ကဵုတန်ဗ္တောန် အရာပြုပြေၚ်အုပ်ဓုပ်ကောပ်ကာဲခိုဟ် ကုညးတာလျိုၚ်ဗော်ဍုၚ်မန်တၟိ
စပ္တံနူဂိတုနဝ်ဝေမ်ဗါ စၟတ်တ္ၚဲ (၂၂) စဵုစိုပ် စၟတ်တ္ၚဲ (၂၄) တုဲကၠုၚ်ဏအ်ဂှ် နူကဵုဂကောံၜိုဟ်လလံရာမည (RPF) သ္ကိုပ်သ္ကတုဲ ပံက်ကဵုကၠုၚ်လဝ်တန်ဗ္တောန် အရာပြုပြေၚ်အုပ်ဓုပ်ကောပ်ကာဲခိုဟ် ကုညးတာလျိုၚ် ဗော်ဍုၚ်မန်တၟိဂမၠိုၚ် ပွိုၚ် (၃) နွံရ။
တန်ဗ္တောန်ဏအ်ဝွံ ညးစၞးဗော်ဍုၚ်မန်တၟိဂမၠိုၚ် ညးတာလျိုၚ်က္ဆံၚ်သွာၚ်ဇဳ ဗဟဵု၊ ဒေသပွူဳဗဟဵု၊ ခရိုၚ်၊ ပွိုၚ်ဍုၚ်၊ ဗွိုၚ်အပ္ဍဲဍုၚ် သီုဖၟိုတ် လၟိဟ် (၃၀) တၠ တိုန်စိုပ်ကတ်လ္ၚတ်လဝ်တုဲ ပ္ဍဲတ္ၚဲစပံက်တန်ဗ္တောန်ဂှ် ညးလျိုၚ်ဗွိုၚ်အပ္ဍဲဍုၚ် ကေၚ်ကာဗဟဵု နာဲဗညာလဴ တိုန်စိုပ်ဟီုလဝ်ဂလာန်ကီုရ။
ပ္ဍဲကဵုတန်ဗ္တောန် ပွိုၚ် (၃) တ္ၚဲဂှ် စပ်ကဵုအရာပြုပြေၚ်အုပ်ဓုပ်ကောပ်ကာဲခိုဟ်တုဲ သောၚ်က္လးခန်လ္ၚတ်ဂၠးတိတၟိ၊ ပရေၚ်အုပ်ဓုပ်ကောပ်ကာဲ၊ ချူဓဇက်ဗီုပြၚ်ဒက်ပ္တန်ဂကောံ၊ လၟေၚ်ကမၠောန် ဂွံစိုပ်တရဴမာန်၊ ဗီုပြၚ်ရေၚ်တၠုၚ်ကမၠောန် နကဵုဂကောံ၊ ပရေၚ်ရေၚ်တၠုၚ် ကုညးဍုၚ်ကွာန် ဂွံစိုပ်တရဴမာန်၊ ချူဓဇက် ကိုန်အစဳဇန်၊ သ္ၚဳဂၠိပ်ကမၠောန် ကေုာံ ခါတ်အကာဲ၊ ပရေၚ်အာက္ဍိုပ် ကေုာံ ပရေၚ်အုပ်ဓလီု၊ ပရေၚ်ပံၚ်ဗ္စပ်ကုညးဍုၚ်ကွာန်ကီု သဳကၠဳလဝ် ပ္ဍဲခန်ဗ္တောန်ဝွံနွံရောၚ် ဂွံတီကေတ်ရ။
တန်ဗ္တောန်မတုပ်သၟဟ်ကဵုသာ်ဝွံကီု သွက်ဂကောံမှာဇန် မဆက်စပ်ကုသွာၚ်ဗော်ဍုၚ်မန်တၟိတအ်လေဝ် ဆက်ပံက်ဗ္တောန်အာကဵုပၠန်ရောၚ် ဂွံတီကေတ်ရ။
No comments:
Post a Comment