဏံရ။
🔸ဗော်ဍုၚ်မန်တၟိဂှ် တန်ကၠုၚ်ပဋိသန္ဓိပ္ဍဲဂဝ်ဂၞဴ နူဗော်ပၠတရဴဍုၚ်မန်ရောၚ်ဟီုမ္ဂး ဟွံဗၠေတ်အဲညာတ်ကေတ်ရ၊ ဂလာန်ညးတမၠာဟီုလဝ် “အဒါတ်ဗက်ဗျ ကောန်ဗက်မိမ” ၜိုန်နွံတဴကီုလေဝ် ကောန်ဇာတ်လ္ၚဵုကၠာဲအာ ဟွံတုပ်ကဵုမိမနွံတဴကီုရ၊ တုပ်တဴညံၚ်ရဴသာ်ဂှ်ကီု ဗော်ပၠတရဴဍုၚ်မန်ၜံၚ်သၠးပတိတ်နၚ်ကောန်ဇာတ်ဂှ် ဟွံဗက်ဂၠံၚ်တရဴ ဗော်ပၠတရဴဍုၚ်မန် ဒှ်အာကောန်ဒစဵုဒ္စးမိမ ကၠာဲအာဒှ်အာ #ဗော်ဍုၚ်မန်တၟိ ရ၊ ဗော်ဍုၚ်မန်တၟိဂှ် နူကဵုသၞာံ 1958 တေံ သၠးတိတ်ကၠုၚ်ဂဝ်ဂၞဴတုဲ အခိၚ်အဲချူလိက်ဏံ စိုပ်ကၠုၚ် ကၞောတ်သၞာံ 2021 ရဏောၚ်ဟီုမ္ဂး အာယုက်ပေၚ်အာ(၆၃)သၞာံတုဲရ။
ဗော်မွဲမွဲ ဂကောံမွဲမွဲ ဒက်ပတန်ပတိုန်ဂှ် လောဲလောဲရ၊ ဆ္ဂး ဂွံတန်တဴအာဍာ်ဇမၠိၚ်မာန်ဂှ် ဟွံလောဲသွာရ၊ ဗော်ဍုၚ်မန်တၟိဂှ် မုဟိုတ်ဂွံတန်တဴကၠုၚ် ပွိုၚ်(၆၃)သၞာံမာန်ကၠုၚ်ရောဂှ် ထေက်ကဵုသ္ဒးသ္ၚဳဂၠိပ် ဇွိတ်သပေါတ်ရံၚ်ရ၊ နကဵုလညာတ်အဲညးချူလိက်ဏံ ညာတ်ကေတ်ထေၚ်ကေတ်မ္ဂး မုက်ဂၞန်မွဲဂှ် #ဟိုတ်နူညးဍုၚ်ကွာန်မန်တံထံက်ဂလာန် မိက်ဂွံသ္ဂးရ၊ ဗော်သ္ပစၞးကဵုဂကူဟီုဂှ် ဂကူဒးဒုၚ်သ္ပစၞးကဵုဂှ် ဒုၚ်တဲထံက်ဂလာန်မှလေဝ် တန်တဴဂွံရောၚ်၊ ယဝ်ခါရ ကောန်ဂကူဟွံဒုၚ်တဲ ထံက်ဂလာန်ဟွံမာန်မ္ဂး ဗော်ဍုၚ်မန်တၟိဂွံဂျိုၚ်ကၠုၚ်လမျီု လလအ်(၆၃)သၞာံဏံဒှ်ဟွံမာန်ရ၊ ပ္ဍဲကဵုအကြာညးထံက်ဂလာန်ဂှ်ပၠန် ညးလ္ၚဵုဟွံဒုၚ်တဲ ဟွံထံက်ဂလာန်ဂှ် နွံတဴကီုရ။
👉သ္ကုတ်(၂) ဆက်ပတိုန်ကဵုပၠန်ရောၚ်...
No comments:
Post a Comment