ညးတာလျိုင်ဗော်ဍုင်မန်တၟိတအ် ကၠောန်သ္ပပေါဲဆဵုဂဗ သောင်ကလး သၠာဲဂတးလညာတ်ကု ညးဍုင်ကွာန်

ညးတာလျိုင်ဗော်ဍုင်မန်တၟိတအ် ကၠောန်သ္ပပေါဲဆဵုဂဗ သောင်ကလး သၠာဲဂတးလညာတ်ကု ညးဍုင်ကွာန်

===============================

ဂိတု အံက်တဝ်ဗာတုဲကၠုင် ပ္ဍဲသတ္တဟလက္ကရဴအိုတ်ဂှ် ညးတာလျိုၚ်ဗော်ဍုၚ်မန်တၟိတအ် သ္ပသဇိုၚ်ကဵုရုၚ်ဆက်ဆောံဗော် (၆) ရုၚ်တုဲ ကၠောန်သ္ပဏာပေါဲဆဵုဂဗသောၚ်ကလး သၠာဲဂတးလညာတ်ကု ညးဍုၚ်ကွာန်တအ် ဒၞာဲညးကုညးရ။

ပ္ဍဲပေါဲဆဵုဂဗတအ်ဂှ် ညးတာလျိုၚ်ဗော်ကဆံၚ်ၚ်ဂမၠိုၚ် ကေုာံ လျိုၚ်ဆက်ဆောံဂမၠိုၚ်တအ် သောၚ်ကလး အကာဲအရာပရေၚ်ဍုၚ်ကွာန်၊ အကာဲအရာဗော် ကေုာံ အကာဲအရာရုၚ်ဆက်ဆောံဗော်ဍုၚ်မန်တၟိဂမၠိုၚ်တုဲ ညးတိုန်စိုပ်ဂမၠိုၚ်တအ် သၟာန်သၟုက်သၠာဲဂတးလညာတ် ကေုာံ ကဵုကသပ်ကုဗော်နွံကၠုၚ်ရောၚ်ဂွံတီကေတ်ရ။

ပေါဲဆဵုဂဗဏအ်ဝွံ နကဵုရုၚ်ဆက်ဆောံမတ်မလီုဂှ် ကၠောန်ဗဒှ်လဝ် ပ္ဍဲၝောံခန်ဌာန်ဂအုပ်ခရိုၚ်သဓီု၊ ရုၚ်ဆက်ဆောံမုဟ်ဍုၚ်ဂှ် ကၠောန်ဗဒှ်လဝ် ပ္ဍဲၝောံခန်ဌာန်ဂအုပ်ခရိုၚ်မတ်မလီု၊ နကဵုဆက်ဆောံဇြပ်ဗုဂှ် ကၠောန်ဗဒှ်လဝ်ပဍဲရုၚ်ဆက်ဆောံဇြပ်ဗု၊ နကဵုဆက်ဆောံကျာ်ပိဂှ် ကၠောန်ဗဒှ်လဝ် ပဍဲရုၚ်ပွိုၚ်ဍုၚ်ကျာ်ပိ၊ ဆက်ဆောံရေဝ်ဂှ် ကၠောန်ဗဒှ်လဝ် ပဍဲရုၚ်ပွိုၚ်ဍုၚ်ရေဝ်သၠုၚ်ကျာ(ရုၚ်ဝါဇြေန်)၊ နကဵုဆက်ဆောံဍာ်ဂမ္တူဂှ် ကၠောန်ဗဒှ်လဝ် ပဍဲဇြပ်သဘၚ်ဓရ်ဍာ်ဂမ္တူ‌ရောၚ်ဂွံတီကေတ်ရ။

တၚ်သမ္တီ။.  ။

ညးတိုန်စိုပ်ပေါဲဆဵုဂဗဂမၠိုၚ်တအ် မိက်ဂွံကဵုဗော်လလောၚ်တြးအာ ဂၞန်ကေတ်အဆက်ကုရုၚ်ဆက်ဆောံဗော်ဍုၚ်မန်တၟိဂမၠိုၚ်တုဲ နူကဵုဌာန်ပရိုၚ်ဍုၚ်မန်တၟိဏအ် မ္ဒးလလောၚ်ကဵုဏာသမ္တီ ဂၞန်ကေတ်အဆက်ရုၚ်ဆက်ဆောံဂမၠိုၚ် ကု ညးဍုၚ်ကွာန်တအ် အတိုၚ်ဗွဲသၟဝ်ရ။

၁။ ရုၚ်ဆက်ဆောံ မတ်မလီု       09880491032

၂။ ရုၚ်ဆက်ဆောံ မုဟ်ဍုၚ်.       09880491033

၃။ ရုၚ်ဆက်ဆောံ ဇြပ်ဗု.           05779351

၄။ ရုၚ်ဆက်ဆောံ ကျာ်ပိ.          09755315972

၅။ ရုၚ်ဆက်ဆောံ ရေဝ်.            09880491035

၆။ ရုၚ်ဆက်ဆောံ ဍာ်ဂမ္တူ.         09768729852

** ဂၞန်ရုၚ်ဗွိုၚ်အပ္ဍဲဍုၚ်.                09880491031

Credit ပရိုၚ်ဗော်ဍုၚ်မန်တၟိ