#
ပေါဲအံၚ်ဇၞးမၞုံကဵုစရာဲ(Great victory)
ညးဆာန်ဂကူဍာံပြတံ ယဝ်ကၠောန်ပရေၚ်ဍုၚ်ကွာန် သၟိက်မိက်ဂွံပေါဲအံၚ်ဇၞး မၞုံကဵုစရာဲမ္ဂး လ္ပကေမ်ၛာပ်လဝ် ဝါဒလညာတ်က္ဍန်ဂြက် ကဵု ဝါဒမဟာဂကူ ပ္ဍဲစိုတ်ဓာတ်ဇကုညိ။
#ဝါဒလညာတ်က္ဍန်ဂြက် မ္ဂးဂှ် ဂကူ/ဘာသာ/အရေဝ်/လိက်ပတ်/ယေန်သၞာၚ်/ပြဝေဏဳဇကုမှ သၠုၚ်ပြဲခိုဟ်အိုတ်ရောၚ်။ (ဝါ) ညးတၞဟ်မုဒှ်ဒှ် ဇကုသာမံၚ်တှ်ေတုဲ မပ္တးသာ်ဝွံ ဂွံအဓိပ္ပါဲရ။
#ဝါဒမဟာဂကူ မ္ဂးဂှ် ဂကူညးတၞဟ် ဒးမံၚ်သၟဝ်တဲဇကုဟေၚ်တုဲ ဗီုဇကုနွံပၟိက် အခိုက်ဇကုဟေၚ် ညးတၞဟ်သ္ဒးဗက်စရောၚ်။ (ဝါ) ဇြဟတ်အဲတဴမံၚ် အဝဵုနွံပ္ဍဲအဲ ဗီုအဲဟီုဂှ်က္လၚ် ဗီုအဲစၞောန်ဂှ်ကၠောန် မပ္တံသာ်ဝွံ ဂွံအဓိပ္ပါဲရ။
ပူဂဵုမွဲ ၜိုတ်လဵုဆာန်ဂကူကီုလေဝ် ယဝ်ကေမ်ၛာပ် ဗန်တ္ၚေတ်လဝ်ဝါဒၜါဏံမ္ဂး ပေဲါအံၚ်ဇၞးပြဲပြဲ မၞုံကဵုစရာဲဇၞော်လောန်ဂှ် က္လိဂွံဟွံမာန်တုဲ ပေဲါအံၚ်ဇၞးယုတ်တ်သဝ်ဝ် ပေါဲအံၚ်ဇၞးၜိၚ်ဍာ်ပါၚ် ညးလောကတံဟေၚ် က္လိဂွံမာန်ရောၚ်။
#အံက်သာ(တပရ)
No comments:
Post a Comment